Ракомет

Македонска репрезентативка Робертина Мечевска паднала од петти спрат од својот стан во скопската населба Острово и се здобила со потешки повреди на градниот кош и обилно крварење на белите дробови.

Од Ургентен центар за „24 вести“ велат Мечевска е во свесна состојба, но критична и дека ракометарката се бори за живот. Во моментов повеќе лекари се обидуваат со неколку тешки операции да го спасат животот на Мечевска.

Од МВР за телевизијата информираат дека станува збор за несреќен случај но допрва ќе треба да се откријат причинита за несреќата. Полицијата сеуште врши увид на лице место и допрва ќе се утврдува за тоа како се случил немилион настан.

Мечевска беше новото засилување на ЖРК Вардар.

http://plusinfo.mk/vest/14517/rakometarkata-mecevska-se-bori-za-zivot

ЖРК Вардар: Состојбата на Мечевска е сериозна, се надеваме на најдобро



Раководството на ЖРК Вардар информира дека здравствената состојба на Робертина Мечевска е сериозна, а клубот е во постојан контакт со сите доктори кои се грижат за нејзиното здравје. Надежта на сите во клубот е дека Робертина како голем борец ќе ја надмине оваа ситуација и дека ќе се врати на ракометните терени.

„Веста за несреќата на Робертина Мечевска силно не потресе сите во клубот. Девојките беа на попладневниот тренинг кога ја слушнаа веста. Во моментов Робертина Мечевска е примена на Клиничкиот Центар во Скопје, и клубот прави се што е во негова моќ да и помогне, да го надмине ова што и се случи.

Ситуацијата е сериозна, а ние како клуб сме во постојан контакт со сите доктори кои се грижат за нејзиното здравје.

Робертина е дел од семејството на Вардар, репрезентативец на Македонија, голем борец, и веруваме дека ќе успее да се опорави и да го надмине овој тежок период во нејзиниот живот.

Луѓето од клубот веднаш по дознавањето беа во болница, и се во тек се што се случува. Робертина е борец, голем човек и спортист, и веруваме дека повторно ќе биде со нас на теренот“, објави ЖРК Вардар на својот официјален сајт.

http://ekipa.mk/zhrk-vardar-sostojbata-na-mechevska-e-seriozna-se-nadevame-na-najdobro/

Македонската ракометна репрезентативка Робертина Мечевска има тешки сериозни повреди од животнозагрозувачки карактер и се наоѓа на Oдделението за анестезија, реанимација и интензивно лекување при Клиниката за трауматологија, ортопедски болести, анестезија, реанимација, интензивно лекување и Ургентен центар (ТОАРИЛУЦ).

Ова денеска за МИА го изјавија од ТОАРИЛУЦ кои посочија дека и покрај извршениот оперативен зафат во кој слезината е санирана, Мечевска има сериозни повреди на ’рбетот и ребрата и е во тешка состојба.

– Оперативниот зафат на слезината е еден дел којшто е саниран од многуте повреди што ги има пациентот. Значи, таа има многу повреди од коишто една била како итна повреда поради која што мораше да се внесе во сала и да се направи оперативна интервенција и по тој дел е добра. Меѓутоа, останатите повреди кои ги има се сериозни, потенцираат од ТОАРИЛУЦ.

Оттаму наведуваат дека продолжува лекувањето на Мечевска, има конзилиум, се договараат, а дали ќе има и други интервенции зависи од мислењето на лекарите.

Робертина Мечевска вчера се здоби со тешки повреди по пад од петтиот спрат од својот стан.

http://libertas.mk/%D0%BC%D0%B5%D1%87%D0%B5%D0%B2%D1%81%D0%BA%D0%B0-%D0%B8%D0%BC%D0%B0-%D1%81%D0%B5%D1%80%D0%B8%D0%BE%D0%B7%D0%BD%D0%B8-%D0%BF%D0%BE%D0%B2%D1%80%D0%B5%D0%B4%D0%B8-%D0%BD%D0%B0-%D1%80%D0%B1%D0%B5/

Со 12 погодоци ракометарот Тимур Дибиров вечерва го предводеше Вардар до шестата победа во група Ц од ракометната Лига на шампиони. Конечниот резултат на дуелот кој се играше вечерва во СЦ „Јане Сандански“ во рамките на 9.коло од елитното натпреварување е 30:26.

Вардар предноста стекната од првото полувреме (18:13) успеа да ја зачува и во вторите 30 минути. Монпелје најмногу што направи е што се доближи до минус два, но нашите ракометари не му дозволија да направи резултатски пресврт и успешно го приведоа натпреварот кон крајот.

Покрај најдобриот играч Дибиров, на голот на домаќините се истакна И ракометарот Арпад Штербик со 10 одбрани. Словенецот Драган Гајич со шест голови беше најефикасен во гостинскиот состав.

Од овој круг во групата Ц утре играат Чеховски Медведи – Рајн Некар и Веспрем – Цеље.

Табела: Веспрем 14 бодови (8 натпревари), Вардар 13 (9), Рајн Некар 10 (, Монпелје 8 (9), Цеље 4 ( и чеховски Медведи 1 (.

Следната сабота „црвено-црните“ во Германија против Рајн Некар Ловен ќе се борат за втората позиција, под услов германскиот претставник да забележи победа утре на гостувањето во Русија.

http://plusinfo.mk/vest/14962/-dibirov-go-predvodeshe-vardar-do-triumfot-nad-monpelje

Червар: Останувам во Металург до крајот на сезоната а потоа ќе видиме



http://www.mkd.mk/sport/rakomet/chervar-ostanuvam-vo-metalurg-so-krajot-na-sezonata-a-potoa-kje-vidime

Македонскиот репрезентативен голман, Борко Ристовски имаше уште одлична партија во францускиот шампионат во дресот на Кретеј.
Тимот од предградието на Париз ја забележа петтата победа во низа во првенството и Купот, а последна жртва беше последнопласираниот тим на табелата Истр кој беше совладан со 30:26 (14:9). На голот на гостите блескаше нашиот Ристовски кој беше најдобриот поединец на оваа средба, имаше 15 успешни интервенции (еден одбранет пенал) , односно 36,59 успешност на одбранети удари.
Кретеј по 17 кола во првата француска лига се наоѓа на 10 позиција со 15 освоени бодови.

http://derbi.mk/index.php/rakomet/svet/item/23582-borko-brilijanten-vo-noviot-triumf-na-kretej

Драматично слетување на вардарки во Љубљана

Ракометарките на македонскиот шампион ЖРК Вардар имале непријатно слетување на аеродромот во Љубљана, каде утре ги чека важен меч против Крим во Лигата на шампионите.



http://zazabava.com/dramatichno-sletuvanje-na-vardarki-vo-ljubljana

Вардар игра во голема форма, Веспрем на колена во „Јане Сандански“

Ракометарите на Вардар одиграа уште еден одличен натпревар и со убедливи 28:21 му го нанесоа првиот пораз на Веспрем во СЕХА лигата.



Одлична увертира за натпреварите против Висла Плок во Лигата на шампионите, Вардар со маестрална партија против силниот Веспрем го заврши регуларниот тек на СЕХА лигата.

„Црвено-црните“ одиграа на високо ниво и по трите порази од Веспрем оваа сезона, конечно го наплатија долгот победувајќи со убедливи 28:21.

Вардар стартуваше фуриозно, уште на стартот направи огромна предност водевме со 8:1, потоа и со 11:3 до крајот со сигурна игра го одржувавме водството не дозволувајќи му на противникот да се понадева на поволен резултат.

Тимур Дибиров беше најефикасен со осум погодоци, Душебаев постигна пет. Страхиња Милиќ имаше фантастична партија во второто полувреме, одбрани 10 пати и во неколку наврати ја крена публиката на нозе.

http://grid.mk/read/news/509819220/9725275/vardar-igra-vo-golema-forma-vesprem-na-kolena-vo-jane-sandanski

ЖРК Вардар работи со полна пареа со засилувањата за следната сезона, иако актуелната допрва го достигнува својот зенит.

Шведската репрезентативка и актуелна ракометарка на германски Букстехуде, Улрика Агрен, би требало да биде најновото засилување на актуелниот македонски ракометен шампион и третата најдобра европска екипа ЖРК Вардар за следната сезона.

Агрен настапува на позицијата пикер каде „Вардарки“ имаат најголеми кадровски проблеми, со оглед на тоа дека Бегоња Фернандез веќе подолг период е повредена, па засега Алтхаус е единствената опција, а конкуренција и е младата Гакидова.

Алгрен е 28-годишна ракометарка и е една од најдобрите поединки во германскиот состав. Во досегашниот тек од кариерата таа настапувала и за екипите на Рандерс и Есбјерг во Данска, како и за Савенхоф во шведскиот шампионат. Трансферот сѐ уште не е потврден од страна на ЖРК Вардар, па се очекува во наредниот период истиот да биде официјализиран.

http://grid.mk/read/news/509858760/9752455/zhrk-vardar-dogovori-ushte-edno-zasiluvanje-za-slednata-sezona

Со натпреварот меѓу Рајн Некар Ловен и ПИК Сегед што се игра вечерва стартува осминафиналната фаза од ракометната Лига на шампионите. Меѓу 16-те тимови се наоѓа и македонскиот претставник Вардар, кој пак утре во Полцк ќе гостува кај полската екипа Висла. „Вардарци“ денеска заминуваат за Полска. Висла го освои третото место во групата Б, а на домашен терен ги победи Барселона и Флензбург, но загуби од Колдинг.

Во реприза на ланското финале ќе играат бундеслигашите Флензбург и Кил.

Двојки од осминафиналето од ЛШ: Рајн Некар Ловен – Пик Сегед (петок), Висла – Варадр, Ла Риоха – Веспрем, Данкерк – ПСЖ, ППД Загреб – Колдинг (сабота), Монпеље – Киелце, Алборг – Барселона и Флензбург – Кил (недела).

Реванш натпреварите се играат следниот викенд на 21 и 22.март.

http://plusinfo.mk/vest/18223/-startuva-osminafinalnata-faza-vo-ligata-na-shampionite-vo-rakomet

Ракометарките на ЖРК Вардар со победа ја завршија главната групна фаза од Лигата на шампионите, откако вечерва на домашен терен славеа над Динамо Синара со резултат 28-27. „Вардарки“ не стигнаа до посакуваниот триумф од преку осум гола разлика, најмногу поради бројните осцилации во играта и промашените зицери кога можеше да се дојде до пет-шест гола позитива и порано да се реши прашањето на победникот. Вака, избраничките на Кастратовиќ се до последната минута се мачеа да дојдат до триумф, на крајот минимален, но сепак значаен за со победнички менталитет да почнат подготовките за четвртфиналниот двомеч против актуелниот европски првак Ѓер.

Динамо подобро го отвори мечот и дојде до рана предност од 0-3, а „вардарки“ првиот гол го постигнаа во 4. минута преку Андреа Лекиќ. Неколку минути подоцна Лекиќ погоди и од седум метри, а откако во ритам влезе и Пенезиќ со два гола, македонскиот состав дојде до првата предност (5-4, 11. минута). Лејно беше фантастична на голот, Лекиќ ја разигра и Алтхаус, па Вардар експресно се одлепи и на „плус три“. ЖРК Вардар поведе и со 9-5, но потоа следеше криза во редовите на овој тим, па по трите гола во низа на Русинките, Индира Кастратовиќ се реши да побара тајмаут.

Дембеле ја прекина серијата на гостинките, а поцврстата игра во одбрана им овозможи на „црвено-црните“ повторно да се одлепат и да поведат со 14-11. Алтхаус заработи исклучување и Динамо намали преку Кочетова, но веќе во следниот напад две гостински ракометарки мораа да го напуштат теренот. Ихнева знаеше како да го искористи тоа, но на спротивната страна Кочетова со нов гол, од преку 10 метри со звукот на сирената ги постави конечните 15-13 по првите 30 минути игра.

Лејно имаше 11 интервенции во првото полувреме, но Кастратовиќ сепак се реши за промена на голманската позиција, па на голот во вториот дел застана Суслина. Одбраната делуваше многу поцврсто, но и нападот беше многу поефикасен, па „вардарки“ по десетина минути игра одново се вратија на „плус четири“ (20-16), резултат при кој Алтхаус не реализираше зицер. Динамо успеа да се врати, намали на 21-20, по што Кастратовиќ се обиде со тајмаут да ги консолидира редовите на својот тим. Сепак, советите на Индира не вродија со плод, па рускиот состав успеа да направи целосен резултатски пресврт и во последните десет минути да влее со предност од 23-24.

Во клучните моменти проработе Андреа Пенезиќ, која со два гола го врати ЖРК Вардар во водство од 26-25 на три минути до крајот. Лејно, која во меѓувреме се врати на голот, одбрани неколку удари, а на спротивната страна Алтхаус со својот четврти гол зголеми на 27-25. Акопиан беше прецизна за 27-26 на една минута до крајот, но Алтхаус беше прецизна уште еднаш, осигурувајќи ја победата на „црвено-црните“ на оваа средба.

Пенезиќ со седум гола беше најефикасна во редовите на ЖРК Вардар, пред Алтхаус со пет и Радичевиќ с0 четири погодоци, додека Лејно исто така беше одлична на голот, со 15 успешни интервенции.

Така, „вардарки“ дефинитивно ќе го освојат третото место во својата група и за противник во четвртфиналето од ЛШ ќе го имаат актуелниот европски првак Ѓер.

http://ekipa.mk/zhrk-vardar-slaveshe-nad-dinamo-sleden-e-ger/