Seksi edukacija

Чести љубоморни сцени. Колку и да сакате некој, ако тој секојдневно страда од испади на љубомора, го контролира секој ваш чекор и постојано ве испрашува, еден ден ќе ви дојде преку глава. Истото се случува и кај мажите. Љубоморните сцени кога се ретки се слатки, но кога ќе зачестат се вистински убиец на страста и на хармоничните односи.

Секојдневен дожд од критики. Секој сака да се чувствувате ценет и од време на време да слуша комплименти и пофалби. Па, ако недостигаат вашите мили зборови и секојдневно врз него истурате дожд од критики, тој може да посака да се префрли во друга прегратка каде што ќе се чувствува ценет онаков каков што е.

Преголема самостојност. Мажите сакаат да се чувствуваат корисни, сакаат да ги „спасуваат“ жените кога се во неволја и да бидат еден вид на херои. Доколку ѝ пристапувате на врската со ставот „Сè можам да направам сама“, еден ден тој може да се запраша: „Зошто сака маж кога не ѝ е потребен?“. Мажите имаат потреба да го хранат своето его.

Преголема зависност. Преголема независност и преголема зависност – двете крајности можат да го натераат да се откаже од врската, колку и да го привлекувате. Мажите сакаат да се во врска со жена која ќе им го разубавува животот и која си има сопствен живот настрана од врската. Илјадници жени откако ќе влезат во врска, целосно се фокусираат на партнерот и забораваат на своите пријатели, хобија и интереси, па со тек на време стануваат премногу зависни од него, не можат да донесуваат самостојни одлуки и редовно се консултираат со него буквално за сè. Мажите сакаат да се грижат за својата партнерка и да можат да ѝ помагаат, но кога барањата за помош се во границите на умереното.

Фобија од обврзување. Некои мажи едноставно не сакаат да се во долги врски и имаат страв од обврзување. Тие се подготвени да ѝ раскинат дури и на девојка која ќе им влезе под кожа, само и само за да ја избегнат долгата врска. Во нивната глава е зацртано дека им е рано за обврзување и се подготвени на сè за да си ја зачуваат својата слобода.

Отсуство на физичка привлечност. На крајот на краиштата мажите се визуелни суштества и копнеат пред себе да имаат жена која ќе ги привлекува и возбудува. Во некои случаи физичката привлечност може да не е пресудна за одржување на врската, затоа што факт е дека луѓето со текот на годините се менуваат, но за жал, на многумина привлечноста им е пресудна.

Вмешување на пријателките во врската. Жените имаат потреба да дискутираат за својата врска со пријателките. Но, тие разговори мора да имаат граница. Не треба секое случување во врската веднаш да станува тема на разговор со пријателките, а уште помалку секој нивни совет со брзина на светлината да биде имплементиран во вашата врска. Не можете да ѝ дозволите на пријателката која никогаш не славела два родендени со исто момче да ви соли памет што треба да правите кога имате љубовни проблеми. Мажите до одреден степен го разбираат женското пријателство, но кога ќе почувствуваат дека тоа им создава премногу главоболки, го избираат полесниот пат.

Здодевност и монотонија во врската, чувство дека има и подобро. Скоро сите врски започнуваат бурно, исполнети со страст и забава, но кога огнот ќе згасне, треба да знаете како повторно да го запалите. Ако тој почувствува здодевност и кај него исчезне возбуда, ќе започне да размислува дека може да му биде подобро со некоја друга, односно дека заслужува подобро.

Најбизарните методи на контрацепција што ги користеле жените во минатото

Многу години пред да бидат измислени антибеби таблетите и кондомите, жените измислувале најразлични начини за да се заштита од несаканата бременост. Под влијание на околните озборувања и нагаѓања, тие ставале чудни предмети во нивната вагина поради што неретко завршувале во болница. Во продолжение прочитајте ги најбизарните методи на контрацепција што жените ги користеле во минатото…

1. Задржување на воздухот. Жените верувале дека доколку го задржат воздухот за време на односот и кивнат откако тој ќе заврши, тие нема да можат да забременат.

2. Сунѓер потопен со лимон. Се верувало дека доколку го нанесете сунѓерот со лимон во вашата вагина, киселоста ќе ја спречи бременоста. Казанова дури ги убедувал жените да ставаат половина лимон во вагината, бидејќи верувал дека тој функционира исто како денешната дијафрагма.

3. Метални и пластични мали капачиња, напрстоци. Жените од 1800-тите години цврсто верувале дека тие ќе им помогнат да ја спречат несаканата бременост.

4. Измет од крокодил со мед. Во антички Египет жените биле подготвени да прават сешто за да ја спречат несаканата бременост.

5. Чај од тестиси на дабар. Пред стотици години во денешна Канада, жените правеле пијалак од исушени тестиси од дабар за да се заштитат.

6. Жива Со оглед на тоа што живата е отровна, жените најчесто умирале од овој метод.

7. Памук потопен во сок од урми. Овој памук се нанесувал длабоко во вагината и служел како еден вид примитивна дијафрагма.

8. Остаток од работата на ковачите. Во античка Грција се верувало дека водата што била употребувана од ковачите за време на нивната работа може да ја спречи бременоста. Жените дури се изложувале и на олово за да се заштитат од забременување.

9. Кока-кола. Во 1950-тите години некој добил луда идеја дека јаглеродните киселини можат да ги уништат сперматозоидите пред тие да стигнат до својата цел.

10. Тестиси од јазовец. Жените носеле накит направен од тестиси од јазовец бидејќи верувале дека ова ќе ја спречи несаканата бременост.

Погледнете го и видеото за да дознаете повеќе за чудните методи на контрацепција кои никако не смеете да ги применувате, бидејќи се многу опасни…