Interesno

Стадо овци на Нов Зеланд помогнале во полициска потера



Овците не се само дел од новозеландскиот пејсаж, туку имаат и активна улога во спроведување на редот и законот.

Новозеландските медиуми пренесуваат дека  стадо овци во сопственост на локален полицаец тргнале на пасење  кога биле „регрутирани“ како помош на полициските сили во Квинстаун.

Возилото марка „Хонда“ за кое полицијата трагала повеке од 90 минути поради  стадото овци било принудено конечно да запре пред нивната блокада на патот.

Полицијата ја започнала потерата откако виделе дека автомобилот „Хонда“, без таблички, се движи со голема брзина.

Возачот одбил да застане , иако на потерата и се придружиле уште неколку полициски возила.Со успешната акција на 150-те овци на потерата и дошол крајот на еден спореден пат  среде поле, каде полицијата со леснотија го фатила и уапсила возачот и тројцата сопатници.

Три сибирски хаски „посвоиле“ маче



Трите сибирски хаски Лило, Инфинити и Мико ја „посвоиле“ мачката Роси која со кучињата го поминува целото време и речиси се однесува како нив, пренесува агенцијата „Анадолу“.

Сопственичката на животните Тоа Буи тврди дека Роси е пронајдена кога имала  само три недели, била неухранета и била на работ на смртта.

Лило која е водач на групата сибирски хаски, кон Роси се однесува мајчински до таа мера што ја доела со своето млеко.

- Лило и го спаси животот. Со часови не се одвојуваше од Роси се додека мачето не беше способно само да оди и да си игра. Кога виде дека Лило шета на улица со каивче сакаше да шета исто како неа и денес сите четири одат со каивчиња едни покрај други. Сите кучиња ја прифатија. Роси сега е дел од групата кучиња, дури се однесува како куче, бестрашна е - изјавила Буи додавајќи дека нејзините миленици јадат заедно, пијат од ист сад , си играат и спијат заедно.

Приказната за оваа необична дружба ја споделила на својот профил на Инстаграм, каде секојдневно објавува фотографии од своите миленици.

Полициско куче им ја пронашло животната заштеда на постара двојка



Полициско куче ја пронашло животната заштеда во кујната на една постара брачна двојка во Виена која мислела дека парите им се украдени, објавила австриската полиција.

Двојката залудно го пребарала целиот стан во потрагата за неколу илјади евра. Но, „во неколку минути“ Евита од Долна Австрија, белгиска овчарка обучена да надуши пари, им донела големо олеснување пронаоѓајќи ги парите сокриени во кутија во кујнско ормарче, изјавил портпаролот на полицијата, Пол Ејденбергер.

Сите полициски кучиња го поминуваат истиот основен тренинг за откривање на различни работи, додал портпаролот. Потоа може да се специјализираат за да пронаѓаат експлозивни направи, траги од крв, но, и документи и пари.

ФОТО: Бела жирафа откриена во Танзанија

Бела жирафа е откриена на северот на Танзанија.

Ваквата боја на кожа на жирафата, која стана главна атракција се должи на депигментацијата.

Како што пренесува „Хафингтон пост“, телото на белата жирафа, именувана како Омо, е прекриено со бледи, сивкасти пеги, а само гривата и е во препознатливата боја.



Омо е единствената позната албино жирафа. Нејзиниот необчен изглед ја чини посебно ранлива, бидејќи би можела да го привлече вниманието на ловокрадците.

Докторот Дерек Ли смета дека животното, кое е старо 15 месеци, претставува воочлив плен за грабливците.

Тој наведува дека Омо е прифатена од останатите „нормални“ жирафи, кои ниту најмалкуне изгледаат загрижено поради нејзиниот изглед.

http://netpress.com.mk/foto-bela-zirafa-otkriena-vo-tanzanija/

Пингвин плива 8.000 км годишно за да го посети својот спасител

Оваа неверојатна приказна ја покажува трогателната врска меѓу пингвин и еден Бразилец кој го спасил од сигурна смрт.



Пензионерот кој работел претходно како ѕидар и рибар, Жоао Переира де Соуза, од едно село надвор од Рио де Жанеиро, го открил малиот пингвин на карпите во 2011 година.

Беспомошното животно било прегладнето и покриено во масло, но Де Соуза го зел и го чувал додека не заздравел во целост. Тој на јужно американскиот пингвин му го дал името Диндим.

Кога Диндим се чувствувал подобро, Жоао го пуштил назад во морето, не очекувајќи да го види својот пријател повторно. Тој бил изненаден кога неколку месеци подоцна, пингвинот се вратил на островот каде го препознал својот пријател и се вратил дома со него.



Сега, Диндим поминува осум месеци од годината со Де Соуза, а остатокот од времето го поминува на бреговите на Аргентина и Чиле. Се верува дека оваа птица плива околу 5.000 милји само за да се врати кај Де Соуза.

http://kurir.mk/magazin/zanimlivosti/pingvin-pliva-8-000-km-godishno-za-da-go-poseti-svojot-spasitel/

Манекенката Кара Делевињ се соблече за добра причина – за кампања за заштита на правата на животните на организацијата I’m Not a Trophy, во која на нејзиното тело се насликани шарите на лав, зебра, слон и леопард, животни кои се загрозени од ловокрадците во Африка. Организацијата I’m Not a Trophy е основана од страна на францускиот уметник Арно Елајас, кој ја нацрта и фотографираше Кара за кампањата која испраќа порака дека животните се пријатели, а не трофеј.

ХИБРИДНИ ЖИВОТИНСКИ ВИДОВИ: ПОЛОВИНА БЛУЗА, ПОЛОВИНА ПАНТАЛОНИ

Пизли-мечка
Тоа е таа: мечка мешавина од гризли и поларна мечка. Истражувачите и ловците во последно време сѐ почесто среќаваат пизли-мечки. Најчесто, мајката е поларна мечка, а таткото гризли-мечка. Пизли-мечката има светло крзно, кафеави шепи и еден вид темен круг околу очите. И пизли-мечките се способни за размножување.



Научниците, врз основа на она што се случува во зоолошките градини, знаат одамна дека поларните мечки и гризли-мечките може да се парат меѓусебно. Во Зоолошката градина во Оснабрик има две пизли-мечки: Типс и Тапс. Меѓутоа, мешањето на гените во природата може да биде проблем за загрозениот вид на поларните мечки, стравуваат научниците.

Маска
Маската е најверојатно најпознатото хибридно животно. Се работи за животно добиено со вкрстување на магаре и кобила, односно на магарица и пастув. Маските не можат самостојно да се размножуваат, но се омилени животни за пренесување товар, затоа што се поиздржливи од коњите, и помалку тврдоглави од магарињата.

Зегаре
Оваа мешавина од зебра и магаре се роди во 2013 година, во зоолошката градина во Фиренца. Се вика Ипо. Зегари се раѓаат и во природата, на пример во Етиопија. Има и мешавина од зебри и коњи - зоњи. Зегарињата и зоњите е главно неплодни.

Зелена жаба
И зелената жаба е хибрид! Настаната е од малата зелена жаба и големата зелена жаба. Зелената жаба е помала од големата зелена жаба (10 до 16 сантиметри), но поголема од малата зелена жаба (околу 5 сантиметри). Крекањето на зелената жаба е нешто помеѓу крекањето на двата животински вида од кои настанала. Таа може да се размножува самостојно.

Келфин
Тој е резултат на вкрстување на кит и делфин. Келфинот на фотографијата се вика Кекаималу. Настанат е од мал кит-убиец и голем клунест делфин. Тој, или подобро таа, во Си Лајф-паркот на Хаваи донесе на свет здраво младенче.

Кама
На крајот на 1990-тите, во Дубаи на свет дојде веројатно првата кама - мешанец од камила и лама. Настана по пат на вештачко оплодување. Подоцна следуваа и други ками. Целта на научниците е да создадат животински вид од кој се добива повеќе волна од ламата и е исто толку голем и издржлив како камилата.

Ковца
Вкрстувањето на овца и коза на прв поглед се чини и не е изненадување, но впечатокот лаже. Имено, двата вида генетски се многу оддалечени еден од друг. Кога овци и кози се парат на ливада, потомците се раѓаат најчесто мртви. Но, има исклучоци: оваа црна ковца се роди здрава во Балимор, Ирска. Примери на здрави ковци има и во Германија, САД и Холандија.

Лигар
Овие мешанци може да се најдат само во зоолошките градини. Примерокот на фотографијата се вика Зита и живее во зоолошката градина во Новосибирск. Во 2015 година роди две младенчиња. Таткото е лав, зашто машките лидери не се плодни. Големи мачки хобриди се долги и по 3,5 метри и тежат над 350 килограми. Понекогаш тежат повеќе од двајцата родители.