Во Виена ќе се враќа во живот договорот од Пржино

Европската комисија (ЕК) тукушто потврди дека комесарот Јоханес Хан во петок во Виена ќе се сретне со четворицата претседатели – СДСМ, ВМРО-ДПМНЕ, ДУИ и ДПА. На средбата ќе присуствуаат и тројцата европски пратеници Иво Вајгл, Ричард Ховит и Едвард Кукан.

“Делегацијата на ЕУ испрати покана во име на тројцата пратеници за состанок, заедно со комесарот Хан, со лидерите политичките партии во земјата кој ќе се одржи на 22 април во петок во Виена.

Цел на средбата е да се разговара за начините за решавање на кризата и да се обезбеди понатамошната примена на договорот од Пржино и реформските приоритети”, соопшти Делегацијата на ЕУ во Скопје.

Според досегашните информации, ЕК не е подготвена да се откаже од договорот од Пржино иако оваа спогодба помеѓу четворицата лидери е практично мртва со оглед на бројните доцнења во примената.

И особено по последната акција на претседателот Иванов и неговото помилување на лица за кои допрва треба да се води истрага. Со тоа се доведува во прашање постоењото на Специјалното јавно обвинителство кое е креирано според одредбите на договорот од Пржино.



Според портпарол на ЕК, Хан е во постојан контакт со сите четворица лидери.

трендафил напиша:Не знам за што има да преговараат лидерите на четирите партии кога за кусо време ќе имаме избори. Дали Заев ќе им се извини на сите за безобразните лаги за наводни фантомски гласачи кои ги има само во неговиот ум.

„Македонија на нозе, режимот на колена“

Од #Протестирам поставија четири нови барања: Уставниот суд да се изјасни за уставноста на Законот за СЈО, да се формира специјално судско одделение, преодна влада и во преговорите да се вклучат граѓанските организации

http://www.dw.com/mk/%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0-%D0%BD%D0%B0-%D0%BD%D0%BE%D0%B7%D0%B5-%D1%80%D0%B5%D0%B6%D0%B8%D0%BC%D0%BE%D1%82-%D0%BD%D0%B0-%D0%BA%D0%BE%D0%BB%D0%B5%D0%BD%D0%B0/a-19197289

-Целосно ги поддржувам барањата на Протестирам, пред се запирање на аболицијата и оставка од Иванов, поддршка за СЈО и формирање на Специјален суд бидејќи овој е под контрола на власта. Преговорите во Виена се само продолжување на агонијата и нема да донесе никаква разврска, нема причина после 100ти пат да се преговара со врхушката на ВМРО, вели Васко, учесник во протестите.

ОБНОВЕНО Заев: Иванов да ја повлече аболицијата, Собранието да ги одложи изборите, па одиме во Виена (ВИДЕО)



Лидерот на СДСМ, Зоран Заев денеска соопшти дека ако не се исполнат два услова СДСМ нема да оди на средбата во Виена што ја организира еврокомесарот Јоханес Хан в петок со цел да се најде решение за излез од политичката криза.

- Ја почитуваме иницијатива на европратениците и на комесарот Хан за средба за договорот од Пржино во Виена. За СДСМ да учествува во Виена неопходно е да се исполнат два услова. Прво, Иванов да ги повлече сите одлуки за аболиција што ги донесе и второ, да се свика Собранието за да ја повлече одлуката за распишување избори на 5 јуни затоа што нема услови за тоа - рече Заев.

На средбата се поканети лидерите на ВМРО-ДПМНЕ, СДСМ, ДУИ и ДПА, како и тројцата европратеници Ричард Ховит, Едвард Кукан и Иво Вајгел, како и амбасадорите на Еу и на САД во земјава, Аиво Орав и Џес Бејли.

Претходно, само ВМРО-ДПМНЕ објави дека ќе оди на средбата во Виена, која ако се случи се очекува да трае долго.

Во продолжение целото обраќање на Заев на денешната прес конференција:

Македонија е на нозе. Граѓаните од цела Македонија, без разлика на политичка, национална или верска припадност, заедно го кренаа својот глас во име на демократијата и слободата. Излегоа, и продолжуваат. И секој ден се се побројни. Секој ден се порешени: дека ќе се борат за својата татковина, ќе се борат против криминалот и злоупотребите, ќе се борат за правда, за слобода, за еднаквост. Ќе се борат за себе, за своите деца и родители, ќе се борат за своите внуци и нашата зедничка иднина.

СДСМ, коалицијата и потписниците на Платформата за демократска Македонија ги делиме истите вредности и определби со граѓаните коишто протестираат и јасно и гласно го изразуват незадоволството од режимот на Груевски.

Воедно пoрачувам, ја почитуваме иницијативата на европратениците и комесарот Хан за средба на лидерите на партиите потписнички на Договорот од Пржино во Виена. За СДСМ да учествува на средбата во Виена, неопходно е да се исполнат два преудслови:

1. Иванов да ги повлече сите срамни одлуки за помилување што ги донесе по нарачка на Никола Груевски, спротивно на Уставот и законите.

2. Да се свика Собранието за да ја повлече одлуката за одржување на избори на 5-ти јуни поради неисполнети клучни услови за регуларни, слободни, фер, и кредибилни избори.

Никола Груевски, Ѓорге Иванов, Трајко Велјаноски и ВМРО-ДПМНЕ во координирана акција го погребаа Договорот од Пржино.

Ги срушија сите принципи на коишто почиваше организирање фер и демократски избори, одговорност за сторениот криминал, преодна влада.

Заради ваквото нивно однесување СДСМ не може да се врати на преговарачка маса како ништо да не се случило. За преговарачкиот процес да стане возможен ВМРО-ДПМНЕ мора да покаже дека договореното ќе го почитува.

Во Македонија мора да има и ќе има регуларни, фер и слободни избори со прочистен избирачки список, реформи во медиумите и одвојување на партијата од државата.

За враќање на довербата во правото и правната држава мора да се обезбеди нормално функционирање и целосна поддршка на работа на независната институција Специјално јавно обвинителство.

СДСМ, сите слободоумни граѓани и цела демократска Македонија заедно ја продолжуваат битката за враќање на слободата и демократијата, за враќање на уставниот поредок.

Или Груевски или Македонија.

luxor напиша:

трендафил напиша:Не знам за што има да преговараат лидерите на четирите партии кога за кусо време ќе имаме избори. Дали Заев ќе им се извини на сите за безобразните лаги за наводни фантомски гласачи кои ги има само во неговиот ум.

Доста бре лажеш.

ЕУ ЌЕ ПРЕЗЕМА СЕРИОЗНИ АКЦИИ ЗА РЕШАВАЊЕ НА МАКЕДОНСКАТА КРИЗА

Еврокомесарот Јоханес Хан и тројцата европратеници Ричард Ховит, Едвард Кукан и и Иво Вајгл преку писмено соопштение изразија жалење поради неодржувањето на лидерската средба којашто беше закажана за утре во Виена. Поради отсуство на било каков прогрес, ние ќе мораме да констатираме понатамошни акции за да се реализираат јасните барања на Европскиот совет, Европската комисија и Европскиот парламент, се вели во соопштението на пратениците.Ви го пренесуваме во целост.

“Како ЕУ комесар и медијатори на Европскиот парламент, жалиме дека лидерската средба планирана за 22 април во Виена не може да се одржи. Целта на оваа средба беше да и се помогне на земјата да најде пат напред во примената на договорот од Пржино со учество на сите потписници на договорот.

Постојаните проблеми со владеењето на правото во Скопје, кои ги нарушуваат договорот, мораат без одлагање да бидат решени. Тоа се однесува пред се на неодамнешната амнестија на претседателот и чекорите што итно треба да се направат за подготовка на кредибилни избори кои ќе бидат признаени од меѓународната заедница.

Ние остануваме цврсто определени и стоиме на располагање за да им дадеме помош на партиите. Сепак, подвлекуваме дела одговорноста за демократски напредок и прогрес на евро-атланскиот пат лежи кај партиите во име на граѓаните на нивната сопствена земја. Сега е на нив ред да реализираат и да го дефинираат патот кој води напред.

Постојано повторуваме дека нарушувањето на договорот од Пржино ќе има сериозни последици за земјата. Длабоко жалиме поради ретроградните чекори кои ја туркаа земјата вон нејзините аспирации кон влез во Европската унија.

Поради отсуство на било каков прогрес, ние ќе мораме да констатираме понатамошни акции за да се реализираат јасните барања на Европскиот совет, Европската комисија и Европскиот парламент.

Исто така ги примаме на знаење изјавите и акциите на граѓанското општество во земјата и ја даваме нашата целосна поддршка за сите мирни напори за да се обезбеди плурализам и слобода на мислење, централни вредноси на сите европски демократии”.

ЕУ подготвува санкции против македонски политичари и одземање на препораката

Санкции за водечки политичари и одземање на препораката за почеток на преговорите со ЕУ. Тоа се следните чекори на ЕУ по откажувањето на преговорите во Виена, дознава Дојче веле од свои извори во Брисел.



Во Брисел сериозно се размислува за воведување санкции против водечки македонски политичари, потврдија за Дојче Веле извори во Европската Унија. Планот е подготвен и најверојатно постапката која ќе предвидува серија мерки против поединци, но и кон државата наскоро ќе влезе во процедура преку Европската Комисија.
ЕУ политичар кој инсистираше на анонимност попладнево за ДВ потврди дека откако претседателот Ѓорге Иванов прогласи амнестија и се откажаа разговорите во Виена, тоа е следниот чекор.
„Точно е. Се размислува за сериозни санкции. Прв чекор ќе биде одземањето на препораката за почеток на преговорите“, вели изворот.
Таквата можност, меѓу редови, беше најавена и во денешната заедничка изјава на комесарот за проширување Јоханес Хан и тројцата европратеници кои посредуваа во македонската политичка криза, Ричард Ховит, Иво Вајгл и Едуард Кукан.
„Во недостаток на натамошен напредок, сега сме принудени да размислуваме за натамошни чекори за исполнување на барањата кои беа поставени од Советот на ЕУ, Европската Комисија и Европскиот парламент“, се наведува во неа.
Минатата недела и „Вол Стрит Џрнал“ цитираше анонимен дипломат на ЕУ кој ја најави можноста за санкции.
Според изворот на Дојче веле, паралелно со одземањето на препораката, однапред ќе биде најавено дека нема да бидат признаени резултатите од изборите на 5 јуни.

Целни санкции против поединци

Последните чекори ќе бидат „целни санкции“ против одредени политичари.
„Таргетираните санкции против политичарите ќе вклучуваат и замрзнување на банкарски сметки и забрана за патување во ЕУ“, вели дипломатот.
Процедурата за мерките кон земјата и санкциите кон политичарите ќе се одвива преку Европската Комисија со консултации со државите членки на ЕУ.
Во Брисел ги отфрлаат стравувањата дека ваквите мерки само дополнително ќе ја влошат кризата и ќе ги радикализираат состојбите. Фактот што експремиерот Никола Груевски и неговите соработници ќе бидат дополнително притиснати до ѕид не може да ја влоши состојбата, затоа што таа и онака е драматична.
„Не воопшто не сме загрижени за тоа. Далеку повеќе сме загрижени дека се влошува состојбата и дека земјата оди кон поголема нестабилност. Не би размислувале за вакви мерки ако не сметавме дека се неопдхони. Многу е опасна состојбата“, вели политичарот на ЕУ кој инсистира на анонимност.