НАЈНОВИ ВЕСТИ

Странските амбасадори во Македонија со силна поддршка за Катица Јанева



Амбасадорите на земјите од ЕУ во Македонија изразија силна поддршка за независноста на специјалната обвинителката Катица Јанева и за нејзината работа.

Ваквата порака ја објави евромбасадорот Аиво Орав на Твитер, споделувајќи фотографија од средбата, која не беше јавно најавена.

Неодамна при средбата со техничкиот премиер Емил Димитриев, Аиво Орав и Џес Бејли во заедничка прес-конференција ги повикаа сите лидери на политичките партии да се дистанцираат од напади врз јавни службеници кои се задолжени за расчистување на политичката криза.

Јавна поддршка за Јанева и нејзината работа изразија досега неколку политички партии, претежно од опозициската страна, бидејќи таа е постојано цел на медиумски напаѓања од медиумите кои во јавноста важат за блиски до власта.

Последна во низата граѓани, функционери или организации која ја поддржува работата на специјалното јавно обвинителство се јави Кејт Брнс, претставничка на САД и вршителка на должност во Постојаниот совет на ОБСЕ во Виена, која неодамна ја повика ВМРО-ДПМНЕ јавно да ја поддржи работата на Специјалната обвинителка во текот на сите фази на нејзината работа.

http://novatv.mk/index.php?p=1&navig=8&cat=2&vest=27163

delmol напиша:Samo pomirisavte vlast i veke se zakanuvate na urednicki na televizii. Sto ke pravite ako slucajno pobedite ke otvorite goli otok za novinari vo Makedonija? Narodot go gleda ova i zatoa ke ve3 kazni koga i da se izbotrite.

Ново и остро соопштение од ЕУ: Престанете со нападите врз Јанева

ЕУ ги повикува политичките партии да соработуваат со Специјалната јавна обвинителка, да прекинат со напади врз ова независно тело и да престанат со заплашувања врз јавни функционери чија што задача е да ги подготват изборите, се вели во соопштението на ЕУ.

“Подвлекуваме дека сите политички партии се согласија за именувањето на Специјалната обвинителка и тие сега треба да покажат конструктивна соработка со неа и нејзината екипа и да се воздржат од напади врз ова независно тело”, вели ЕУ.

ЕУ потсетува дека и дава огромна важност на примената на Пржинскиот договор за да се надмине тековната политичка криза, договор кој го потпишаа четири партии и го поздравува именувањето на Специјалниот обвинител, промените во владата, амандманите во Изборниот законик, одлуките во однос на Државната изборна комисија како и оставката на премиерот.

Но, како што редовно потсетуваат амбасадорите на ЕУ и САД во Македонија и комесарот Јоханес Хан, ЕУ потсетува уште еднаш дека има уште многу работа за целосна примена на Пржинскиот договор.

Како на пример работата на Анкетната комисија за прислушувањето.

“Пржинскиот договор ги обврза потписниците на структурни реформи, вклучително и оние во однос на изборите, како мерки кои треба да донесат поголена медиумска слобода, ревидиран изборен список и примена на препораките на ОБСЕ-ОДИХР. Овие реформи се неопходен услов за да се има услови за кредибилни избори на 24 април”, порачува ЕУ.

ЕУ, во согласност со САД, вели дека тие поставиле повеќе критериуми кои ќе ги употребат за да видат до каде се подготовките за изборите:

“ЕУ, заедно со САД, ја повторуваат неопходноста за кредибилни избори и потсетуваат дека тие поставија редица критериуми кои ќе бидат искористени за оценување на подготовките за изборите”, вели ЕУ и потсетува дека е понудена техничка помош и друга поддршка за македонските институции за да се создадат услови за фер избори.

“Ние ја охрабруваме привремената влада брзо да ги примени структурните реформи како што тоа го предвидуваат Итните реформски приоритети околу кои четирите партии дадоа согласност.

Бараме од сите партии и државни институции да и дадат поддршка на Државната изборна комисија.

И подвлекуваме дека сите политички партии се согласија за именувањето на Специјалната обвинителка и тие сега треба да покажат конструктивна соработка со неа и нејзината екипа и да се воздржат од напади врз ова независно тело”, вели ЕУ заедно со САД.

На крајот на долгото соопштение, ЕУ и САД потсетуваат дека Собранието, владата и политичките лидери треба ја вратат земјата на европскиот пат:

“Собранието, владата и политичките лидери се одговорни во донесувањето одлуки кои се потребни за може нивната нација да се врати на европскиот пат.

Ние ги охрабруваме сите партии, граѓани и граѓанското општество да учествуваат на кредибилни избори и нивното набљудување и да ја покажат потребата флексибилност за консензуален пристап кој е единствениот начин за трајно решение на политичката криза и долгорочна стабилност на земјата”, вели документот.

“Конечно, ги повикуваме сите партиски лидери за се воздржат од заплашување на јавните функционери чија што задача е создавањето услови за кредибилни избори; пред нив стои тешка задача. Таква реторика не помага и ја нарушува вербата на гласачите дека потребните услови се исполнети", вели ЕУ.

Вознемирени сме од внатрешнополитичката криза во Македонија, особено во деловите на владеењето на правото и слободата на медиумите и сметаме дека овие проблеми треба да се решат што е можно побрзо.

Би сакал во Македонија навремено и што побрзо да се одржат избори и земјата да добие претставници кои ќе бидат способни да ги решаваат проблемите не само што ги има Македонија, туку и ЕУ, рече Заоралек.

Тој прецизира дека Чешка има искуство со решавање на проблемите во интеграциските процеси, а особено во трансформациските процеси, но додаде дека им е неопходен партнер кој ќе биде навремено избран на избори за да може заедно со нив да разговара и да ги решаваат проблемите.

Заеднички заклучиле дека е неопходно што поскоро да заврши политичката криза во Македонија, бидејќи е добар извор за секој кој би можел да посака да го продолжи одложувањето на почетокот на преговорите за членство во ЕУ, како и што поскоро да се исполнат обврските од Договорот од Пржино, вклучително и одржувањето на предвремените избори.

ВЕРУВАЛЕ ИЛИ НЕ: ЗЕАВ ЌЕ ГОСТУВА НА СИТЕЛ



Најверојатно домаќин на Зaeв ќе му биде уредникот Драган Павловиќ Латас, освен ако самиот Латас не одлучи поинаку, па да остави разговорот да го води некој од другите уредници.

http://fokus.mk/veruvale-ili-ne-zeav-k-e-gostuva-na-sitel/

Кундерс-СЈО треба слободно да ја изврши својата работа

http://www.makdenes.org/archive/news/20160214/428/428.html?id=27551361

reiter напиша:се шушка дека на криволак(засилено) се гради град а не камп за бегалците,има ли некој поточна инфо за ова

osa напиша:ti izgleda so arhitektite si muabetel i ova ke ti go rachuname kako informacija od prva raka