БУГАРСКА ПОЛИТИЧКА СЦЕНА

Тео напиша:Dobro e da se znae deka na svetot seushte ima lugje so ideali...Toa voopshto ne e losho...

„Катимерини“: Борисов ја нападна Грција

Бугарскиот премиер Бојко Борисов направи историски преседан и ги нападна грчко-бугарските односи со тоа што ја обвини Грција во врска со бегалската криза, а кулминираше со тоа што рече дека Атина се расфрла со европската помош без да даде резултати, коментира денеска „Катимерини“.



Како што јави дописникот на МИА од Атина,, весникот потсетува на говорот на Борисов во бугарскиот Парламент за целите и резултатите од воените вежби на границите, во кој зборуваше за организирана закана која доаѓа од грчката граница.
– Вистинскиот проблем очекувам да дојде од Грција. Во Грција, дури и со помош во износ од неколку стотици милиони евра, над 700 милиони евра, не може да се види што е направено во пракса, ја цитира „Катимерини“ изјавата на Борисов.
Весникот потсетува дека бугарскиот премиер истакна оти условите во грчките кампови се „ужасни“ и дека бегалците во Грција се организирале во групи од илјада до две илјади луѓе и така планирале „да ја нападнат бугарскста граница“.
– Нашиот заклучок е дека во сиромашна земја како Македонија бегалските кампови дури имаат и игралишта, условите се многу добри. Во Грција, која добива толку многу милиони евра, условите се ужасни, рекол Борисов, што предизвика негативни реакции во Грција.
До синоќа, немаше реакција од страна на грчката Влада за особено агресивната реторика на бугарскиот премиер, само неколку дена пред состанокот на министрите за надворешни работи на Грција, Бугарија, Македонија и Албанија во Солун на 21 и 22 април, на чиј дневен ред е проблемот со бегалците.
Дипломатски извори укажуваат на непредвидливата природа на овој лидер и потсетуваат дека пред неколку недели тој изјави дека им наредил на агенти на бугарските тајни служби да се инфилтрираат во бегалските кампови во Грција за да го следат движењето на протокот на мигрнатите“, коментира „Катимерини“.

http://grid.mk/read/news/512276391/11320016/katimerini-borisov-ja-napadna-grcija

ВО НЕДЕЛА БУГАРИТЕ ЌЕ ГЛАСААТ ЗА НОВ ПРЕТСЕДАТЕЛ НА ДРЖАВАТА

Објавено на 4 ноември 2016, 12:13 од Редакција на Капитал во БАЛКАН-БИЗНИС И ПОЛИТИКА
Над 6,8 милиони Бугари со право на глас в недела ќе гласаат на изборите за нов претседател на Бугарија, кој ќе го наследи актуелниот шеф на државата, Росен Плевнелиев, кој реши да не се кандидира за нов претседателски мандат.

Во трката за претседателската функција учествуваат вкупно 21 кандидати предложени од политички партии, коалици и независни граѓански иницијативи.

Анкетите на јавното мислење покажуваат дека новиот бугарски претседател најверојатно нема да биде познат в недела, туку дека наследникот на Плевнелиев ќе биде избран дури по вториот круг, што би требало да се оддржи на 13 ноември.

Според последните истражувања на јавното мислење, в недела ќе се води неизвесна и тесна борба меѓу кандидатот на владејачката партија Граѓани за европски развој на Бугарија (ГЕРБ), актуелната претседателка на бугарското Народно собрание, Цецка Цачева, и независниот кандидат, генерал Румен Радев, кој ја има поддршката на најголемата опозициска сила во државата, Бугарската социјалистичка партија (БСП).

Речиси е сигурно дека овие двајца кандидати ќе го имаат своето финално соочување на 13 ноември, но останува крајно неизвесно кој од нив би можел да стане нов бугарски претседател.

Цачева во извесниот втор круг најверојатно ќе може да смета на гласовите на поддржувачите на помалиот партнер во владината коалиција, Реформскиот блок (РФ), чиј претседателски кандидат на овие избори е Трајчо Трајков. Но, многу поважно за неа и за актуелниот премиер Бојко Борисов ќе биде да ги привлечат гласачите на националистичката коалиција Обединети патриоти (ОП), чиј кандидат, Красимир Каракачанов, ужива поддршка на околу девет проценти од избирачите и е трет според популарноста.

Од друга страна, Радев во вториот круг најверојатно ќе може да смета на поддршка на поддржувачите на партијата Алтернатива за бугарска преродба (АБВ) на поранешниот претседател Георги Прванов, чиј претседателски кандидат е Ивајло Калфин, но и на приврзаниците на националистичката партија Атака.

Аналитичарите проценуваат дека не е исклучено Радев да привлече и дел од гласачите на Обединетите патриоти, па оттаму Борисов најверојатно ќе мора да се согласи на некакви отстапки кон националистичката коалиција, вклучително и можен влез во неговата Влада, со цел да ги убеди нејзините лидери да го повикаат своето гласачко тело да ја поддржи Цачева.

Сепак, повеќето аналитичари проценуваат дека клучна улога во изборот на новиот претседател ќе има партијата на бугарските Турци, Движењето за права и слободи, (ДПС), кое во првиот круг го поддржа поранешниот бугарски премиер Пламен Орешански, кој на овие избори настапува како независен кандидат.

Поддршката на ДПС во вториот круг би можела да биде клучна во одредувањето на победникот на изборите. Иако традиционално ДПС е коалициски партнер на бугарските социјалисти и на изминатите избори во најголем процент нејзините гласачи ги поддржуваа кандидатите на БСП, сепак, според некои аналитичари на овие избори партијата би можела „да ја промени страната“ и под влијание на бизнис крилото предводено од младиот тајкун Делјан Пеевски, би можела да ја поддржи Цачева, секако, во замена за одредени отстапки од страна на Борисов.

Според аналитичарот Димитар Бечев, Цачева се наоѓа во незавидна позиција имајќи предвид дека нејзината кандидатура од страна на ГЕРБ беше објавена дури на 2 октомври, кога најголемиот број од останатите претседателски кандидати веќе на големо ги имаа отпочнато своите предизборни активности. Иако, Борисов оцени дека Цачева би можела да биде „добра мајка на нацијата“, сепак анкетите покажуваат дека таа нема особена поддршка меѓу жените.

Аналитичарите сметаат дека во вакви услови клучна улога за тоа кој ќе победи на изборите би можеле да имаат напорите и способноста на Борисов за политички отстапки. Доколку сепак не успее во своите намери и неговата кандидатка доживее пораз од Радев, тој ќе биде приморан да се согласи на кохабитација.

Ваквата можност не е исклучена, имајќи предвид дека анкетите покажуват оти во „дуелот“ меѓу Цачева и Радев, кандидатот поддржан од социјалистите има мала предност.

Доколку Радев победи на изборите некои аналитичари не ја исклучуваат можноста Борисов да се реши и на распишување предвремени парламентарни избори, со што ќе оди на ризичен потег кој ќе му овозможи или да ја зацврсти својата политичка моќ или да ја загуби власта.

Во вакви услови, според аналитичарот Бечев, овој ноември сигурно ќе ја растресе бугарската политичка сцена од полулетаргичната состојба во која се наоѓа.

Партијата на екс-премиерот Бојко Борисов е победник на парламентарните избори во Бугарија. За ГЕРБ гласаа 32,5% од избирачите, соопшти Централната изборна комисија по пребројани 95% од гласовите. Втора по јачина е Бугарската социјалистичка партија (БСП) со 27% освоени гласови. Преостанатиот дел од 240-те места во парламентот ќе ги поделат националистите, кои имаат 9,12% гласови, Партијата на Турците (ДПС), која освои 8,14% гласови и популистичката партија Волја, која со освоените 4,16% гласови за малку успеа да го мине цензусот од четири проценти.