Претседателски избори 2019

МАНАСТИР СВ.ГАВРИЛ ЛЕСНОВСКИ
17 октомври 2018 ·

КРИВОВЕРИЈА

ШТО Е ЈОГАТА – ОПУШТАЊЕ ИЛИ ОКУЛТНА ДИСЦИПЛИНА?



Терминот јога потекнува од санскритскиот збор - Yug, и значи заедница (со божественото, со твоето повисоко Јас). Јогата е пат кон надминување на обичниот ум (она што ти мислиш дека си) со цел да се стопиш со твоето повисоко Јас или божественото Јас. Значи јогата е спојување со Браманот (т.е. бесконечниот, универзален дух, безличната сила која Индусите ја сметаат и ја нарекуваат бог), преку изменетата состојба на свеста и спрема тоа, теоретско ослободување на себеси од врските со бесконечните инкарнации. Јогата доаѓа од Хинду Веда. Може да се следи наназад до Патанџали, кој бил религиозен водач. Шива, еден од трите најмоќни богови на Хиндуизмот, познат како уништувач, се нарекува Јоги Свара или Господар на Јогата.

Го наведуваме следниот дел, извадок од неколку светски списанија:
Проценето е дека постојат 10 000 учители по јога во САД, кои поучуваат помеѓу четири до пет милиони студенти неделно. Јогата е програма која вклучува свесно истегнување, промислени движења, контролирано дишење и вежби за релаксација. Целта на јогата е да ја развива силата, еластичноста, рамнотежата, рамнотежата на телото, свесноста на телото, мускулната рамнотежа, смиреноста и контролираното дишење. Јогата потекнала од една Хиндуистичка школа на мислители, која говори дека движењата можат да ја издвојат душата од телото и умот. Во Западниот свет, јогата воглавно се користи во облик на вежби. Се вели дека јогата сака да ги обедини телото, умот и здивот; да ги натера да делуваат во хармонија. Таа е многу лесна, спора и медитативна; но бара концентрација. Инструкторите по јога велат дека примиле мноштво жалби од оние луѓе, кои веруваат дека јогата е испреплетена со окултното и со мистицизмот. Знаеме дека јогата навистина потекнува од еден дел на индискиот хиндуизам, но нашите часови се занимаваат воглавно со физичката страна на јогата, која ниту на еден начин не ги приморува луѓето да бидат вклучени во религиите на Далечниот Исток. (Тhe Bloomington Herald Times; 1991)

Тажно е, дури и Христијаните поверуваа во оваа лага. Секој учител по јога е всушност мисионер на Будизмот или Хиндуизмот, дури и доколку тој или таа носат крст, инсистираат на тоа дека Исус бил голем јогин, говорат и протестираат дека јогата не е религија, туку наука. Ова е најголемата лага.

Сепак, таа е толку раширена, популарна, и се верува во неа, па така, во Американските државни школи, почнувајќи од градинките, но и во секоја друга област од животот денес, јогата и другите облици на хинду – будистичкиот окултизам се изучуваат и се прифаќаат како наука.
Спротивно на тоа, Христијанството е исфрлено од образованието и притиснато во секоја друга област од животот во едно широко, слободоумно движење кое настојува да ја замени религијата со New Age наука! (Peace, Property and the coming Holocaust, стр. 147).
Јогата е јасен концепт на New Age – от, кој е длабоко религиозен и пантеистичен во своето потекло. Нашироко се употребува и поддржува од страна на проповедниците на New Age –от. Ова движење ја негира реалноста на гревот и потполната изопаченост, и верува дека секој човек е - воопштено добар и дека е божествен. Тие учат дека постои бог во секој од нас, а дека ние сме премногу несвесни за тоа: дека треба тоа да го развиеме преку медитација и други метафизички техники. Тие учат дека единствената работа, која им е потребна на луѓето, е просветлувањето во поглед на нивната божественост. Веруваат дека преку реинкарнацијата, човекот повторно се соединува со бог. Веруваат во Карма, која го претставува долгот на човекот од неговиот претходен живот. Проповедаат и веруваат во еволуцијата, спротивна на Создавањето, опишано во Светото Писмо.

Јогата исто така е придружена со фантазирање, визуелизација, хипноза, магија на умот, пеење на мантри, позитивно размислување, со Силва техники на умот, кои не само што не се Христијански, туку се и потенцијално опасни. Кога се спроведува од страна на верниците Христијани, дозволува одредено надворешно, духовно влијание во нашиот живот,недоследно и недозволено во него (2 Кор. 6:14-18).
Практикувањето на јогата во најдобар случај е незнабоштво, паганство, а во најлош случај – окултизам.
Нејзините учења потекнуваат од религиите на Далечниот Исток, кои учат дека - „Јас сум Бог, само што тоа не го сфаќам“: целта на јогата е самоостварувањето , да се погледне длабоко во она што треба да биде храм на Вистинскиот Бог, и тука да се открие наводното Вистинско Јас, или повеќето – Јас - и да се објави дека ние сме Бог. Ништо не е во религијата посилно од таа идеја, но сепак, со смирени лица, сите јогини инсистираат дека бавењето со јога, нема да ги смени кај било кого, неговите религиозните верувања.
Ова е религија на антихристот, и за прв пат во историјата е широко распространета низ целиот западен свет, преку трансцеденталната медитација и другите облици на јогата (The Seduction of Christianity, стр. 54).

Јогата себеси се нарекува наука. Нарекувајќи се себеси како наука, јогата (која го претставува срцето на Хиндуизмот) во последните триесет години стана составен дел на западните општества, каде што се предава во секој клуб, во државните училишта, индустријата, во многубројните цркви. Облечена во облеката на западот, јогата се здоби со прифаќање во медицината, психологијата, образованието, во религијата под еуфемизми како што се фокусирање, терапија за опуштање, самохипноза и креативна визуелизација. Јогата е создадена да води до остварување на човечкото вистинско божество, низ внатрешниот, медитативен пат, во кој конечно го наоѓа крајниот извор на сѐ - во човечката психа (The Seduction of Christianity, стр.110).
Хата Јога - е популарниот облик на јога, практикуван од оние кои бараат облик за опуштање и вежба без напор. Јохана Микелсен меѓутоа, правилно расудува: „На Западот постои вообичаено погрешно сфаќање дека Хата Јога, (една од десетте облици на јога) која наводно води до самоостварување, е само неутрален облик на вежба, релаксирачка и делотворна алтернатива за оние кои се згрозени од трчање и калинетика... Меѓутоа, Хата Јога претставува еден од шесте препознаени системи на изворниот Хиндуизам, и во своите корени е религиозна и мистична. Исто така, таа е еден од најтешките - и особено духовно опасни облици на јога.“

Изразот – Хата (hatha) – потекнува од глаголот – hath, што значи угнетување, тиранизирање. Практикувањето на Хата Јога всушност е замислено за да го потиснува текот на психичката енергија низ овие канали (симболички или психички премини од другата страна на 'рбетниот мозок), присилувајќи ја на тој начин моќта на змијата или – кундалини силата, да се подигне низ средниот психички канал и 'рбетот (sushumna) и горе, низ чакрите (chakras) – претпоставените психички центри на човечката личност и моќ.
Западњаците погрешно веруваат дека некој може да практикува Хата Јога, без притоа да зема учество во философските и религиозни верувања, кои се undergird. Тоа е потполна заблуда...Вие не можете да ги одвоите вежбите од философијата... Самите движења стануваат облик на медитација. Продолженото практикување на овие вежби на јога, со или без намера, конечно ќе влијаат на тебе, и ќе те усмерат кон Далекуисточните, мистични погледи. Во тоа е смислата!
Според дефиниција, не постои нешто такво – неутрална јога. (Like Lambs to the Slaughter, стр. 93-95).

Превод:
Сестринството на Метохот
„Св. Спиридон Чудотворец“