Кучиња

11 навики со кои несвесно го нервирате вашето куче

Кучињата не се толку пребирливи како што се мачките, но сепак, тие имаат неколку работи кои им пречат во вашето однесување. Со цел да го направите вашиот најдобар пријател посреќен и помалку нервозен, во продолжение погледнете на што најмногу треба да внимавате.

1. Гушкање

Можеби мислите дека нема ништо лошо во тоа да ги ставите своите раце околу вашиот домашен миленик, но всушност, повеќето кучиња не го сакаат тоа. Иако некои од нив ги толерираат вашите прегратки, другите тоа го гледаат како чин на доминација.

2. Користење зборови наместо говор на телото

Кучињата не можат да го разберат она што вие го кажувате, па ним им требаат вашите гестови за да откријат што сакате од нив. Така, вербалните и физичките команди може да ги збунат вашите миленици.

3. Галење на неговата глава

За луѓето, многу нормално е да си ги галат своите кучиња. Иако на некои им годи, сепак, повеќето од нив не уживаат во оваа активност.

4. Одржување контакт со очите

Вие можете да гледате во очите на вашиот крзнен пријател колку што сакате, но одржувањето контакт со очите со кучето може да предизвика агресивни реакции.

5. Недостиг на правила и организирање

Кучињата сакаат организациска рутина и треба да знаат каде им се нивните граници. Поставете им правила и тие ќе чувствуваат поголема доверба кон вас.

6. Држење во тесен поводник

Кучињата многу добро умеат да ги интерпретираат вашите мисли и чувства преку поводникот. Така, доколку ги држите силно, тоа им покажува дека сте под стрес, па и ним исто така им е непријатно. Доколку пак поводникот го држите полабаво, тогаш тоа им покажува дека сѐ е во ред и дека и тие може исто така да се смират.

7. Не им дозволувате да истражуваат и да душкаат

Истражувањето на околината и душкањето е карактеристично за кучињата. Доколку не им дозволите да го прават она што го сакаат додека се во прошетка, кучето пропушта голема шанса да го апсорбира она што се наоѓа во надворешниот свет.

8. Принудување да комуницираат со луѓе и животни кои не им се допаѓаат

Доколку го принудувате вашето куче да се соочи со својот страв и да оствари контакт со други кучиња и непознати, во моменти кога тоа е нервозно или исплашено, тогаш нема да добиете ништо позитивно.

9. Кога сте напнати

Кучињата се експерти за читање на вашиот говор на телото, а и лесно имитираат како вие се чувствувате. Колку повеќе сте нервозни, толку понервозно станува и вашето куче. Ако сакате да се смири вашиот миленик, најпрво треба да започнете од самите себе.

10. Кога им е досадно

Сопственикот кој постојано е зафатен со најразлични обврски и покажува мал интерес, е кошмар за секој миленик. Па, обидете се да одвоите малку повеќе време за да играте со вашиот верен пријател, а не да го оставате да чека во вашиот дом.

11. Изложување на силни мириси

Кучињата се околу 10.000 до 100.000 пати почувствителни на мирис, отколку луѓето. Па, поради ова, тие не сакаат да бидат изложувани на силни мириси. Затоа, кога планирате да правите нешто што ќе им пречи, тогаш бидете сигурни дека ќе ги однесете на пристојна оддалеченост од вас.

ima kucinja bolje ziveat od nekoi luge,/.,/

Помалку познати факти за кучињата

Автор: Сања Стојковска

Речиси да нема човек што не ги сака кучињата. Во изборот на домашно милениче, најчесто децата, но и возрасните сакаат да имаат кутре од која било раса. Ќе ви претставиме некои помалку познати факти поврзани со кучињата кои накусо ќе ве анимираат и ќе ви овозможат да дознаете малку повеќе информации за нив.

1. На крајот на песната „Еден ден во животот“ (A Day in the Life), Пол Макартни снимил пискава свирка што само кучињата можат да ја слушнат. Ова било направено специјално за неговото куче Марта.

2. 58% од сопствениците на кучиња, ги вклучуваат нивните миленици во фотографиите од годишните одмори.

3. Во Исланд, чувањето куче како милениче е нелегално.

4. Некои раси на кучиња може да го идентификуваат ракот на белите дробови преку душкање на здивот на човекот.

5. Во САД, околу 1 милион сопственици на кучиња ги ставаат своите миленици на прво место во своите тестаменти.

6. Кучињата што живеат во град, живеат во просек 3 години повеќе од кучињата што живеат во село.

7. Добро е познато дека кучето е најдобриот пријател на човекот. Името Фидо кое многумина го користат како име за нивното милениче, потекнува од зборот fidelity што на латински значи верност.

8. Кучето на семејството на Волт Дизни, било пудлица и се викало Lady (Дама).

9. Кучето Фенг на Хагрид од Хари Потер е од расата неаполски мастиф, која е скоро изумрена после Втората светска војна.

10. Во првите 10 дена од животот, точките на далматинците не се гледаат и се наоѓаат на кожата под крзното. Потоа се зголемуваат и се појавуваат.