БОМБАТА

ЉУПЧО ГЕОРГИЕВСКИ:
Цитатот ќе биде завршен за многу кратко време, и јас реков дека овој цитат го користам како моја анализа и како дел од мојот говор. А ќе ви објаснам и зошто го цитирам.
"...сеалбанската војска, додека целиот проект наводно имал своја логистичка поддршка од највисокиот албански политички врв, од претседателот на соседна Албанија Сали Бериша, од премиерот Александар Мекси и од министерот за одбрана Сафет Жулари". Ова е завршен цитат од весникот "Пулс". Зошто господа го користам овој цитат од весникот "Пулс"? Го користам затоа што овој текст ми се чини напишан од новинарката Мирка Велиновска на "Пулс" е пишуван во МВР. Жал ми е што господинот Фрчковски не е тука да ја потврди таа вест. И со тоа ги известувам припадниците на партијата ПДП дека овие информации се дадени од извори од Министерството за МВР. Текстот новинарката Мирка Велиновска го има пишувано во просториите на МВР и можам да ви кажам дека го цитирам како најверодостоен текст. Целиот текст мислам е пишуван таму, а јас само мислам извадив еден мал цитат, тој вака доста убедливо изнесува некои работи.
Тоа е одговор и на г-динот Фрчковски кога преска сакаше да направи некаква клопка од типот дека зошто ВМРО-ДПМНЕ го фали Министерството за внатрешни работи, а него како министер го напаѓа. Токму до тие причини) што за среќа оперативците на МВР си ја имаат извршено одлично својата задача. И токму од неговите оперативци сега произлегува најголемиот бунт против самиот него. Затоа што во моментот кога Министерството открива една таква афера што се нема досега случено во РМ, г-динот Фрчковски само по неколку часа од кога требало да се издаде и јавното соопштение за македонската јавност, најверојатно во координација со претседателот на Владата, најверојатно со координација со претседателот на државата, оваа информација и познатото соопштение што требало да бидат пуштено за јавноста го има блокирано. Која е мојата аргументација и зошто ги цитирам овие работи. Не се само овие информации дадени од МВР, туку овие информации ги има добиено и секој од министрите во вид на специјална информација доставена од Министерството до Владата. Така што овие информации не ми се познати само мене, гледаме дека во јавноста се пробиени и знаеме дека исто таква информација ја има упатено и до највисоките државни раководители.
И сега доаѓаме до она прашање кое постојано овде виси во воздух - дали се лажеме во некои работи или навистина сакаме да се лажеме. Тоа е концептот кој го наметнуваат некои припадници овде на коалицијата посебно од СДС, а тоа е дека работата сега е завршена, дека работата ќе има судска завршница, дека после 2 години откако судот, а знаеме како работи судот во РМ, после 2 години кога судот ќе ја заврши својата постапка, тогаш ќе можеме ние да зборуваме кој е виновник во РМ.
Господа, јас можам слободно да ви кажам дека сите 8-мина или 9- мина колку што се притворени, во прво време во МВР ги имаат признаено овие факти. Не само пред МВР туку целокупната документацијата и доказите денеска ги имаат признаено и во изјавите пред судските органи во судот на РМ, доколку не се случи вечерва, нели, македонската влада по старите принципи и судските одлуки односно судските докази веќе да ги избрише. Тие факти вие ги имате. Вие многу добро знаете. Тоа го знае министерот за внатрешни работи, го знаете вие г-дине Поповски како министер за одбрана, го знае премиерот и сите високи државни раководители. Значи, доказите за кои зборуваме многу добро ги имате вие. Најдобар доказ се оваа информација како што реков, еднаш, двапати, три пати ќе ви повторам дека е пишувано во вашето Министерство за внатрешни работи. Нормално во моментот кога г-динот Фрчковски имал цел да направи политички скандал, меѓутоа, потоа бил посоветуван дека треба да с смири малку и денеска го гледаме во варијанта на смирен човек кој бега од она што самиот го има направено како документација.
Во таа смисла кога зборуваме за целиот овој случај јас можам да спомнам уште неколку факти, како што е откриената централа во Тетово, со комплетни компјутерски дискети, со комплетни оперативни штабови на таа таканаречена сеалбанска војска.
Господинот Фрчковски во својата изјава сака да бега и од тоа дека тоа не биле активни учесници, односно самите тие не знаеле дека биле, во таа смисла не биле регрути на таа 21 илјадна албанска водска. Господа, според документацијата што е пронајдена во МВР која многу добро ја знаете, многу јасно стои дека сите тие одреди чети, батаљони што биле формирани, колку што имам јас информација формирани се 14 батаљони и 5 чети. Сите тие батаљони и чети се дадени на предлог на локалните, односно месните одбори на партијата ПДП или тие локални војни нивоа што ги имате вие во организацијата а тоа го имате со документи и печати, секој локален одбор има свој печат. Тоа е многу лесно да го проверите, односно ако сакате да го видите кај самите вас. То е првиот момент.
Сите, значи комплетно таа структура од 20 илјади војници е потврдена значи од нивните одбори и од општинските комитети на ПДП. Впрочем, главниот советник на таа таканаречена паравојна организација сеалбанска војска е таканаречениот Агуши Хасан. Самите вие знаете дека во лувате во РМ како советник на господинот Ругова од Косово. Сега се поставува прашањето од каде тој Агуши Хасан ќе знае кој се тие 20 илјади војници во РМ до колку тоа не го добива од организациите, месните организации на ПДП.
Еве на пример интересен е примерот што може да се спомне овде дека од 50 автомати што се пронајдени досега, 8 од тие автомати биле пронајдени кај некој полицаец од албанска националност во Тетово, кој г- динот Фрчковски откако биле пронајдени тие 8 автомати кај него, веднаш наредил да не го суспендираат од работа, да не го суспендираат од работа, да не го притвораат, туку тој да си продолжи нормално со работа во МВР во Тетово. И сега нормално, во МВР - Тетово револтот во тетовската полиција е повеќе од евидентен. Нормално, се со цел да заташка дека војниците и старешините што се примаат во македонската армија не се под диктат на ПДП, иако исто така е потврдено дека сите 25 офицери што се примени во АРМ се примени под исклучив диктат на ПДП, значи под јасна цел - формираше на партиска војска, на партиско старешинство, во рамките на македонската армија.
Или кога зборуваме за контроверзни изјави кои ги даваат обично министерот за внатрешни работи и министерот за одбрана, сигурно е најкарактеристично она за што пред малку господинот Поповски овде сите нас не убедуваше. Имено, тој на својата прес конференција кажа дека тие документи што се најдени кај Хаскај не се од голема тајност, за да министерот Фрчковски на својата прес конференција го потврди тоа дека се строго доверливи документи. Дали не се доверливи или се доверливи, господине Поповски, јас можам д ви прочитам дел од документацијата што е најдена кај Г-ДИНОТ Хаскај. Така кај него е пронајдено писмото за министерот за одбрана на Албанија, за кое пишува и "Пулс" и има ли подобар доказ, пред малку што рековте вие, вие немате директни информации дали имате директен извор во македонската влада. Што сакате поголем директен извор кога вашиот помошник г-динот Хаскај праќа директно тајна пошта до министер на Албанската влада, писмо кое вие го имате во МВР. И сега кого ние треба да лажеме дека тоа не е тајна документација. Што е поголема тајна документација и што има поголем пробив на странска држава во нашата држава односно во нашата Влада отколку директната комуникација. Тука е вмешан и г-динот Имер Имери кој исто така е заменик во вашата Влада и постојано негирате дека не учествувал во оваа акција. По ваша сугестија човекот исчезнал од РМ, веројатно се крие во некој странски држави кој бил писмоносец односно ги носел со дипломатска кола односно со службена кола на македонското собрание, писмата од македонската влада во Гостивар а овде во "Пулс" се спомнува дури дека се носени до Албанската влада. Сега, што треба вие да криете? Го криете Имер Имери, само за опстанок на вашата коалициона Влада? Кријте го господине минстере, кријте го тоа е ваша одговорност?! Меѓутоа, јас не верувам дека подоцна или порано вие ќе морате да одговарате за такви криминалци, кој ги чувате во вашите редови.
Меѓутоа, ќе продолжам со тоа што се е најдено кај г-динот Хасказ, а за што вие како министер за одбрана велите дека не е војна тајна. Кај г- динот Хаскај е пронајдена комплетна воена документација за организирање и дејствување на војниот штаб на албанската војска. Значи, ако е тоа пронајдено, вие немате мотив да затворате само 9 луѓе и да велите дека кругот е затворен, туку најмалку од секој град по еден локален командант на оваа војска да притворите. Меѓутоа, исто така, во договорот со ПДП сето тоа сега го минимизирате, и го спуштате на втора димензија.
Кај г-динот Хаскај се пронајдени 72 топографски карти за големите градови и села во РМ итопографски карти за границите со сите соседни држави. Вие г-дине Поповски можете да го лажете оној кој ги нема тие информации, меѓутоа, оној кој ги читал информациите во МВР, во самите тие информации тие податоци ви стојат таму. Ако топографските карти и топографските карти на границите спрема нашите соседи не се војна тајна, повелете кажете ни што е војна тајна во РМ.
И конечно, она што е најинтересно - комплетна лична карта за 14 пешадиска бригада по војни формации. Што значи да се има личната карта на 14-тата македонска бригада која дејствува на територијата на северозападна Македонија. Тоа е оној факт кој се наведува и овде, кој што вие многу добро го знаете, комплетно вклучувајќи ги и мобилизациските планови. Тоа е токму тој факт дека подготовката за ликвидација во даден момент на ден "д", 14-та македонска бригада што е распоредена на територијата на северозападна Македонија, токму на границата спрема Албанија е многу детално прецизирана и провалена во соседната; држава Албанија. Јас како што реков вие тие работи можете да ги криете, пред својот круг, меѓутоа, за жал јас сметам дека работите не треба да се кријат повеќе. И конечно кога зборуваме за тоа оружје, што е сега најновиот договор меѓу ПДП и останатите коалициони партнери. Договорот е следен - а тоа е останатиот дел на Владата да не ја бранува понатаму целокупната оваа работа, а во спротивно на тоа, податоците за оние 30 0 автоматски пушки што МВР ги има по списоци да не ги собира како Министерство, туку таа задача да му се довери на ПДП, па ПДП сам да си ги собере пушките за да ги предаде на МВР. Циркуси, невидени се, на кои можеме само да се смееме и да с радуваме што имаме толку квалитетна Влада, такви соломонски решенија да ни наоѓа, - ПДП сам да си ги собира автоматите и потоа да ни ги односно да и ги предаде на Македонската влада. Се надевам дека ПДП ќе ја изврши успешно таа функција. Тоа е она што најконкретно се однесува за целиот случај, за формирање на паравојна албанска војска на територија на РМ од страна на партија која учествува и владее во Република Македонија.

reiter напиша:овие денови читаме на интернет за можни црни сценарија која власта е спремна да посегне.Силниот ефект од бомбите вроди резултат и внесе паника во редовите на криминалната влада што навистина следејќи до сега како се однесуваат можни се и црни сценарија.
За да се спречи прикривањето на криминалот и воведот во братоубиствена војна неопходно е да опозицијата направи така наречен штит со што ќе придонесе за мирна разрешница без загуби на човечки животи и овозможи затвор на криминалците од власта.
1.Потребно е опозицијските лидери заедно да се обратат до забеганиот груевски и го предупредат доколку има било каква црна разрешница  да се откаже од тоа.
2.Да опозицијските лидери се обратат до водачите на АРМ и МВР да одбијат било каква наредба од власта која ќе има последица по животот на народот и стабилноста на државата.
3.Да се приклучат кон обраќањето према криминалната власт видни луѓе од сите профили од нашето општество.
4.Да се обратат до граѓаните на Македонија и повикат на смиреност и разумност...

Teo напиша:Sega preostanuva da chekame izraelcite da otvorat istraga...Losho mu se pishuva na bate Sashe...

Израелските медиуми информираат за детали од прислушуваните разговори

Sotir напиша:more,more.. ke padnit ko ke si go vidis tilot.
narodo go saka, vas ve nejki. za greota, devet godini bez vlast,   zaborajfte kako izgledat fotelja, za grevoi

Hamad bim Khalifa напиша:http://www.mkd.mk/makedonija/reagira-gradonachalnikot-risteski-prilep-se-saka-samo-so-dela

Eve go i RISTE HILTA !
Gjaolot maskiran vo "Ubaviot i mil toj na majka, so nevina, bubalica, faca" !