БОМБАТА

ПРОСТЕТЕ, АМА НЕ ИМ ПРОСТУВАМ

Фокус 22 фев 2015, 16:40

Од сите верски и државни празници највеќе ми се допаѓа симболиката која ја носи денешниов ден – Прочка. Денот кога си простуваат земјата и небото, кога постарите им проштеваат на помладите, денот кога се оставаат зад себе лошите мисли и дела. Толеранција и љубов на сите страни. Макар и за еден ден.

Јас денес, еве, се обедувам од петни жили да си ги приберам парчињата христијанска и човечка доблест и да си кажам – Простено им е. Не ми оди. Тешко ми е. Уште ми го пече грлото желудочна киселина, уште ми одекнува низ глава ѓаволската смеа и нечовечкиот насит. Верувам дека никој од нас не остана рамнодушен кон овој атак на нормалноста, изнесен преку прислушуваните телефонски разговори. Верувам и дека секој од нас има своја причина за непрост кон одредени луѓе – нелуѓе. Еве ги моите причини и лица наредени по азбучен редослед:

Гордана Јанкулоска: поради тоа што ги навредува униформираните полицајци, но и сите вработени во МВР со кои ресорно раководи, нарекувајќи ги „џандари“ и „гревчиња“, како и поради рамнодушната леснотија со која прејде преку информацијата за смртта на Мартин Нешковски.

Елизабета Канчевска-Милевска – поради дизнилендот кој ми го направи во родениот град и поради сите пари за него, кои поминаа преку каса-прими во туѓи каси.

Зоран Ставревски – поради сите затворени бизниси и запустени домови и поради уличарскиот безобразлук спрема оние кои не му се на линија.

Никола Груевски – поради трансформацијата на мојата држава во земја на стравот и лагата, поради нахалноста, суетата и инаетот, како и поради гуштерската насмевка кога го предлагаше глупавиот закон преку победоносната формула – „сега барем ќе имаат шестки“ (се однесува на студентите).

Никола Тодоров – поради комплетната девастација на здравствениот и образовниот систем и поради смртта на Тамара.

Сашо Мијалков – поради простаклукот, кукавичлукот и елементарниот недостаток на човечност, како и поради хиенското кикотење врз туѓа несреќа.

Намерно пропуштам уште неколкумина протагонисти од прислушуваните разговори – Латас, Стојменов или Котевски. Тие не се достојни ни за непрост.

универзитетски професор Гордана Попсимонова

http://fokus.mk/prostete-ama-ne-im-prostuvam/

Остри тонови од Брисел: Јункер не го прима Груевски поради кризата

Претседателот на Европската комисија, Жан-Клод Јункер, ја откажа средбата со премиерот Груевски што требаше да се одржи в четврток во Брисел.

Портпаролката на Јункер, Мина Андреева, кусо ни потврди: „Бевме во разговори со поранешната југословенска република Македонија. Комесарот Хан беше на терен на 17, во контакт сме со нив, единствено што можам да кажам е дека поради развојот на настаните на терен, се одлучи дека не е опортуно да се има средба сега“.

Извори во Европската комисија за „Мета“ дообјаснуваат дека претседателот Јункер ја донел оваа одлука поради политичката криза во државата и поради недостигот од дијалог.

„Нашиот став е јасен. Ситуацијата во државата е тешка, ние рековме што мислиме, ова што се случува не е добро и треба да почне вистински дијалог за приоритетите на земјата. Контактите помеѓу ЕК и Македонија продолжуваат, но оценивме дека контакт на тоа високо ниво во овој момент е несоодветен“, изјави дипломатски извор за „Мета“.

Средбата не е одложена, само откажана, потврдуваат од ЕК. Целта на средбата беше двајцата лидери да се запознаат бидејќи формален контакт досега немало откако Јункер е избран за претседател на европската извршна власт.

http://a1on.mk/wordpress/archives/455169

Shilegov go potvrdi ova...

Шилегов: Груевски е меѓународно изолиран



Никола Груевски е политички изолиран од меѓународните авторитети. Последната силна порака дојде од претседателот на Европската комисија, Жан Клод Јункер, кој денеска ја откажа средбата со Груевски, закажана за в четврток. И тука не помага криењето и срамната реакција на министерот Никола Поповски кој се обидува да лаже за скандалозното откажување на првата средба на претседателот на Европската комисија со Груевски, кога лично портпаролката на Европската комисија, официјално, на денешната прес конференција во Брисел, информираше дека Јункер, поради „развојот на ситуацијата во Македонија“ ја откажал средбата со Груевски.

- Очигледно дека молкот на Никола Груевски и неговите соработници по скандалите со прислушувањето, местењето судии и судски одлуки, обелоденетиот политички монтиран процес проследен со изживување, е запрепастувачки не само за домашната јавност туку и за меѓународната заедница и политичките структури во меѓународни рамки. Наместо да се соочи со јавноста, Груевски неодговорно, се обидува да манипулира скриен зад сервисот Јутјуб. Непосредно пред веќе откажаната средба со Јункер, еврокомесарот Хан
предочи дека е доведена во прашање „репутацијата“ на Македонија. Ако се земе предвид официјалниот став на Европската комисија за потребата од владеење на правото, почитување на основните човекови права и слободата на медиумите, за коишто децидно е наведено дека се прашања за коишто едноставно „не се преговара“, повеќе од јасно за сите е дека во Македонија не постои минимум државен капацитет за овие суштински потреби - вели портпаролот на СДСМ.

http://plusinfo.mk/vest/15893/shilegov-gruevski-e-megjunarodno-izoliran-

СДСМ: Анкетната комисија што ја заговара Хан може да продуцира само палома хартија

СДСМ не верува дека парламентарен комитет, односно анкетна комисија што според еврокомесарот Јоханес Хан би можела да ги расчисти компромитирачките информации што ги објавува опозицијата, а се однесуваат на начинот на работа на државните фунционери може реално да донесе излез од политичката криза.

„Искуство со Анкетната комисија за настаните од 24 декември, кога претставниците на ВМРО-ДПМНЕ ставија потписи на заклучоците до коишто се дојде со меѓународно посредништво, а потоа документот го прогласија за палома хартија, е класичен доказ дека комисии, дури и со меѓународни посредници, не даваат никаков резултат“, коментира СДСМ.

http://plusinfo.mk/vest/15865/sdsm-anketnata-komisija-shto-ja-zagovara-han-moze-da-producira-samo-paloma-hartija

Дали и кои „снимки“ ја откажаа средбата Јункер-Груевски?

Откажаната средба во Брисел ги зголеми шпекулациите за мотивите на тој чин: од несанкционираното објавување снимки на Јутјуб, до можни сознанија дека „увото“ зафатило и странски дипломати

http://www.dw.de/%D0%B4%D0%B0%D0%BB%D0%B8-%D0%B8-%D0%BA%D0%BE%D0%B8-%D1%81%D0%BD%D0%B8%D0%BC%D0%BA%D0%B8-%D1%98%D0%B0-%D0%BE%D1%82%D0%BA%D0%B0%D0%B6%D0%B0%D0%B0-%D1%81%D1%80%D0%B5%D0%B4%D0%B1%D0%B0%D1%82%D0%B0-%D1%98%D1%83%D0%BD%D0%BA%D0%B5%D1%80-%D0%B3%D1%80%D1%83%D0%B5%D0%B2%D1%81%D0%BA%D0%B8/a-18275832?maca=maz-rss-maz-pol_makedonija_timemk-4727-xml-mrss

Hamad bim Khalifa напиша:Da!

Hamad bim Khalifa напиша:Aj srekjen raboten den! Denes se preporacuva da ne se stoi na otvoreno, pri bidejki bombi ke frcat!

Илија Бошков - Крајнички: Во 2015 година предвидувам два атентата напиша:

Бомба“ денеска во 14 часот напиша:

ВИДЕО Заев: Повеќе од 100 новинари таргет на УБК

Го објавуваме во интегрална форма денешниот прес на лидерот на СДСМ, Зоран Заев.

„Знам дека Вистината за Македонија, и од овие материјали што досега ги објавивме, e запрепастувачка, тешка, болна, несфатлива за еден нормален човек.

Денеска почитувани граѓани и новинари, ќе објавиме дополнителни докази и аргументи за суровата и свирепа вистина, за механизмите на тоталната контрола што ја имаат воспоставено Никола Груевски, братучедот Сашо Мијалков и уште неколкумина нивни соработници. Како овие луѓе успеваат да диктираат и креираат лажна реалност, на тој начин одржувајќи се на власт.

Денеска обелоденуваме дека сето ова се прави, директно од еден центар, Управата за безбедност и контаразузнавање во чиишто машини за обработка, следење и прислушување, се ставени над 100 новинари во Република Македонија.



Според материјалите што се доставени до нас, следени и прислушувани се сите, и новинари од провладини медиуми и професионални новинари кои критички ги опсервираат состојбите во Македонија.

За првите, уредниците во провладините медиуми, имаме аудио материјали кои ја разобличуваат директната спрега: премиер – УБК – медиуми. Како лично директорот на УБК, Сашо Мијалков, координирано со премиерот и негови соработници, во вистинска смисла на зборот владеат и менаџираат со медиумите и новинарите, не само во приватни медиуми, туку и во националниот сервис МТВ.

Од првата снимка ќе слушнете како министерката за внатрешни работи, Гордана Јанкулоска нарачува кај шефот на кабинет на Груевски, Мартин Протогер медиуми што треба да покријат настан во организација на МВР.

(снимка 1, Јанкулоска Протогер)

Во следната снимка ќе слушнете како блиски соработници на Груевски најдиректно се јавуваат кај главниот и одговорен уредник на телевизија Сител, да нарачаат прилог. Но она што е поскандалозно во оваа снимка е признанието на уредникот Латас, дека вестите на Сител се полни со пропаганда, прилози и анкети по директна нарачка на премиерот Груевски, или “од кај твојот премиер“, како што и се обраќа Латас на налутената Канческа Милевска.

(снимка 2, Канческа Милевска Латас)

Еве како ќе помине новинар во националниот сервис, МТВ, кој ќе се спротивстави на наредба лично од министерката за внатрешни работи, Јанкулоска. Од овој разговор на Јанкулоска со нејзиниот помошник и портпарол на МВР, Иво Котевски се дознава дека министерката забранува емисија и се заканува дека ако тоа не се испочитува, новинарката “ќе лета“ од работа.

(снимка 3, Котевски Јанкулоска)

Следниот прислушуван разговор на Латас со директорот на УБК, Сашо Мијалков почитувани граѓани, открива директно признание на директорот на УБК, братучедот на Груевски, Мијалков дека тој, како што самиот вели, ГО СРЕДИЛ ВЕЛИЈА! Директорот на УБК, како што се дознава не е задоволен од тоа што го добива за возврат од Сител и Канал 5, коишто, како што самиот кажува добиваат и милиони. Мијалков ја споменува сумата од 2 МИЛИОНА ЕВРА.

(снимка 4, Латас Мијалков)

Фрапирачкото признание на директорот на УБК, Мијалков, дека го средил Велија, не е единствениот “масакр“, нема за жал друг посооодветен збор, на ова што го правеле Груевски и Мијалков на медиумите. Од наредниот разговор на Јанкулоска со Мијалков, се потврдува дека директорот на УБК, во координација со Груевски и со извршниот директор на МПМ, Срѓан Керим, “ги средил“ и трите весници на МПМ. Слушнете.

(снимка 5, Јанкулоска Мијалков)

Во последната снимка за денеска ќе слушнете како Груевски барал од министерот Јанакиески од сметката на АЕК да префрли ПОЛОВИНА МИЛИОН ЕВРА исплата за направени документарни филмови. Груевски нарачува кај Јанакиески да ги оправда парите под ставката “општествена одговорност“, а за да биде веројатно впечатокот посилен, првиот да бил патриотски документарец насловен “за македонската борба за слобода“.

(снимка 6, Јанакиески Груевски)

Овие снимки почитивани граѓани и почитувани новинари, за жал не се се.
Ова што ќе го слушнете во продолжение дополнително ќе ве шокира, како што бевме шокирани и ние, кога храбрите луѓе од службите на Груевски, не можејки да го држат повеќе товарот, ги споделија овие материјали со нас.

Како што реков следени и прислушувани биле над 100 новинари. Тоа се правело при нивната меѓусебна комуникација и комуникацијата со јавни личности.

Овие материјали што ги добивме, со назнака од УБК, покажуваат дека професионалните, критички новинари, биле посебно следени и педантно анализирани во писмени извештаи на УБК.

Назнаката на анализите за секој новинар поединечно е Управа за безбедност и контраразузнавање.

Денеска ќе ги доставиме овие материјали до новинарите на кои се однесуваат. Ќе можат да ги подигнат, по прес конференцијата, лично. Во 20-те илјади прислушувани граѓани се преплетуваат и многу други новинари, така што во периодот што претстои, постојано ќе ги проследуваме материјалите до новинарите кои биле предмет на следење и анализи на УБК.

Како работел Никола Груевски со групата соработници околу него, покажува овој Извештај од УБК, од следење и анализа на известувањето на критичките новинари.
Називот на документот е Извор од интересот и комуникациите на опозициски настроени новинари за работата и заклучоците на Комисијата за настаните во Парламентот од 24 декември 2012 година!

Замислете, во време кога работела Комисијата за 24 декември, Груевски и соработниците прислушувале новинари за да прават стратегија за своите позиции и настапи. Грозно!

Ова е силен удар врз сите општетствени процеси во Македонија, за коишто после ова денеска веќе никој веројатно нема да има минимум дилема под каков режим живееме години наназад за време на владеењето на Груевски.

Најтешкото го оставив на крај, затоа што е мачно и да се изговори, а не да се зборува.

Почитувани граѓани,

Најследен, најприслушуван, со години таргет на тајните полициски служби на Сашо Мијалков е доајенот на новинарството во Македонија, уредникот, новинар и сопственик на неделникот ФОКУС, Никола Младенов.

Неговиот предмет бил воден под посебен назив во УБК: Извод од базата на податоците на УБК за контролата на комуникациите на сопственикот на неделникот Фокус, Никола Младенов 2011/2013 година.

Ова досие му припаѓа на семејството на Никола Младенов и ќе им биде врачено на начин на којшто тие самите ќе одлучат.

Ќе ве замолам да ја сфатите сериозноста на овој материјал и зошто не би сакал денес да говорам повеќе околу ова, што не значи дека во иднина нема да зборувам за овој материјал!

Почитувани граѓани, почитувани новинари, пријатели, другари,

Ова е уште едно мало парче од потресувачката Вистина за Македонија, во каква држава живееме и со кого си имаме работа.

Денеска целата домашна и меѓународна јавност слушна дека цел на прислушување се и новинарите и сопствениците на медиумите.

Искрено се надевам дека од денеска, во интерес на граѓаните и во интерес на јавноста во Република Македонија, сопствениците, уредниците и новинарите во медиумите под контрола на власта ќе се одважат и охрабрат, а со тоа и ослободат од стегите на власта.
Продолжуваме. Ова зло ќе го запреме, ви ветувам и никогаш повеќе да не се повтори.“

http://plusinfo.mk/vest/16180/video-zaev-povekje-od-100-novinari-target-na-ubk