Пожар

Осуммина повредени од кои еден пожарникар со изгореници на лицето и материјална штета која дополнително ќе се утврдува. Ова се последиците од пожарот што вечерва околу 19:30 избувнал при експлозија на плинска боца во зграда на улица „Бидимаж“ во Прилеп, соопштуваат првично од службата за итна медицинска помош. Медицински екипи веќе два часа без прекин ги носат станарите од зградата до службата за итна помош во стрес и паника. Повредените се вон животна опасност и се наоѓаат на хируршкиот оддел во градската болница. Територијалната противпожарна единица се уште го обезбедува теренот а екипи на крим полиција и дежурен јавен обвинител ќе извршат увид за да ги утврдат точните причини за пожарот.