Разни вести од Македонија

Македонската Влада ја поддржува демократски избраната власт во Анкара и има донесено одлуки согласно нашето законодавство. Ова е одговорот на министерот за надворешни работи Никола Поповски на новинарското прашање дали е донесена одлука за затворање на организации во Македонија за кои Турцијаа се сомнева дека се поврзани со свештеникот Фетула Ѓулен.

Од Владата засега ниту ја демантираат ниту ја потврдуваат информацијата, а во дел од провладините медиуми се објавува дека Владата на последната седница усвоила мерки за ограничување на активностите на Фетулах Ѓулен и неговите приврзаници во земјава.

Градските власти одлучија - електронската наплата во приватните автобуси ќе стартува од 1 јануари 2017 година. Советниците се согласија новиот систем да не стартува на 1 септември годинава, уважувајќи го барањето на приватните превозници за одложување и донесоа одлука системот да стартува по Нова година. За мнозинството во Советот на Скопје беше оправдано образложението на приватниците дека нема да можат на 1 септември да ги вклучат во сообраќај оштетените 45 автобуси, на кои во поплавата им настрада дел од опремата. Со ова одложување приватните превознички претпријатија „Слобода превоз“ и „Макексрес“ ќе имаат доволно време да ги санираат штетите и да ја оспособат опремата.

ЗА ДА НЕ ЈАДАТ ЌОТЕК СТЕЧАЈЦИТЕ НЕ ПРОТЕСТИРАА НА НАПЛАТНАТА РАМПА РОМАНОВЦЕ



Полицијата не ги пушти стечајците да протестираат на автопатот Куманово – Скопје. Наместо на наплатната рампа Романовце, како што најавија, стотина стечајни работници од Куманово во 10 часот стигнаа до клучките на влезот и излезот на автопатот и не можеа да продолжат понатаму, поради силното полициско обезбедување.
„Од припадници на МВР ни беше кажано дека тие нема да нè пуштат да отидеме на автопатот. Ни рекоа да застанеме тука, да не се туркаме и да не им се спротивставуваме за да не дојде до некоја беља, да не нè тепаат. Останавме овде и поради полицајците кои денеска се пред нас, бидејќи тие секогаш се толерантни кон нас. Не сакаме да им правиме проблеми на нив, а и на нас, да не ги тепаат овие наши болни и испатени луѓе. Инаку нема на ова да остане, веќе наредната недела ќе организираме протестен марш Куманово – Скопје и тогаш не можат да нè сопрат“, изјави Лилјана Георгиевска, претседателка на здружението на стечајни работници УНИТ.
Протестот на двете клучки на влезот во градот траеше околу 1 час, а поради силниот дожд стечајците накиснаа па порано си заминаа дома. Додека траеше протестот се создаде мешаница на автопатот бидејќи автомобилите не можеа да излегуваат кон Куманово, туку мораа да продолжат кон Скопје или кон Табановце. Се пропуштаа само службените возила на Итна помош и АРМ.
Стечајците на протестот побараа да се обештетат и еднаш засекогаш да се реши нивната дведецениска голгота.

(ФОТО) Шарено пред собрание – боја за Собранието за поддршка на Јанева



По пауза од околу три месеца, Шарената револуција повторно се активира со денешниот попладневен собир на за поддршка на работата на Специјалното јавно обвинителство. Оваа активност на „шарените“ доаѓа по неколкудневниот, како што го нарекуваат, мобинг од страна на пратениците од власта врз шефицата на СЈО, Катица Јанева, на расправата по однос на извештајот за работата на обвинителството, но и одбивањето на владејачките партии од Законодавниот дом да го донесат законот за зашитетени сведоци кој го бара Јанева. Собирот започна во 17 часот, а околу 1,000 граѓани со кофи полни боја во моментов се пред Собранието.

nikos напиша:Не дека нема ексцеси на некои наши претставници но тоа е така уште од осамостојувањето и во време на СДСМ имаше амбасадори кои возеа пијани и слични нешта.

– Некој во нашата држава направил монструозен план за меѓуетнички судир – имам информации дека се дадени 2 милиони евра на Албанци кои немаат врска со УЧК, кои се некои криминалци во Липковскиот регион. Нивната задача била да се претстават како УЧК и да извршат убиство на неколку припадници на полицијата или армијата и така да превизикаат меѓуетнички конфикт.

Од друга страна пак Ангелов во своите јавни настапи побара доживотен затвор за инспираторите, извршителите, убијците и сите инволвирани во убиството на полицајците во Диво насеље, поради што останува и нејсано зошто тој би бил сведок на одбраната.

– Достоинство бара доживотна казна затвор за сите инспиратори, нарачатели, извршители, учесници, соучесници во овој монструозен настан во кумановско „Диво наеље“, без разлика на етничката припадност. Воедно, како политичка партија, ќе бараме воведување на смртна казна за убиство на полицаец или припадник на армијата. Смртна казна за убиство на полицаец или војник, рече Ангелов, минатата година.

Еврокомесарот Хан наскоро во Скопје?

Дали се почитува Договорот од 20-ти јули, каква состојба им претходи на изборите и дали се спроведуваат реформите, се дел од темите за кои еврокомесарот Хан ќе разговара со лидерската четворка кон средината на месецов

Еврокомесарот за проширување и соседска политика, Јоханес Хан, кон средината на месецов, најверојатно на 14 октомври, доаѓа во Скопје, тврдат за Дојче веле неофицијално дипломатски извори. Темите за кои еврокомесарот ќе разговара со лидерската четворка се актуелни - дали се почитува Договорот од 20-ти јули, каква е состојбата што им претходи на изборите, постојат ли опасности за опструкција на изборниот процес и дали се спроведуваат реформите препорачани од Европската Комисија (ЕК).
Целиот сет теми, е дел од она што ЕК ќе го констатира во годишниот извештај за непредокот на Македонија, кој ќе биде објавен во првата половина од ноември. Според дипломатски извори, нема дилеми дека во него речиси репризно ќе бидат повторени истите забелешки нотирани во ланскиот извештај, што не исклучува и поостри констатации во споредба со претходниот. Но, поради очигледниот застој во процесите и реформите, извесно е дека Македонија повторно ќе се соочи со истата формулација - условена препорака за почеток на преговори за членство.

Ќе има ли избори?

Доколку се потврдат најавите за посетата на еврокомесарот, тој ќе дојде во Македонија во многу фреквентен политички период, во кој доминираат две жешки теми: континуираните опструкции врз Специјалното јавно обвинителство и „флуидноста“ на датумот за распуштање на парламентот: дали ќе биде 60 дена пред изборите, односно на 12-ти октомври како што претходно се најавуваше, или подоцна, поради тоа што пратениците имаат незавршени обврски. Тие треба да го донесат буџетот за 2017 година, за кој според роковите и процедурите расправата ќе потрае и по 12-ти октомври. Пратениците треба да ги усвојат и измените во шестата изборна единица, која сега има повеќе гласачи од законски дозволеното, но работните групи во парламентот до денес сѐ уште немаат постигнато договор за рекомпонирање на изборните единици. Поради сето ова, партиите не ја исклучуваат можноста наместо на 12-ти октомври, Собранието да се распушти во периодот меѓу 20-ти и 25-ти октомври, односно најдоцна 45 дена пред изборите, според скратените рокови кога се во прашање предвремени избори.
„Некои потези, теми и состојби оставаат нејаснотии - дали ќе се пролонгира само рокот за распуштање на парламентот или се создава атмосфера за одложување на изборите“, велат дипломатски избори. Според нив, честото прашање во јавноста - „Ќе има ли избори на 11-ти декември?“, не го сметаат само за кулоарски предизборен „фолклор“, туку за индиција чија фундираност мора да се испита.
Според датумот на кој доаѓа еврокомесарот Хан, најверојатно тоа ќе биде темата на која ќе се посвети клучното внимание. Но, според истите извори, исто толку важна тема ќе биде и „загрижувачкото попречување на ефективноста на СЈО“.

Реакции од гарантите на Договорот

Таа загриженост беше видлива и вчера, откако владејачката ВМРО-ДПМНЕ не даде поддршка за предложените измени на Законот за заштита на сведоци и на Законот за СЈО, по скратена постапка. Иако од ДУИ најавија поддршка за законските измени, на седницата се појавија само дел од пратениците, а и тие гласаа половично, со што поддршката се покажа како фингирана. По ваквиот епилог, Делегацијата на ЕУ во Скопје вчера ги повика четирите најголеми политички партии да ја поддржат работата на СЈО.
„Улогата на СЈО беше договорена од сите партии, како дел од Договорот од Пржино. Сите партии повеќепати се обврзаа да ја поддржат работата на СЈО. ЕУ ги охрабрува сите да дејствуваат во согласност со своите обврски и ја истакнува важноста на отчетноста“, соопшти Делгацијата на ЕУ.
Слична порака стигна и од амбасадата на САД.
„Ги охрабруваме сите партии да се придржуваат до обврските кои ги преземаа со Договорот од Пржино и договорот од 20 јули, а со кои треба да се осигураат веродостојни избори, непречна работа на СЈО и на независните набљудувачи на медиумите. Воспоставување на одговорност за неовластеното прислушување и обвинувањата за злоупотребите од власта, се круцијални за излез од политичката криза во која се наоѓа Македонија. Веруваме дека барањата на СЈО за поддршка на темелна и независна истрага се разумни“, се вели во соопштението.
Реакција стигна и амбасадата на Холандија, во која се потенцира дека „СЈО игра клучна улога во овој процес, за што му е потребна постојана поддршка од сите вклучени страни со цел непречено да ја исполни својата мисија, како што и беше договорено од политичките лидери“.
Пратениците сега повторно ќе бидат на тест во однос на поддршката за СЈО. Лидерот на Демократскиот Сојуз, Павле Трајанов, вчера најави дека денеска во парламентот повторно ќе ги предложи измените на двата закона што ги побара СЈО, но овојпат во редовна постапка, со целосна расправа за нив во собраниските комисии.

Клучот за интеграции

Нашите соговорници потсетуваат дека правната разрешница на одговорноста за неовластеното прислушување и на индициите за криминал, не се само обврска од пржинскиот договор како услов за излез од кризата, туку клучен еу-бенчмарк за враќање на правото и правдата во инстутиционален колосек, надвор од сегашната контрола што извршната власт ја има врз судството и обвинителството. Од тој аспект, без владеење на правото, Македонија нема да го забрза туку ќе го успори патот до членство во европското семејство.
Но, засега не постои впечаток дека таквата порака е разбрана од политичката елита. Претседателот Ѓорге Иванов при неодамнешното обраќање на свечениот прием за учесниците на 15-тата есенска сесија на ПС на ОБСЕ, изјави дека предвремените парламентарни избори ќе бидат излез од кризата, но само доколку по изборите се деблокираат интеграциите на Република Македонија.
„Само со отворање на европските перспективи за македонските граѓани ќе се излезе од маѓепсаниот круг на политички кризи и недоверба“, рече Иванов.
Отворањето на европските перспективи „од надвор“, според дипломатите, најмногу зависи од тоа што ќе се реализира „од внатре“. Во ланскиот Извештај на ЕК не беше утврден таков напредок.
„Во светло на напредокот направен досега во примената на политичкиот договор од јуни и јули, ЕК е подготвена да ја продолжи својата препорака за отворање преговори за членство со поранешната југословенска Република Македонија. Тоа, сепак, е условено со континуирана примена на политичкиот договор од јуни и јули и значаен напредок во примената на итните реформски приоритети. Ова прашање ќе биде отворено повторно по изборите“, стои во извештајот на ЕК за 2015 година.
И сега истото прашање треба да биде отворено по изборите. Се разбира, ако ги има.

http://www.dw.com/mk/%D0%B5%D0%B2%D1%80%D0%BE%D0%BA%D0%BE%D0%BC%D0%B5%D1%81%D0%B0%D1%80%D0%BE%D1%82-%D1%85%D0%B0%D0%BD-%D0%BD%D0%B0%D1%81%D0%BA%D0%BE%D1%80%D0%BE-%D0%B2%D0%BE-%D1%81%D0%BA%D0%BE%D0%BF%D1%98%D0%B5/a-35959075?maca=maz-rss-maz-pol_makedonija_timemk-4727-xml-mrss

Референдумот помина мирно и без инциденти. Но неочекувано поради непозната причина на Правниот Факултет се појави доскорешниот министер а сегашен директор на БЈБ Митко Чавков. Припадниците на студентскиот пленум ја искористија можноста да го прашаат Чавков по чија команда полициските специјалци ги избркаа студентите за време на студентските избори.

За четири месеци ќе наполнам 70 години. Казната од 13 години ми е зголемена за уште шест месеци. Немав пари да ги платам судските трошоци и си добив уште 180 дена затвор. Верувам дека власта сака да ме држи во затвор додека умрам.

СТЕЧАЈЦИ ПРОТЕСТИРАА И ГО БЛОКИРАА ВЛЕЗОТ НА КУМАНОВО

Стечајните работници од Куманово денеска два часа го блокираа влезот на градот, барајќи да престане игнорантскиот однос на актуелната власт кон нивниот проблем, објави kumanovonews.

Претседатлеката на Здружението „Унит“, Лилјана Георгиевска, потенцира дека иако протестираат повеќе од два месеци (секој петок), досега никој од власта не ги повикал на разговор за изнаоѓање решение.

„Повеќе од 10 години бараме државата да не обештети и ни исплаќа по 6.000 денари месечен надомест. Протестите ги активиравме токму сега за да извршиме пристисок врз актуелната власт да предвиди средства за  обештетување во буџетот за наредната година, кој ќе тежи 3 милијарди евра“, изјави Георгиевска на денешниот протест.

Стечајците од Каманово најавија дека ќе бидат дел од протестниот марш во Скопје, кој за празникот 11 Октомври го најавија опозицијата заедно со активисти, уметници и новинари.

http://www.radiomof.mk/stechajci-protestiraa-i-go-blokiraa-vlezot-na-kumanovo/

Тепачка меѓу началник од ДУИ и заменик од ВМРО-ДПМНЕ во МВР?!

Како што објави порталот повикувајќи се на извори од МВР, вчера околу 11 часот прво вербално началникот се нафрлил врз својот заменик со зборовите „ти ли ќе ме кодошиш бе куче едно“, истиот влегол во канцеларијата на заменикот го фатил за гуша, му ја истргал кошулата и со бокс го удрил во пределот на градите.

http://www.libertas.mk/tepachka-megu-nachalnik-od-dui-i-zamenik-od-vmro-dpmne-vo-mvr/