Чао Грујо....bella ciao

трендафил напиша:Ниту Тито ниту Заев не ми се идоли.

Анкета на „Фактор плус адриа“: ВМРО-ДПМНЕ има само 2% предност пред СДСМ

Владеачката ВМРО-ДПМНЕ има предност од два отсто во однос на опозицискиот СДСМ, покажува најновата анкета на српската агенција за испитување на јавното мислење „Фактор плус адриа“ за предизборното расположение на граѓаните.

Според резултатите од испитувањето, на следните избори, за ВМРО-ДПМНЕ би гласале 27,5 отсто од испитаниците, а за СДСМ, 25,2 отсто. За ДУИ се изјасниле 10,5, а за ДПА - 4,8 отсто. Според анкетата, рејтингот на ВМРО-ДПМНЕ од декември наваму, за 4 месеци, бележи пад од 2 проценти, а на СДСМ, бележи раст од 3,8 проценти.





Според податоците на агенцијата, 58 отсто од испитаниците изразиле подготвеност да учествуваат на изборите, додека 32 отсто одговориле негативно. Високи 80 отсто се изјасниле дека знаат за кого би гласале на изборите додека 20 отсто се уште не се определиле.





На прашањето „Дали сметате дека сите партии се рамноправно застапени во медиумите?“, 57 отсто од анкетираните одговориле негативно, а 35 позитивно. Од агенцијата забележале дека висок процент од граѓаните се незадоволни од медиумите и сметаат дека тие се нереални.



- Она што особено паѓа в очи е расположението на граѓаните во целиот регион, а тоа е дека се чувствуваат рамнодушни и безнадежни - велат од агенцијата.

На прашањето „Кои се вашите лични чувства и расположенија во однос на целокупната состојба во општеството?“, 79 отсто одговориле дека чувствуваат незадоволство и бес, а 78 отсто слабост и безнадежност.

На прашањето кое го одредува ставот на гласчите кон лидерите изразено во позитивни наспроти негативни гласови, лидерот на СДСМ Зоран Заев има 1 отсто, лидерот на ВМРО-ДПМНЕ Никола Груевски минус 6,7 отсто, лидерот на ДУИ, Али Ахмети има -36 отсто и лидерот на ДПА, Мендух Тачи има -38,7 отсто.



Во однос на темите кои им се особено важни на граѓаните, анкетата покажува дека најважна им е сигурноста, а најмалку важно, како што посочија од агенцијата, им е она што секојдневно се нагласува во медиумите, односите со некои други земји, како Русија и САД, меѓуетничките односи и слично. Повеќе од 80 отсто од испитаниците се изјасниле дека најважно им е подобрувањето на секојдневниот живот, здравството, намалувањето на невработеноста, како и борбата против корупцијата и криминалот.



Препораките на ЕУ и САД да се одложат изборите, 46 отсто од испитаниците ги доживуваат како поддршка на демократските односи, а 29 отсто, како остварување на лични интереси во Македонија. Членството на Македонија во ЕУ го поддржуваат 77 отсто, 16 не го поддржуваат, а 7 отсто немаат мислење.

Анкетата е спроведена телефонски во периодот од 15 до 20 март 2016 година, на примерок од 1.150 испитаници.

http://plusinfo.mk/vest/62707/anketa-na-faktor-plus-adria-vmro-dpmne-ima-samo-2-prednost-pred-sdsm