Корисни совети за подобро здравје

Како да се лекуваме со ракија



Освен како традиционален алкохолен пијалок задолжителен за македонската трпеза , ракијата може да ви послужи и како одличен лек од домашната аптека . Погледнете што може да лекувате со ракија .

За здравствените придобивки на ракијата

Ракијата има антисептично , антивирусно и антибактериско дејство , што ја прави одличен природен лек . Таа се користи најчесто при заболувања на дишните патишта како бронхитис , при воспалени крајници , болно грло и акутна кашлица . Ракијата помага и при ангина , бидејќи го загрева грлото и ја смирува кашлицата .

При температура се прават облоги на болниот , за да може тој да се испоти и да ги исфрли токсините од организмот. Ракијата се користи и за триење при ревматизам , столпчиња и болки во зглобовите. Според бабините рецепти натопено шамивче со ракија се става во носот за лекување на настинка и затнат нос. Некои го користат пијалокот и за стоматолошки проблеми како потечени вилици и забоболка , бидејќи ја намалува непријатноста .

Пиењето 50мл ракија дневно исто така има корисно дејство за организмот. Умерената консумација на пијалокот го подобрува крвниот притисок , ги зацврстува ѕидовите на крвните садови и се бори со лошиот холестерол .

Рецепти за лекување со ракија

Кај болни крајници : Во 250мл домашна ракија се додава 125г мед.. Смесата се загрева додека медот не се раствори , и се прави гаргара 3 пати дневно .

При настинка : Во 250мл силна ракија се раствораат 15г камфор и пред спиење се прави масажа на болниот со смесата . Потоа треба да испие една чаша топол чај и да се замота со дебели ќебиња , за да се испоти .

Компресија со ракија и бибер : Марама се наводнува внимателно со ракија и посипува со црн пипер . Се обвива околу грлото и се покрива врвот со волнен шал . Дозволете така да отстои преку ноќ.

Компресија со ракија не се препорачуваат на бремените жени, доенчиња и мали деца . Освен тоа ако правите компресија со ракија на градите , никогаш не ја ставајте врз срцето .

При столпчиња : Во 500м ракија се впиваат 4 големи костени. Лекот се чува 20 дена на темно и ладно . Потоа се користи за масажа на болните делови.

При болки во зглобовите : Во 500м ракија се ставаат 30 глуварчиња и се оставаат на сонце за околу 10 дена . Потоа смесата се цеди и тинктурата се користи за масажа на болните зглобови.

http://lokalno.mk/kako-da-se-lekuvame-so-rakija/

Ароматерапија e древна вештина на примена на етерични масла на различни начини за релаксација, превенција и лекување. Датира од најстарите цивилизации и се користи за лекување на многу болести.



Таа помага при лекување или спречување на болестити со користење на етерични масла. Се применува и при ублажување на болки и вознемиреност, зголемување на енергијата, подобрување на меморијата, за опуштање, спречува опаѓање на косата и ги намалува егземите кои предизвикуваат чешање.

Ароматична купка - е наменета за болки во зглобови, замор, несоница, стрес, депресија. Наполнете ја кадата со вода и внатре капнете 10-тина капки од етеричното масло. Освен преку кожата, полезното дејство на маслото ќе го осетите и преку респираторниот систем.

Ароматични облоги - газата натопете ја со ладна (доколку имате отоци) или топла вода (за болки во мускулите и коските) во која претходно ќе капнете 10 капки од маслото. Бидете трпеливи и оставете ги облогите да делуваат барем 1 час.

Ароматични инхалации - Тие се применуваат во лекувањето на повеќе болести, а најмногу за подобрување на расположението. Доволно е само да го отворите шишето и да вдишете од мирисот, или пак да го ставите во распрскувач со вода и да ја освежите просторијата.

Ароматична масажа - масажата е можеби најефикасниот начин за искористување на полезното дејство на етеричните масла. При масажата доаѓа до делумно продирање на маслото во крвотокот, а со тоа и до побрзо дејство врз болните точки.

http://grid.mk/read/news/509652137/9618034/aromaterapija-lekuvanje-so-miris

Доколку воведете одредени промени во вашата исхрана, сигурно барем малку ќе си ги прочистите белите дробови. Можеби нема да успеете целосно, но барем до одреден степен ќе можете да се ослободите од штетните токсини.

Ако сè уште не сте подготвени да се откажете од пушењето, без разлика на фактот што знаете за штетата која тие ви ја причинуваат, тогаш барем обидете се да ги намалите шансите за развивање одредени болести како ракот. Со помош на овие видови храна вие можете малку да ги исчистите белите дробови од катранот и да го намалите ризикот од појавата на инфекции…

Слатката пченка содржи бета-криптоксантин за кој се верува дека ги штити белите дробови од карцином и претставува силен антиоксиданс. Од друга страна пак, не заборавајте дека на полиците во маркетите изобилуваат производи кои се ГМО, па токму затоа консумирајте ги само оние за чие потекло сте 100% сигурни.

Селенот е моќен антиоксиданс, а бразилските ореви се најдобар извор на селен кој можете да го најдете во природна форма.

Лукот исто така е одличен чистач на белите дробови. Покрај лукот, и кромидот исто така е одличен за борбата против канцерот. Тие спречуваат многу видови болести, меѓу кои се и инфекциите и ракот на белите дробови. Интересно е и тоа што дури и кај оние кои се заболени од рак, тие имаат силен ефект при намалување на неговото ширење.

Ѓумбирот е природен лек кој ќе ви помогне да се заштитите од голем број тешки заболувања. Тој е уште едно силно средство за исфрлање токсини од белите дробови. Можете да го пиете како чај кој го олеснува дишењето, но можете и да го консумирате преку оброците.

Портокалите исто така содржат криптоксантин кој делува превентивно против ракот на белите дробови.

Копривата е многу корисна и како средство за дезинфекција на белите дробови и како борец против ракот. Чајот од коприва традиционално се користи за плакнење на устата и грлото, но може да биде и ваш добар сојузник против ракот на белите дробови.

http://www.kafepauza.mk/zivot/nekolku-soveti-za-pushachite-kako-so-pomosh-na-ishranata-da-gi-prochistite-vashite-beli-drobovi/

Високиот крвен притисок или хипертензија предизвикува мозочен удар, срцев удар и болести на срцето и е најголем предизвикувач на инвалидност и на прерана смрт во светот. Ова е подмолна болест која тешко се открива и која со години не мора да покажува никакви знаци.

Што е, всушност, крвниот притисок? Тоа е притисок на крвта на ѕидовите на крвните садови (артерии) во секој дел од телото. Притисокот е променлив, се менува во текот на денот и ноќта и е подложен на многу надворешни и внатрешни влијанија. Нормалната вредност на крвниот притисок, кој овозможува живот, а не го оштетува системот на крвните садови, е во просек 120/80 (mmHg), додека за зголемен се смета оној над 140/90 mmHg.

Ако вашиот притисок е премногу висок, тоа дополнително ги оптоварува срцето и крвните садови. Со тек на време, тоа дополнително оптоварување може да ги оштети органите на телото и да предизвика здравствени проблеми. Ако имате висок крвен притисок и не го контролирате, тоа го зголемува ризикот од срцев и од мозочен удар. Високиот крвен притисок може, исто така, да предизвика срцеви болести и болести на бубрезите, а се поврзува и со некои облици на деменција.

Што предизвикува висок крвен притисок?

Кај повеќето луѓе не постои само една причина за висок крвен притисок. Не е познато што точно предизикува висок крвен притисок. Но, познато е дека начинот на живот може значајно да влијае на појавувањето на високиот крвен притисок. Поголем ризик е доколку: не консумирате доволно овошје и зеленчук, јадете премногу солена храна, не се занимавате со физичка активност или ако консумирате премногу алкохолни пијалаци.

Некои луѓе можат да имаат висок крвен притисок кој е поврзан со некоја друга болест, на пример, болест на бубрезите. Излекувањето на одредена болест може кај тие луѓе да го намали крвниот притисок на нормална вредност.

Уште некои причини кои влијаат на висок крвен притисок

Возраст: колку што сте постари последиците од нездрав начин на живот можат да се наталожат и крвниот притисок може да се зголеми. Етничко потекло: луѓето од африканско-карипско и јужноазиско потекло се изложени на поголем ризик од висок притисок од другите луѓе. Семејно потекло: постои поголема веројатност од заболување ако членовите на вашето семејство имаат или имале висок крвен притисок.

Симптоми на висок притисок

Повеќето луѓе кои имаат зголемени вредности на крвниот притисок не се ни свесни за тоа, бидејќи немаат никакви тегоби ни симптоми. Повремено, кога притисокот е исклучително висок, може да почувствуваат болка и притисок во главата. Уште некој од можните симптоми е црвенило на лицето, кое е последица од зголемено ширење на крвните садови на кожата поради зголемен доток на крв и крвавење од малите капилари во носот. Тоа се случува поради чувствителноста на капиларите кои не успеваат да го издржат внатрешниот притисок и затоа пукаат.

Понекогаш болниот забележува дека полесно се заморува, отежнато вршење на секојдневните работи и слабост при концентрирањето. Вознемиреноста, забрзаното работење на срцето и/или неправилното работење на срцето знаат индиректно да предупредат на зголемен притисок. Наброените знаци вообичаено може да бидат присутни во раната фаза на болеста. Од наведеното јасно е дека најчесто зголемениот притисок се открива случајно, со мерење притисок на преглед.

Здравиот начин на живеење го намалува притисокот

Ако ви е дијагностициран висок притисок, едно од решенијата се лековите кои ќе ви ги препише лекарот, а како второ е да почнете да живеете здраво и така да го намалите притисокот. Следните промени во вашата исхрана и активност може да влијаат на вашиот крвен притисок.

1. Консумирајте храна со помалку сол

Премногу сол го зголемува крвниот притисок, па мора да го намалите внесувањето сол. Повеќето сол што ќе ја изедете не е онаа сол со која ја посолувате храната, туку во готовата храна како леб, житни снегулки и готови јадења. Немојте да додавате сол кога готвите или дополнително да ја солите храната. Кога купувате храна, проверете ги натписите на пакувањето и изберете храна со низок процент на сол.

2. Консумирајте повеќе овошје и зеленчук

Консумација на овошје и зеленчук го намалува крвниот притисок . Возрасните секојдневно треба да земаат по пет оброци овошје и зеленчук. Еден оброк изнесува 80 грама, што е околу една ваша дланка. Јадете разни видови овошје и зеленчук. Тоа може да биде сушено, смрзнато или конзервирано овошје и зеленчук, но внимавајте на дополнителната сол, шеќер или маснотии. Лук, кромид или цвекло се одлични продукти за намалување на крвниот притисок.

3. Намалете ја консумацијата на алкохол

Ако пиете премногу алкохолни пијалаци, тоа ќе го зголеми вашиот крвен притисок со тек на времето. Препорачана вредност за мажи е 21 единица алкохол неделно, а 14 единици алкохол за жени. Единица е 300 милилитри пиво, мала чаша вино или чашка жесток алкохолен пијалак. Ако се придржувате на препорачаните ограничувања, тоа би требало поволно да влијае на нискиот крвен притисок.

4. Одржувајте нормална тежина

Ако е потребно, ослабете. Тоа ќе го намали вашиот крвен притисок и ќе го намали ризикот од срцеви заболувања. Најдобар начин да ослабете е да изберете немасна и нискокалорична храна и да ја зголемите физичката активност. Не треба да држите диета за да ослабете. Поставете си реални цели. Направете мали измени во својата исхрана и во физичката активност така што истите ќе можете да ги практикувате целиот живот.

5. Движете се

Триесет минути умерено вежбање, пет пати неделно, го одржува вашето срце здраво и може да го намали крвниот притисок. Ако не можете да најдете 30 минути за вежбање во текот на денот, ќе си помогнете ако и минимално ја зголемите активноста. Размислете како би можеле физички да се активирате во текот на денот. Идеална е секоја активност која ќе ве испоти и при која ќе останете без малку здив.

6. Научете да се справувате со стресот

Докажано е дека медитацијата значително го намалува крвниот притисок. Ако верувате во алтернативните начини на лекување, пробајте со акупунктура.

http://plusinfo.mk/vest/18227/-shest-cekori-do-ponizok-krven-pritisok

Наталожените токсини во цревата можат да предизвикаат низа пречки во варењето како запек, дебелеење, промени на кожата, подуеност, тврда столица...

Редовното чистење на цревата помага во отстранувањето на отровите пред да се појават здравствените проблеми.

Лек за чистење на цревата:

Чаша топла вода со малку свежо исцеден лимон наутро ги чисти цревата и ја отстранува нечистотијата која се наталожила во нив претходниот ден. Го поттикнува работењето на дигестивниот систем и работењето на цревата, па на тој начин овозможува отстранување на наталожените токсини, пишува Kimberysnyder.

За чистење на цревата одличен е и чајот од коприва бидејќи го поттикнува метаболизмот и излачувањето на водата, и ги намалува проблемите во варењето.

http://plusinfo.mk/vest/18526/utrinski-lek-za-cistenje-na-crevata

delta напиша:podobro bidi bogat i zdrav otkolku siromav i bolen.