Интервјуа и колумни

Зар толкав народ треба да се плаши од шака себични малоумници. Ајде народе, без разлика на вера, етникум, определување, дигнете го гласот против тиранијата, беззаконието, угнетувањето, покажете дека оваа наша и единствена Македонија има капацитет и слободарски дух да ги казни тие што сакаат да ја уништат…

Пишува: Арбен Гоља, адвокат

Имав среќа да се родам во едно здраво општество зад кое како цврст темел стоеше здрава држава, наречена СФРЈ. Во таа иста држава во која за првпат по многу векови и македонскиот народ доби своја држава и државност. И така во тоа „едноумие“, како што милуваат да кажат нашите вмровчиња, замислете се реализира вековниот сон на македонскиот народ, ни ја „подари“ Јосип Броз Тито и останатите „комуњари“ од едноумието. Не беа тоа Гоце Делчев, Питу Гули и други, од чии споменици полн ни е целиот град, и тоа качени на коњи, цела ергела. Секоја чест, се бореле и сонувале, па дури многу од нив и го дале својот живот за оваа цел и тоа е за почит, но не успеале и целта не била остварена.

Од друга страна, ниту еден споменик посветен на главниот „виновник“ што имаме своја држава, Јосип Броз Тито, а за другите „комуњари и да не збориме. Но, историски е докажан нашиот неблагодарен менталитет и неспособност за вреднување и особено девалвирање на нашите прави вредности. Но, да се вратам на државата СФРЈ, каде што сите бевме еднакви, со еднакви можности за школување, лекување, вработување. Каде секој вработен од својата фирма, фабрика добиваше стан, каде што неговите деца можеа да одат на летување на море, на скијање.

ЧОВЕЧЕ СО МЕКО „Р“

И така, додека траеше тоа едноумие викано СФРЈ, бар 80 отсто од граѓаните на Република Македонија го решија своето станбено прашање. Благодарение на ова и сега хендикепираните млади генерации имаат каков-таков кров над глава во заедница со мама и тато, современици на тоа време.

Дури и нашиот сега формално експремиер треба да му заблагодари на горенаведениот виновник што му го прибра татко му егеец што талкаше како апатрид (човек без држава), од Ташкент, па надолу-нагоре. Му даде стан, вработување и му овозможи да се роди малото диктаторче со меко „р“. Сега тоа човече со меко „р“, наместо да му се заблагодари што воопшто постои, го плука својот креатор (во секоја креација постојат и делови со вградена мана… не се мисли на мекото „р“).

Распадот на СФРЈ овозможи токму овие креатури со вградена мана да се експонираат во новото плурално општество, како членови на партии, бидејќи во недостиг од индивидуални квалитети за да се афирмираат во истото, тие беа единствен лек за нивните фрустрации и комплекси. Во политиката, во Македонија влегоа лигуши и уличари. Лигуши беа луѓе, кои својот интелектуален хендикеп го лечеа преку членство во младински организации и комунистичката партија, а продолжија како СДСМ. Уличари, пак, се другиве, како што милувам да ги викам вмровчињава ВМРО-ДПМНЕ, ДПА, ДУИ, ГРОМ и др. Така овој шести ешалон на анонимуси со вградена мана завладеаја со осамостоената Македонија.

Кога лигушите стапија на власт и почнаа да крадат, си помислив, па добро, се создаваат класи и се случува првобитна кумулација на капиталот. Ќе направат капитал, па потоа ќе инсталираат правна држава за да си го заштитат истиот. Но, на мое разочарување, не се случи така. Тие не се задоволија со тоа, па продолжија да си ја крадат сопствената земја. На овој начин, покрај ова, направија уште поголемо зло, со своите политики им овозможија на уличарите да ја преземат власта и тука настапува 10-годишен мрак од кој никако да излеземе.

ЕГОЦЕНТРИЧНА И ПРОСТА ТОЛПА

И едните, и другите, а особено другиве доживуваат задоцнет пубертет лечејќи ги своите фрустрации и комплекси таложени од своето детство, на сметка на земјава, која полека, но сигурно тоне. Станавме заробеници на една егоцентрична и проста толпа, која веќе 25 години нѐ држи во заложништво, уништувајќи ни ги животите убивајќи ја во нас и последната надеж дека ќе имаме достоинствен живот.

Се прашувам каде е демократијата на едно плурално општество, кое е плурално само на хартија, ова претставува едноумие или во најдобар случај двоумие. Па, во системот, кој така безмилосно го плука оваа багра, имаше многу поголема демократија и почит кон граѓанинот како единка, иако беше еднопартиски систем. Да не говорам за образованието, културата, здравството и хуманоста. Сега сето ова е девастирано и јадно и, што е загрижувачки, продолжува овој тренд, кој неминовно води кон самоуништување.

Показател на ова е и срамната одлука на петтемина уставни судии, како мнозинство, со која се овозможува на нашиот послушен претседател на државата да амнестира криминалци, педофили и терористи. Со ова јасно се промовира дека стануваме земја на беззаконие. Ги гледам оние јадници квазипатриоти во шатори пред Уставниот суд, немаа ама баш поим зошто се тука. Некој им рекол дека го бранат уставниот поредок и законитоста и истите како папагали гракаат во еден глас. Јадни мали егоистични човечиња, кои, всушност, ја бранат својата бедна платичка, со која им се заканиле дека ќе им ја одземат. Сиромашките, не сфаќаат дека всушност си ја уништуваат сопствената држава, а без неа ќе ја нема и платичката.

Крајно време е овој народ да се свести и да сфати дека неговата судбина исклучиво зависи од него самиот, а не од група криминалци без чест, морал и етика, во чии болни умови животот е само нивна привилегија. Зар толкав народ треба да се плаши од шака себични малоумници. Ајде народе, без разлика на вера, етникум и определување, дигнете го гласот против тиранијата, беззаконието, угнетувањето, покажете дека оваа наша и единствена Македонија има капацитет и слободарски дух да ги казни тие што сакаат да ја уништат.

Распадот на СФРЈ овозможи токму овие креатури со вградена мана да се експонираат во новото плурално општество, како членови на партии, бидејќи во недостиг од индивидуални квалитети за да се афирмираат во истото, тие беа единствен лек за нивните фрустрации и комплекси. Во политиката, во Македонија влегоа лигуши и уличари. Лигуши беа луѓе, кои својот интелектуален хендикеп го лечеа преку членство во младински организации и комунистичката партија, а продолжија како СДСМ. Уличари, пак, се другиве, како што милувам да ги викам вмровчињава ВМРО-ДПМНЕ, ДПА, ДУИ, ГРОМ и др. Така овој шести ешалон на анонимуси со вградена мана завладеаја со осамостоената Македонија.

Ванхауте: Не би се изненадил дека и мене ме прислушкувале

Белгискиот експерт и олеснувач во Пржинскиот процес Питер Ванхауте, за интервју за НОВА говори зошто повеќе нема преговори, за нападите кон него од страна на ВМРО-ДПМНЕ, за улогата на обвинителката Катица Јанева и зошто е невозможно да има избори на 5 јуни.

Посредникот на ЕУ во Македонија денеска го има последниот работен ден. Вели дека е шокиран од атмосферата на страв во земјата и смета дека изборите нема ништо да променат. Македонија не е подготвена за избори, вели тој.

Во центарот на масата на луѓе од грчките острови северно кон Европа е Македонија, мала балканска држава, која сè уште чека да стане членка на НАТО или на ЕУ, главно поради противењето на Грција за името на земјата. Само минатата година над 700 000 баратели на азил поминаа преку Македонија – што е неверојатно за една држава од 2 милиона. Помеѓу нив, Македонија заплени 9,000 фалсификувани или украдени пасоши.

Сега,како и нејзините балкански соседи, Македонија ги затвори границите за навалата од бегалци. Тоа го прави со минимални ресурси, во суштина оставена и од НАТО и од ЕУ и според тоа, принудена сама да се справува со бегалците. Тоа воопшто не е лесна задача за една мала земја која е во самиот центар на портата кон централна Европа и пошироко. И со добра причина: двајца од сторителите на нападите во Париз се дојдени преку Македонија.

Македонија е земја која ветува, со ниски даночни стапки и унапредување на политиките во областа на здравството и социјалната заштита под лидерството на Никола Груевски кој беше премиер повеќе од една деценија до јануари кога поднесе оставка. Земјата постигна напредок од 105. место на 64. место минатата година на угледниот индекс за перцепција на корупцијата на Транспаренси Интернешнл. (најголем скок која го имала некоја земја и пред многу земји членки на ЕУ и НАТО).

Сепак, проблемите со кои се соочува Македонија при справувањето со бегалците, и покрај максималните напори, се во сенка на внатрешната политика на поделби, при што четирите најголеми партии се натпреваруваат за власт.

Заплетот доаѓа директно од телевизиската серија „Куќа од карти“. Приватно снимени и монтирани снимки беа објавени мината година од опозициските пост-комунистички социјал-демократи предводени од Зоран Заев. За да се реши произлезената кризата, партиите се согласија дека Груевски ќе даде оставка 100 дена пред изборите. Тој го одржа своето ветување, но Заев сè уште ги избегнува изборите кои веројатно ќе ги изгуби и побара нивно одложување до 5.јуни. Дури и откако владејачката партија ВМРО-ДПМНЕ се согласи за новиот датум за избори, Заев, соочен со очекуваната победа на Груевски повторно се заканува со бојкот.

Социјалистичката опозиција има веројатни врски со Русија, која се спротивставува на западната интеграција на Македонија и можеби има улога во монтирањето на снимките. Заостанувајќи во националните анкети на јавното мислење, Заев ефективно се обидува да ја пикне својата земја во задниот џеб на Владимир Путин и е подготвен да создаде политичка нестабилност кај нејзините соседи.

За пофалба е што ЕУ ја препознава потребата од стабилна, демократска Македонија во нејзиното средиште и постојано изразува поддршка за претстојните избори. Да се надеваме дека и САД ќе го сторат истото.

Имајќи предвид дека Собранието е подготвено да се распушти пред закажаните јунски избори договорени со посредство на ЕУ, неопходно е САД навремено да покажат вистинско лидерство. Во јануари, при посетата на Соединетите Држави, поранешниот премиер Груевски доби уверување од потпретседателот Бајден дека САД остануваат цврст партнер на Македонија и ја поддржуваат интеграцијата на Македонија во НАТО и ЕУ. Да се надеваме дека тоа што го кажа Бајден не беа само зборови. Заменикот помошник државен секретар Хојт Ји неодамна ја посети Македонија да го провери спроведувањето на договорот постигнат со посредство на ЕУ – тој мора да ги држи сите партии на вистинскиот пат за изборите.

Целата колумна во оригинал можете да ја прочитате ТУКА..

defo напиша:Геро и јас не го читам....Ама од Ванхауте ви тече низ пачавица (израз кој го употребува Груески)......А слушам дека сте добиле наредба од штаб да ги изедете мачки по дома. А Трендо има вистина???

трендафил напиша:
Ванхауте само ги пренесува желбите на ЧАДОРОТ, односно на т.н. меѓународна заедница, како што се нарекуваат самите себе си.

Хорско плачење!

Се тресеше гората се роди глувче. Ха ха ха. Анкетарите на терен, најчесто ги наоѓаат луѓето кои си живеат на соодветните адреси. Заклучок – избирачкиот список и фантомските 150.000 гласови не се причина, за поразите на СДСМ на претходните избори.

Второ: Тврдењето дека со фалсификувани лични карти, едно лице гласало повеќе пати – пропадна. Наместо власта, лични карти фалсификувал другар му на Заев, Чаушот, со сестра му и брат му, и тоа им бил фамилијарен бизнис.

Трето: Специјално обвинителство, па Специјално обвинителство. Еве ви го специјалното обвинителство. За што дадовме четири ипол милиони евра? За што се тресе државата? За да утврдиме дека кога го апселе Љубе Бошкоски „алфите“ му ја пцуеле мајката и жената, и дека Горан Грујовски комисиски уништил стара опрема за прислушкување која немала вредност од само 1 денар, туку наводно била повиока.

Четврто: СДСМ не може да испорача квалитетен продукт до граѓаните на кое што истото ќе влијае на покачување на рејтингот на опозицијата. Длабоко сум убеден дека сценаристите видоа дека заиграле на тенка карта, на неспособни политички шупелки, и вака добро и крупно смислено сценарио со неспособни луѓе не можат да го спроведат. Ќе мора да дигнат раце, и да чекаат подобри времиња.
Во моментов „Rabbits and Company“ не се квалитетно друштво за државни преврати. Приказните за немање демократија, за нефункционални институции, за корумпирана власт – паднаа во вода.

Каде се 800.000 евра наводна „аванта“ за Мијалков, каде се 16-те милиони од Кинезите, каде се наводните пет милијарди изнесени од државата? Тоа бре народот сакаше да го види од специјалните шупелки. Па за овие шест месеци бар пола од „милијардиве“ требаше да вратат во земјава, а не кој колку го пцуел Љубе!

Убеден сум дека и Американците и сите останати креваат раце од СДСМ и на 5-ти ќе си одиме на избори. И пак ќе биде „кој губи има право да се лути“.

Овој пат хорот составен од плачковци ќе биде многу поголем, ама хорското плачење колку што се разбирам од музика – многу поубаво звучи!

Од сето ова ќар ќе имаат Албанските партии, тие ќе го зголемат своето влијание во власта. Ќе имаме поголеми циркузи во парламентот. Зијан е Македонија, година ипол го измачија народот, стопанството претрпе огромни штети, како и угледот на земјата. Дипломатите го изгубија угледот, се разбира, најмногу го изгубија оние кои беа најмногу и инволвирани, и тоа сосема непотребно.

Длабоко сум убеден дека, овој состав на дипломати на чело со главниот одработи во корист на Русите. Русите им го гледаа сеирот, а народната антипатија кон западните дипломати се повеќе се зголемува, благодарение на нив самите. За тоа се виновни тие самите.

ИЗВОР

Teo напиша:Kolumna od tetka Stefka?!?!?! Znachi konechno si najde srodna predavnichka dusha...Se chudam kako dosega ne si go proglasil za svetec, apostol na samopovikaniot mesija i pastir tvoj Grtujoshesku...

Македонија е нападната од кенгурски трибунал

Само што пројде шокот од настапот на Kатица Јанева кога Македонија ја прогласи за фантомска држава, ете не среде неверица дека специјалните обвинителки отишле да се журкаат во специјалната американска амбасада која ја признаваат за легитимна. Ако на овие дешавки ги придодадеме самоуверените изјави на маргиналниот СДСМ дека изборите и резултатите од нив не се одлучувачки повеќе за тоа кој ќе биде власт во Македонија, се надевам дека секому во оваа земја му е ептен јасно за ефектот од пржинскиот експеримент. Македонија е најновиот опитен глушец во американската лабораторија на европска почва. Со него се тестира практично ефектноста на трансатлантскиот договор божем за слободна трговија меѓу Европа и САД, кој администрацијата на Барак Обама не успеа да го потпише со ЕУ кон крајот на 2015 година како што беше планирано. Затоа на Џес Бејли му успеа. За целите на неговата мисија од самиот почеток свесен е и знае само Зоран Верушевски, кој е интелигентен разузнавач кога веќе не е и човек. Другите извршители, почнувајќи од Заев завршувајќи со Kатица, се недоквакани шајшутки, гребла кои учествуваат од лични мотиви во разградбата на една држава.

Во обвиениот со тајна ТТИП е предвидено државите потписнички да станат услужни центри на трансатлантските корпорации. Да им се одземат сите идентитетни атрибути на колективитетите, заедниците, жителите да се трансформираат во маса од поединечни суштества без идентитетни белези, жигосувани или чипосани како стока која служи на корпорациите и нивните интереси. Во така преуредените држави – фирми подизведувачи, институциите се адаптирани на потребите на новиот светски поредок. Работниците ги губат сите права, социјала нема, јавно здравство нема, државната администрација станува приватна услужна дејност. Полицијата е приватна чуварска и редарска служба на корпорацијата сопственик. Судовите се само за регулирање на односите меѓу бројлерите, уставен суд нема зашто нема држава, буџетот служи за локални намени. Партиите се декор. Владата нема политичка функција туку чисто комунална, армијата не служи за одбрана на државата и нацијата туку да одговара на повик за војни кои ги објавува корпорацијата. Во така преуредени држави секој обид на непослушност ќе се решава преку специјални обвинителства кои се именувани како кенгурски судови, односно ад хок трибунали.

Е, сега, гледаме одблизу и во живо како сè од наброеново се случува веќе во Македонија. Имаме техничка влада, која не се занимава со државна политика ни внатре ни надвор. Во чувствителни сектори имаме двојни министри, кои работат по различни „закони“. Имаме премиер легално и легитимно избран како се ландра низ Македонија и среде оваа ситуација не смее ни да зуцне нешто, а камоли да преземе. Имаме свој домашен „хашки трибунал“ во лицето на СЈО. Ете ни ја нашата верзија на Kарла дел Понте. Македонскиот народ прекуноќ стана опитен глушец во држава претворена во лабораторија со потпис на четири божем политички водачи, а озаконет преку нападнатите државни институции. Ах, да, имаме и население со кое актериве и планериве си бришат патос. Оти тоа според ТТИП е маса робови. Или што би рекол Стево Пендаровски, стока.

Верувам дека барем сега секому му е јасно што е ова чудо кое ни се случува, оти во 2013-та кога во серија пишував за целите на ТТИП никој не го болеше глава, кога алармирав за окупацијата на Европа под плаштот на НАТО, а всушност истовар на американската армија за дисциплинирање на Европејците, веројатно многумина мислеа дека пак го плашам народот со небулози. Е па господо, нè прегази шлеперот додека колективно му стоевме на патот и го гледавме светот низ розови очила.

Сега „бистрата“ Kата во улога на Дел Понте, ќе обвинува, апси и пресудува кому сака, како сака и колку сака. Од каде црпи надлежност? Па, од Чадорот кај Kале. Гледате ни тој веќе не се труди да ја прикрие својата улога. Императорот Обама и неговиот кралски суд заседаваат. Чаре? Се разбира дека има. Јас не сум од оние што размислуваат безалтернативно или од тешки ситуации излез бараат само на мазни автопати. Kога веќе не дејствувавме превентивно, работите ќе ги оправаме радикално. Ако не сакаме да живееме како учипени бројлери одгледувани наменски за потребите на дегенерици како Бејли и Гарет, а на клање да нè водат „брендирани“ џукци како Фрчко, Милчин, Пендаровски, Верушевски и слични, ќе ги земеме во свои раце. Виетнамски, кубански, гемиџиски – македонски, палестински, сириски, курдски, партизански. Искуства колку да ми сакаш имало и ќе има. Kога знае човек против што се бори, кога има мотив и цел, победата е сигурна. Докажано. Наш непријател е опасна отчовечена багра со комплекс на бог. Неолиберален фашизам му е името. Нашата одлука доаѓа како одговор на егзистенцијалното прашање ќе живееме ли како полнокрвни луѓе или ќе си глумиме живот. Не грижете се за тоа кој ќе води или организира ваква борба. Ситуацијата ќе го разреши ова прашање природно. Настаните ќе ги изберат формите на борба и авторитетите. Додека одбројуваме до денот на распуштањето на Собранието, еве и некои корисни податоци од досегашната пракса во имплементацијата на таканаречените ад хок трибунали, одосно, кенгурски судови кои делат кенгурска правда:

Ексклузивно ги произведува САД од падот на биполарната конструкција. Kенгурските трибунали секогаш без исклучок дејствуваат на територии на држави кои се цел на напад на американскиот интерес. Ниту еден кенгурски трибунал не се однесувал на било која западноевропска држава. Kенгурска правда се дели на остатокот на светот. Злостори против човештвото вршат само дивјаци и варвари, значи, нецивилизирани народи. Затоа на пописот ги нема злосторите и злосторниците од Белгија (извршени во Kонго и Руанда), ги нема Французите со злосторите вршени во Kореја до 1953, во Полинезија со стотици атомски проби, во африканските колонии, со акцент на Алжир и сега во Либија. Или Велика Британија со славните масакри во Африка, на Блискиот Исток, во средна и далечна Азија, во Австралија врз Абориџините или американските во САД, па во Латинска Америка, во Азија и Африка, но и во Европа, на Балканот, во Егејска Македонија, па во Република Македонија во 2001 година, во СФРЈ, па во СРЈ, во Украина…

На Македонија ова не и е прв кенгурски трибунал. Еднаш стана муштерија во интернационалниот, офшор трибунал во Хаг каде завршија како злосторници Јохан Тарчуловски и Љубе Бошковски, а и се судеше на државата Македонија и нејзината легитимна одбрана од терористички напади на УЧK. И уште трипати во домашни кенгурски полициско-судски постапки во време кога со МВР управуваше Хари Kостов. Главниот кенгур, пандан на денешнава специјална кенгурица, беше Хари Kостов како министер за внатрешни работи. Прво за „Раштански лозја“. Вторпат кога Kостов преку портпаролката Мирјана Kонтевска свика ад хок прес-судење на негов трибунал кој на лице место обвини и осуди по кратка постапка тројца припадници на единицата „Лавови“ за некаков исконструиран злосторнички напад на автопатот Скопје – Тетово.

Исто како што тоа го прават сега трите мојри од специјалното обвинителство на своите прес-конференции. И третиот ваков кенгурски настан, во организација на истиов човек, а по американски налог дојден од амбасадорот Лоренс Батлер (прво апси, па после ќе му ја мислиш), беше киднапирањето (апсењето) на Kалид ел-Масри, кој кенгурски беше прогласен за терорист и осуден за тероризам. Македонија уште ја плаќа цената за овој злостор на еден недоквакан слуга, неговиот вроден садизам и неговата амбиција да биде омилен кај робосопственикот.

По ваквиот „демократски“ терк на делење правда кој се вика уште и „Рој Бин“ се осудени Садам Хусеин по рушењето на кулите во Њујорк, синот на Моамер ел Гадафи, осомничените за бомбашкиот напад на Бостонскиот маратон. На ист принцип функционира за срам на човештвото прочуеното Гвантанамо. Посебно интересен е кенгурскиот офшор-трибунал кој таинствено ги ослободи од обвинение фармацевтските компании кои произведуваат вакцини за дела против човештвото. Трибуналот (таен) на 19 ноември 2014 година донесе кенгурска одлука која со живот и трајни последици ја платија илјадници деца и нивните семејства. Во мигов во светот се водат над 3.000 спора пред кенгурски офшор наменски трибунали. Сите спорови се меѓу некоја САД корпорација и некоја држава надвор од кругот на западниот чадор. Во сите случаи жртвите имаат потпишано билатерален трговски договор со Америка (оти ТТИП и ТИП договори се уште не се легитимни). Само четири држави во Европа во моментов активно се борат против планот на САД и Велика Британија европските држави да ги претворат во сервис на интересите на транснационалните корпоративни системи. Тоа се Исланд, Унгарија, Австрија и Чешката Република. Виктор Орбан е знаменосец на оваа пресудна борба зашто прв до крај ја прозре американската убиствена стратегија склепана и содржана во тајниот Трансатлантски договор божем за слободна трговија.

Пишува: Мирка Велиновска за ДНЕВНИК.

Мене многу сериозно ме загрижи изјавата на американскиот амбасадор Џес Бејли, дека сега бил погодниот момент да се одврзе јазолот за спорот за името. Исказот на Бејли очигледно не е случаен, бидејќи пред некој ден со изјава со сличен тон се огласи и медијаторот Метју Нимиц.

Што се случува?

Провладината пропаганда, грујовите аналисти и воспалените организации од дијаспората сега се натпреваруваат кој побрзо и поостро ќе ја осуди изјавата на Бејли и ќе докаже дека спорот меѓу Македонија и Грција немал ништо заедничко со Договорот од Пржино. Не велам не, може и да е така (не ги знаеме тајните клаузули и наративи на договорот), но се сомневам дека спорот за името сепак може да има врска со еден друг договор, оној меѓу Бејли и Груевски - изборите, наместо на 24 април, да се одржат на 5 јуни.

На лидерот ВМРО-ДПМНЕ очигледно му е јасно дека времето не работи во негова полза и затоа, јас воопшто не би бил изненаден кога би слушнал дека тој со странците пак се пазарел за името - ние ќе направиме компромис, а вие ќе ни дозволите на 5 јуни да организираме уште една изборна кланица и да се консолидираме.

Американските дипломати имаат долга и прилично неславна историја на договарање со Груевски за спорот за името - некаде од 2008 година до скоро, најмалку десет пати лично имам слушано оптимистички прогнози на Америте дека Груевски ќе ги исполнел ветувањата што им ги давал и дека ќе постигнел компромис во спорот со Грција.

Во бомбите на Заев, пак, сите, со свои уши, недвосмислено јасно, слушнавме како Груевски и неговите најблиски соработници се пазарат за името директно со грчки посредници - се пазарат грубо, без трунка лажен патриотизам, буквално како на ат пазар!

Факт е дека кај нас постојат две битни политички формации од кои зависи македонската позиција во спорот за името - од една страна е владејачката ДПМНЕ, која очигледно има и искуство и спремност за пазарење за името, а од другата страна е опозицискиот СДСМ, кој од страв да не биде прогласен за „предавнички“, буквално нема никаков став и бега од ова важно прашање. Се прашувам, дали Груевски се обидел да ја искористи таа ситуација и дали можеби успеал да ги убеди Американците дека само тој и неговата партија имаат капацитет и спремност да го решат спорот со Грците, та затоа треба да добијат право на уште едни валкани избори?

Америка сака макар една победа против Русија!

ЗОШТО СЕГА БИЛО ВРЕМЕ ЗА ПРОМЕНА НА ИМЕТО?

Под претпоставка дека ќе се одржат избори на 5 јуни од немајкаде, а имајќи предвид дека резултатите, доколку броењето е објективно, се веќе познати (најмалку два наспрема еден), операцијата Пуч управувана од чадорот и изведувана од пленум на квислинзи, ќе заврши исто како војната со Виетнам.

Тотално асиметрично во полза на жртвата. На агресорот Америка, и по 40 години од крајот на војната, и е тешко да си го признае и запише поразот и срамот. Во Вашингтон се правдаат дека мотивите за војната им биле благородни. Залудно. Војната останува факт заедно со 4,8 милиони Виетнамци кои ги загубија животите. Kако и американскиот колосален пораз забетониран како еден од најморбидните злостори против човештвото со епски пропорции.

Исто како што се благородни мотивите што ги наведоа пред две години да ја стартуваат операцијата ,,Пуч“ во Македонија. Идентични како што беа мотивите кога ваква лакрдија организираа и изведоа во 2001 година. Сега, во очекување на изборите, а во светло на двете последователни изјави од американски државни службеници (Метју Нимиц и Џес Бејли) дека сега му било времето да се ,,реши името“ ние нужно мораме да пресметуваме и предвидуваме потези на стратешкиот тим на Обама до денот на гласањето. Тоа значи, не да гледаме туку да виѓаваме катаден што с` ќе добијат како задача нивните локални слуги на наш терен за да се изведе блицкриг промена на името до денот на гласањето, до објавувањето на резултатите од изборната волја на гласачите, па до формирањето на парламентот и владата. Оти ако сега му е мајката, тоа значи дека Америка ќе удри на Македонија во мигот кога немаме полнокрвна влада, имаме квислиншки импланти во државни институции со извршни ингеренции.

Во подготовката на стратегијата и ефектуирањето на планот за постигнување на крајната цел на американската држава во врска со Македонија, важна ставка е тактиката. А таа е и нејзина основна или вградена слабост. Имено, гломазните империјални машинерии немаат ни време ни волја да пресметуваат ризици во детали. Империите како американската затоа креираат шаблони, прават една кројка која потоа фабрички ја шиткаат како глобален костум за цел свет. Што значи тоа? Па само дека на идентичен начин ги разместуваат војските, логистичарите, на ист начин го препарираат теренот кој го напаѓаат, идентично ги избираат локалните подизведувачи и на крајот, идентично бегаат од својата одговорност влегувајќи во нов циклус на завојување. Тоа е нивната основна слабост. До бесвест и без оглед на факторот време, ќе ги повторуваат ,,мислите“ и ,,дејствата“ на Бжежински и Макарти. Таа превидливост на потезите и дејствата на агресорот треба да се појдовна точка во градењето на одбранбена стратегија и тактика на нападнатата страна. Во случајов Давид против Голијат, Леонидас против Kсеркс, Александар Македонски против Дариј, Сикариите во Масада против Титус, Kутузов против Наполеон, Жуков против Хитлер, Тито против Хитлер, Апостолски против Хитлер. Но, Македонија и по четврт век не собира сили да формира институција која ќе се бави со ваква работа, небаре нема сознание за опасностите кои ја демнат во свет како постојниов. И тоа е нејзината слабост на која игра напаѓачот, односно, агресорот.

Планетарно дупло голо

Значи што треба да чекаме до 5 јуни? Штом Џес Бејли објави дека САД е фрустрирана зашто во изборнава година не може да ја вкнижи Македонија како член на НАТО на самитот во Варшава и со тоа да забележи поен во големата тековна војна со Русија за прераспределба на светот на сфери на влијание, сега ќе се игра опасен пресинг што подразбира валкано и крајно нефер, оти агресорот е во цајтнот. Есенва Американците избираат претседател, а Русите Дума. Балканот, како и Европа, стана воено поле од тие причини. И со мигрантското цунами и со терористичките масакри ама и со последната ,,панамска оф шор афера“. Го гледате ,,блупринтот“ демек, оригиналниот потпис на истиот чадор кој дејствува и во Македонија но и на светско ниво. Анонимен хуманист во дворот на светски новинарски конзорциум сместен баш во Вашингтон доставува 11 милиони офшор-сметки. Kонзорциумов на корпоративни ,,слободни медиуми“ плаќан од KЕЛОГ, Kарнеги, Рокфелер, УСАИД и секако Сорос одлучи да ги дискредитираат непослушните политичари. Дури и кога не ги фатиле со сметки в рака. Па така, нафрка исландскиот претседател кој не му дал дозвола на Пентагон да парадира воено во Исланд, а и зад американски грб склучи стратешко партнерство со Kина. Путин нема офшор-сметки, ама негови познаници имале, што е еднакво како тој да има. Исто како и Асад. Ама затоа ,,фактите“ ги разработуваат пропагандно разни љубишиарсиќи кои работат во специјализирани гебелсо-макартискички фабрики за печатење ,,вистина“. И?Дупло голо! Планетарно.

Америка инвестира во Македонија преку слично сценарио (вторпат), за да ја добие како своја парцела за контрола на Медитеранот и Централна Европа. Русија и Kина ја растураат таа шема, ама што е најважно тоа го прави и целото човештво.

Мал терористички напад

Што ќе стори Вашингтон преку Бејли во преостанатото време за да ,,го реши името“? Навистина, ги има како фикс УЧK-структурите во ДУИ, ги има чадорашите како раководна структура на СДСМ, ја има и заедницата на ,,пресс-титутки“ во медиумите плаќани од УСАИД и Сорос, како и соросоидните ,,цивилни активисти“, ја има и косовската мафија, ама нема контрола на теренот оти македонскиот народ не е со нив. Особено не по прашањето за името и идентитетот. Значи, треба да дејствува фронтално во непријателски амбиент. Што е гадно кога моќни противници ти дишат во врат. Затоа ќе проба да исфингира настан што ќе биде доволно драматичен за да го сврти вниманието од главната цел. Бомбите се потрошија. Македонскиот трибунал на Јанева е тотално промашување, а Заев во содејство со албанската мафија е губитничка позиција. Сепак, „Бонд стил“ и Kосово се блиску, Грција таложи мигранти, а Оливер Спасовски е на чело на МВР. Тоа е амбиент за креирање на еден ,,мал терористички напад“ што се вели, во право време. Отприлика исто како оној што пред пет дена го изведоа во Дамаск, со цел пред изборите закажани за 16 април да го обвинат победникот Асад за злостор против цивилно население. Сиријците, како и Македонците, страдалници, за среќа не веруваат на американски фингерајки, па и настанот мина без ефект. Освен што зацрни уште десетици семејства. Но рековме, шемата останува. Особено што и во Македонија има безразумници со краток фитил и лични фрустрации кои за пари ќе сторат сенешто. А и веќе имаме искуство со атентати во право време. Значи, треба да чекаме шок ситуации. Дури и на денот на изборите кога цел ќе биде ОБСЕ и ОДИХР (МОСТ не го сметајте, оти е искомпромитиран, значи, некредибилен) да ги прогласат за некредибилни или да ги прекинат. До тогаш Бејли и странски емисари плус ДУИ ќе навалат врз Никола Груевски да се согласи на заедничка влада за ,,спас на Македонија“. Стара идеја од 2001 година која прво Бранко Геровски а сега и ,,тајмлес“ Павле Трајанов, овој пат како ,,независен политичар“ ја соопштија пред некој ден. Имено, и Вашингтон е свесен оти операција обезименување на Македонија не може да изведе ниту еден политичар во земјава а притоа да го преживее чинот. Но, за жал, на Американците, такво нешто со сигурност нема да го преживеат ни евентуалните потписници на купче. Kако со рамковниот и пржинскиот гангстерај. Во таков случај, гневот неконтролирано ќе се излее и врз сите бележити квислинзи.

Енигмата Никола Груевски

Но, да се вратиме на Никола Груевски и ВМРО-ДПМНЕ како сигурен победник на овие избори. И тука треба да се има предвид досегашниот шаблон за нивна неутрализација. Најпосакувана варијанта е Груевски самиот да се повлече од лидерската позиција. Вистински момент за Бејли би бил токму сега, пред изборите. Поточно, ако може оставката да ја курдиса на три недели пред изборниот ден. Тоа би ги нивелирало гласовите на горе-долу пата-пата што е предуслов за уште една фина коалиција за американски спас како онаа во 2001. Идејата не ни е непозната. Ни ја соопшти Иво Вајгел, еден од светата ЕУ тројка, кога на почетокот на фингерајкава наречена ,,криза“ по заседанието во Стразбур изјави дека ,,во ЕУ с` уште немало консензус за потребата Груевски да си замине од политиката“. Во меѓувреме, како што сите гледаме, Никола Груевски очигледно го нема во политиката. Поднесе оставка како премиер, работи како политичар, ама не се меша во политика, особено не во државната. Да видиме дали ќе го одработи и последното што од него го очекуваат Американците и западните европејски лакеи. Kако и да е, ВМРО-ДПМНЕ која не е многу транспарентна по вакви прашања, веројатно знае за оваа варијанта и сосем сигурно и во таков случај ќе биде подготвена и мобилна за дејство. Оти еве, како и во 2008, по вторпат се јавуваат иницијативни одбори за ,,спас на ВМРО од Груевски“. Она што не им успеа на Љупчо, Љубе, Доста, драгиот Стојменов, Димитров, Лазаревик, ќе му успее демек на најновиот ,,конзорциум“? Старо моделче, глупо кројче! Но и тоа не е најважното. Најважно е, а тоа повеќепати сме го кажале, дека македонскиот народ безусловно ќе си ја брани државата и името.

Пишува: Мирка Велиновска за Дневник

ИСТИТЕ ЛУЃЕ КОИ САКААТ ДА ЈА РАСТУРАТ МАКЕДОНИЈА: Панамаликс има за цел да им наштети на лидерите на слободниот свет!


Сето тоа што ни се случуваше во рамки на наметната политичка криза, прислушуваните разговори, протестите, Договорот од Пржино, оставката на Груевски, Законот за медиумите, Специјалното јавно обвинителство (СЈО), упадот во касарната во Гошинце и терористичкиот напад во Куманово, насочувањето на бегалците со флаери на арапски јазик за илегално влегување во Македонија и тоа само неколку денови во посетата на Викторија Нуланд на јужната граница се само чекори од сценариото за ослабување на македонската држава која така ќе може биде принудена да го смени своето име и идентитет после евентуалните избори на 5 јуни, а во пресрет на Самитот на НАТО во Варшава

“Панамаликс” е последната афера од глобални размери чија главна цел е да го наруши угледот на дел од светските лидери кои водат независна политика од САД. Тоа го потврдуваат, меѓудругото, имињата на претседателите на Русија и Кина кои веројатно се главната цел на оваа операција.

Повторно, ударна игла во нападот на ривалите на САД се јавува институтот Отворено општество на Џорџ Сорос, кој е основач и финансиер на Меѓународниот конзорциум на истражувачки новинари кој го раководи објавувањето на документите. Практично, “Панамаликс” е новата геополитичка операција на Западот предводена од САД за зачувување на светската хегемонија.

Во таа смисла, треба да се толкува и ситуацијата во Македонија која е само едно мало поле од шаховската табла на која се судруваат Западот и Истокот. Имено, политичката криза, прислушуваните разговори, протестите, Договорот од Пржино, терористичкиот напад во Куманово, бегалците и нивното насочување преку флаери на арапски јазик за илегално да влезат во државата се само чекори од поголем план за дестабилизација и “виткање на раката” на Македонија, да и се скрати просторот за маневри и под голем притисок да се принуди да го промени името на државата и идентитетот на народот за така обезличена, државата да биде внесена во ЕУ и НАТО.

Со членството на Македонија во НАТО, практично се истиснува влијанието на Русија на Балканот која се врати на светската политичка сцена со што се завршува едно поглавје од глобалната борба на Западот и Истокот за географските сфери на влијание. Режисер на ова геополитичко сценарио е Западот на чело со САД што го потврдија шесторката западни амбасадори кои беа главните актери во наоѓањето на “решение” за политичката криза, а го запечати амбасадорот на САД во Македонија, Џес Бејли кој симболично, на Денот на НАТО, изјави дека “нема подобро време од сега да го отплеткаме јазолот наречен спор за името” додавајќи дека Македонија треба да работи во три области, односите со Грција, модернизација на војската и демократијата и владеењето на правото каде САД може да даде поддршка. Тоа се еуфемизми кои практично ги означуваат точките каде САД ќе врши притисок на Македонија во смисла на евро-атлантската интеграција со која нераскинливо поврзана е промената на името.

-Како што препорача генералниот секретар на НАТО, Јенс Столтенберг, витално е да се почитуваат обврските од Договорот во Пржино и да се донесат и имплементираат реформите за избори. Кредибилни избори, работата на СЈО, реформите во медиумите и другите области заедно праќаат стратешка порака за вашата иднина во евроинтеграциите и за посветеноста на евроатланските вредности. Половичните мерки пак праќаат спротивна порака. Мојата порака е многу едноставна – зграбете ги овие можности, рече Бејли.

Од неговата изјава, може да се заклучи дека сето тоа што ни се случуваше во рамки на наметната политичка криза, прислушуваните разговори, протестите, Договорот од Пржино, оставката на Груевски, Законот за медиумите, Специјалното јавно обвинителство (СЈО), упадот во касарната во Гошинце и терористичкиот напад во Куманово, насочувањето на бегалците со флаери на арапски јазик за илегално влегување во Македонија и тоа само неколку денови во посетата на Викторија Нуланд на јужната граница се елементи на сценариото за ослабување на македонската држава која така ќе може биде принудена да го смени своето име и идентитет после евентуалните избори на 5 јуни, а во пресрет на Самитот на НАТО во Варшава.

Поранешниот амбасадор Ристо Никовски, коментирајќи ја изјавата на Бејли вели дека таа апсолутно потврдува дека се ова што ни се случуваше во последните година-две, не е воопшто ништо случајно туку прецизно сценарио кое треба да доведе до капитулација на Македонија.

-Вашингтон веќе не крие дека нивна цел е затворање на “македонското прашање” со прекрстување на државата и разнебитување на македонскиот народ. Точно е дека, за нив е моментот сето тоа да се реализира бидејќи со прислушкувањето и кризата која ја создадоа ги стресоа темелите на државата која никогаш не била послаба. Кога ако не сега да ни се наметне американската волја, смета Никовски.

Гинко: Кризата во Македонија е испровоцирана од надворешни сили

На иста линија е и Владислав Гинко, економски експерт од Руската претседателска академија кој смета дека политичката криза во Македонија тотално е испровоцирана од надворешни сили.

-Вмешувањето во внатрешните работи на Македонија од политичарите на ЕУ и САД претставува ризик за економската и политичката стабилност на оваа држава. Главната фигура која игра негативна улога во оваа ситуација е потпретседателот на САД, Џо Бајден. Тој ќе врши влијание за да се наметнат интересите на САД над македонските. Моменталното лидерство во Македонија покажа храброст во водењето на независен политички и економски курс. Партнерството со ЕУ и соработката на некои прашања со НАТО не треба да значи одземање на Македонската независност, вели Гинко.

Според рускиот политички аналитичар и геостратег Леонид Савин, кризата во Македонија е испровоцирана, како и во многу други држави претходно, за да ја дестабилизира состојбата, да се организира државен удар и од тоа да се извлече бенефит.

-Секоја држава има сопствени специфики и САД манипулира со детали и контрадикторности. Во случајот на Македонија се мигрантите, албанскиот фактор и геостратешката локација на државата. Да, како крајна цел Вашингтон сака да ја види Македонија како дел од НАТО. Но за сега дефрагментацијата на Балканот е во процес, вели Савин.

Тоа го потврдува и политичкиот аналитичар и новинар на “Спутник” Андреј Корибко кој објаснува дека последната изјава на Бејли не треба да се гледа во вакуум, затоа што е директно поврзана со политичката дестабилизација која САД ја произведе во Македонија во изминатите 18 месеци како и последниот хаос со мигрантската криза што беше ослободен во Македонија.

-Овие два вектори на притисок, вклучувајќи ги и обидите да се потикнат национални и религиозни идентитетски судири меѓу христијаните Македонци и муслиманите Албанци, се дел од меките тактики на Вашингтон за хибридна војна против државата. Една од целите е да се се извлече корист од периодот на транзициска влада во обидите да се притискаат привремените надлежни органи да донесуваат брзи и неодговорни одлуки. Работата е што, владата сеуште е водена од ВМРО-ДПМНЕ и има највисока можна почит за поранешниот премиер Груевски што значи дека е во сигурни раце и најверојатно нема да падне на некој од овие трикови кои САД ги изведува, но сепак, доволно е да се потенцира негативната намера позади акциите на САД за да се види вистинската закана која е во игра.

Сето ова, мора да се потсети, е со цел да се спречи историското враќање на Русија на Балканот и да се сопре мултиполарното ослободувачко влијание кое доаѓа со тоа, бидејќи САД сака да го задржи регионот под неговата сфера на влијание и затоа може да прибегне кон геополитичката тактика “изгорена земја” ако е приморан стратешки да се повлече, вели Корибко и додава дека последните потези против Македонија се дел од поголемите анти руски политики на САД во регионот и низ цел свет генерално, после избивањето на урбаниот тероризам во Киев и “ЕвроМајданот” кој беше поддржан од Западот.

“Панамаликс” ги таргетира лидерите на државите ривали на САД

Светските случувања, како и настаните во Македонија, во последниве неколку години, треба да се толкуваат во светло на геополитиката за да се формира целосна слика за причините на нивното настанување и намерите на големите сили кои ги иницираат. Секоја војна, обоена револуција или било која политичко-безбедносна операција се режира за одредени геополитички цели.panamaliks_soros2

Украинската криза, војната во Сирија, Арапската пролет, појавата на Исламската држава, тензиите во Јужното Кинеско Море, сето тоа се настани кои се поврзани и практично се географските црно-бели полиња на големата шаховска табла на која Западот ја лансираше својата мајсторка против растечките источни сили. Во тоа светло треба да се анализира и последниот случај со аферата “Панамаликс” која опфаќа 11,5 милиони документи од базата на адвокатската фирма “Мосак Фонсека” во кои се содржани информации за оф-шор сметки на бројни светски моќници и политичари.

Рускиот претседател Владимир Путин, претседателот на Кина, Си Џинпин, премиерот на В. Британија Дејвид Камерон, аргентинскиот фудбалер Лионел Меси, премиерот на Исланд Гунлаугсон, претседателот на Украина Петро Порошенко, се само мал дел од звучните имиња на најновиот скандал. Интересно е да се забележи дека најзвучните личности меѓу набројаните се претседателите на Русија и Кина чии држави се главните стожери на концептот за мултиполарен свет и потенцијалното обединување на Евроазија како и премиерот на Исланд, држава која го одби членството во ЕУ, каде САД сакаат да ја реактивираат воената база во Кејфлавик што се гледа од зборовите на заменикот-државен секретар за одбрана на САД Боб Ворк дадени во интервјуто за defensenews.com.

Според Гинко, “Панамаликс” е еден од инструментите на политичко влијание применет од потпретседателот на САД кој е мозокот за промена на политички системи во повеќе држави како Украина и Гватемала.

-Под негов надзор е “корупцискиот скандал” кој сега се спроведува во Бразил. Тој применува широка антикорупциска реторика но неговата огромна политичка вмешаност во внатрешните работи на Украина на пример, го прават одговорен, ако ништо друго морално, за економската катастрофа и огромната корупција која се практикува во државата. Уште повеќе, директното мешање на САД во внатрешните работи на Македонија, Украина и Гватемала мора да биде силно осудено во судница во САД или во друга држава ако судството на САД не успее да одолее на политичкото влијание од Белата куќа, вели Гинко.

Леонид Савин пак, истакнувајќи дека Меѓународниот конзорциум на истражувачки новинари кој го раководи објавувањето на документите е основан од институтот Отворено општество на Сорос и Пјер Омидјар.

-Не е протекување на документи, туку провокација. Има многу сомнителни “факти” во овие документи. Читајте ги чекор по чекор и ќе најдете многу дезинформации, вели Савин.

На иста линија е и Андреј Корибко кој вели дека за сега нема начин да се провери автентичноста на “Панама документите” затоа што наводните изворни оригинални документи се јавно недостапни во моментот.

-Се што интернет листите всушност се, се субјективни извештаи за сомнителни неетички активности од повеќе светски лидери. Има можност дека нешто од ова е вистина, но еднакво веројатно е дека нешто од тоа не е. Сепак, од ова претпоставено излегување во јавност поминале повеќе од една година во подготовките кои вклучуваат повеќе стотици луѓе кои ги анализираат документите и многу е веројатно дека ЦИА и другите западни разузнавачки служби вметнале лажни документи во миксот за да предизвикаат впечаток дека “новинарите” ги откриле сите овие корупциски мрежи, особено тие кои наводно ги вклучуваат соработниците на претседателот Путин, вели Корибко.

Тој додава дека нема сомнеж дека некои од информациите за помалите светски лидери и дури про западни марионети како Порошенко се точни, но треба сериозно да се земе во предвид до кое ниво обвинувањата против претседателот Путин и претседателот на НР Кина, Си Џинпин се разработени фабрикувања.

-Друга работа што треба да се има во предвид е дека нема Американски индивидуалци кои се вплеткани во најголемото протекување во историјата, кое, ако се земе во предвид американското влијание во сенишниот финансиски сектор и другите сиви економии е високо неверојатно во смисла на едноставна веројатност. Причината позади ова, настрана сомнителната ЦИА и другите разузнавачки врски со оваа афера е што Меѓународниот конзорциум на истражувачки новинари, субјектот одговорен за објавувањето на овие божемни наоди, е директно финансиран од Отворено општество на Џорџ Сорос меѓу другите финансиери, истакнува Корибко.

Практично, “Панамаликс” претставува уште еден обид да се наруши угледот на лидерите на државите кои водат самостојна политика, независна од САД, за да ја изгубат поддршката меѓу сопствениот народ што значи можност за САД и Западот да ја експлоатираат таа ситуација преку нивната НВО-мрежа и разузнавачките служби.

Стефан РАШКОВСКИ