Интервјуа и колумни

Teo напиша:
Ова не е борба на СДСМ против нивните политички опоненти ВМРО -ДПМНЕ, туку борба на целиот слободоумен народ во Македонија против Никола Груевски и неговото злосторничко здружение, кои ја злоупотребуваат самата партија ВМРО-ДПМНЕ, која им претставува заштита особено сега кога се разоткриени.

трендафил напиша:Според извештајот на Светска банка Македонија ќе се изедначи на економски план со земјите од ЕУ за 25 години. Доколку СДСМ дојде на власт за 25 години ќе бидеме двојно посиромашни од европјаните отколку што сме сега.

Мујо и Хасо како гаранти на Пржино

Дејвид Kамерон има проблеми со „Документите од Панама“. Опозицијата побара негова оставка. Ништо чудно. Но, можеме ли малку поинаку да ја свртиме работата? Да претпоставиме дека пред да бидат објавени, службата за која работи еден од партнерите во „Панама“-фирмата, му ги дала документите за Kамерон на тамошниот лидер на опозицијата, Џејмс Kобурн. И дека човекот си побарал средба со премиерот на која му рекол дека или ќе прифати да си замине (или барем некаква техничка влада) или тој ќе ги објави документите. И дека потоа, Европска Унија се истоварила во Лондон и дека потпишале некаков пржински договор, занемарувајќи го тоа што Kамерон бил уценуван (и тоа врз основа на документи кои се веродостојни и се доказ за разлика од нашите индиции стекнати со провала на безбедносниот систем), но вадејќи го во прв план тоа што Британците наводно немале кредибилен избирачки список и затоа што гласачките ливчиња ги броеле во некакви си спортски сали ставајќи рецки, како да се игра табланет, а не на самото место по завршување на гласање како кај нас. И затоа што Би-би-си не била балансирана во третманот на Kамерон и Kобурн, а „Гардијан“ (весникот што фалсификува изјави како таа на Никола Груевски) веста за таткото на Kамерон ја објави дури кога се соочи со притисок од јавноста која почна да се потсмева на насловната со Путин. Ви изгледа ретардирано, неможно, премногу несериозно, нели?

Али Ахмети изјавува дека бил уценуван со приватните снимки. Дека уцените кон него и партијата оделе од барање пари до носење одредени политички одлуки. Во исто време Могерини изјавува дека партиите требало да се држат до пржинскиот договор. Господ знае дали жената е при здрав памет кога го говори ова, но очигледно има психолошки проблеми кога не е способна да сфати дека тој пржински договор отиде во мајчина му токму преку башибозукот кој таа и фамозната ЕУ, нејзиниот претставник во Скопје и останата негова амбасадорска дружба со која катаден си нарачуваат медиумски простор додека се глупираат со изјави за слободата на медиумите, застанаа зад тоа што за Британија, со право, би ни било одвратно и како помисла, а не како реален процес кој згора на с` се нарекува и политички. И борба за слобода и за демократија.

Впрочем, Могерини во Скопје ја претставуваше и Белгиецот со мачките. Ви личи сето тоа на стамен, здрав, нормален процес или повеќе на заебанција на луѓе избегани од едно место?

Зоран Заев, за да не биде кусо, изјави дека ако било укинато специјалното обвинителство од ВМРО-ДПМНЕ (внимавајте, не од Уставниот суд, туку од ВМРО-ДПМНЕ), тогаш снимките би требало да му бидат вратени. Негови си биле. Ете и тоа е уште еден мисловно-политички процес кој произлезе од помошта што ни ја дава „меѓународната“. Утре убиец на кој му бил одземен пиштолот може да си го побара назад. Си го купил чесно. Не го украл. Значи, негов си е. Уште недостига некој да му каже дека приватната сопственост според нашиот Устав е загарантирана (што е точно) и дека тоа важи и кога со таа приватна сопственост вршиш кривични дела (што е неточно). Но, дајте им ја оваа конструкција во СЈО и можете да се обложите дека тие барањето на Заев ќе со сметаат за правилно и уставно.

Никола Груевски одржа прес-конференција по изјавата на Заев дека СДСМ нема да учествува на изборите. Тоа е експремиерот на Македонија, кој според пржинскиот договор, до кој, нели, сите би требало да се придржуваат, си замина од функцијата на 100 дена пред изборите. Тие 100 дена истекуваат на 24 април. На 25 април е 101. ден. Според кој договор е ова? Според кој договор за кој блада Могерини снимките може да се тркалаат по улици и да се уценуваат политичари? Според кој договор на МВР му треба толку време за проверка на некои гласачи колку што дедо Ное имал години?

ВМРО-ДПМНЕ ќе требало да коригира некои грешки, вели Груевски. ВМРО-ДПМНЕ меѓутоа не може да ги коригира грешките кои произлегоа од погрешната стратегија која не ги расчисти работите во оваа држава за да не ни се повторуваат сценаријата од 2001 година. И прашање е дали ВМРО-ДПМНЕ може да расчисти со она што очигледно им влегло во главите на неговите луѓе, а што Миле Јанакиевски онака препотентно го искажа: Ќе средиме. Па ние држава сме или што сме. А што беспрекорно функционираше во првите колку-толку скромни години по 2006.

И да се вратиме пак на Заев. Целиот пржински договор се базира на потписите на четворицата лидери на партии со најмногу пратеници во Собранието. Оттука произлегува и, на пример, одредбата дека специјалниот обвинител не може да биде повикан на одговорност без согласност на четворицата лидери. СДСМ најави дека нема да учествува на изборите. По што СДСМ отпаѓа од листата на тие четири партии. Неговото место ќе го заземе некоја друга партија која ќе биде на списокот со најголем број пратеници. Му го кажал некој ова на Центарот за научни истражувања на СДСМ?

Пишува: Дарко Јаневски за Дневник

Анализа на Васко Ефтов: Бејли го предложи датумот, и мора да си остане на зборот – Избори на 5-ти јуни!

Политичата криза започна со СДСМ-овското непризнавање на изборните резултати во 2014 година. Не само поради тоа, туку и поради фактот дека секоја политичка криза завршува со избори и нашата политичка криза треба(ше) да има таква завршница. Затоа во ланските преговори под покровителство на меѓународната заедница прво беше одреден датумот за предвремени избори во Македонија.

ВМРО-ДПМНЕ сакаше избори до крајот на 2015 година. СДСМ сакаше избори без дефиниран датум. Под притисок на странците предвремените избори беа закажани на 24 Април. По таа дата потоа се датираа сите клучни политички потези во државата кои требаше да водат до излез од политичката криза: Формирањето на СЈО, избор на СДСМ-овските министри и заменици министри во клучните министерства , избор на Државна Изборна Комисија по мерка на опозицијата, оставка на Груевски на премиерската функција.

Со мали или минимални отстапки сите превземени обврски беа реализирани. Беа одложени само предвремените избори на 24 Април. Беа презакажани за 5-ти Јуни. Изборите беа одложени со „изјава од нога“ пред Владата на РМ. Изјавата беше прочитана од американскиот амбасадор г. Бејли. Не се сеќавам дека ниту еден странски дипломат ( на такво амбасадорско ниво) дотогаш на така груб начин се стави над државните и политичките субјекти и институции во РМ. Другиот ден г. Бејли мораше да се правда дека не е лидер на македонската опозиција. Тогаш прв пат јавно(од него) беше спомената датата 5-ти Јуни како термин за презакажување на предвремените избори. Во понеделникот, на почетокот на оваа недела, во две интервјуа, на Канал 5 ни на Алсат М Телевизија, амбасадорот Бејли (сега во пакет со евроамбасадорот Орав) кажа дека е останато уште доста работа, но не го проблематизира одржувањето на изборите на 5-ти Јуни. Меѓутоа, остави можност народот или граѓаните да одлучат поинаку. Односно политичките партии во Парламентот ако сакаат да се договорат за нова дата за предвремени избори.

Два дена подоцна опозицијата најави бојкот на изборите. Чекав на Твитер Бејли да го критикува бојкотот на опозицијата, како што го критикуваше „професионалното ниво“ на интервјуто на Сител со лидерот на опозицијата. Или како што критикуваше некои одлуки на македонското судство поврзани со работењето на СЈО, или како што ги критикуваше одлуките на Уставниот суд или најавите за промени во кривичното законодавство.

Но, не ја критикуваше одлуката на опозицијата за бојкот на изборите? Како можете да очекувате човек или партија „доброволно“ да одат на избори кога сите анкети им покажуваат дека убедливо ќе ги изгубат изборите. Што мислите дали американскиот амбасадор ќе твитнеше или ќе останеше пасивен ако владината коалиција или само партијата ВМРО-ДПМНЕ со 62 пратеника не ја прифатеше „депешата“ на Бејли за одложување на изборите и ја „печатираше“ договорената одлука предвремените избори да се случат на 24 Април. Како одеднаш „булдужерот“ на Бејлистана демократ и остави граѓаните – читај партиите сами да се договорат ако сакаат да се пролонгираат и изборите на 5-ти Јуни. Уште еднаш прашувам – како ќе ги натерате Заев и СДМ да се појават на избори кога сите анкети им покажуваат дека ќе бидат убедливо поразени. Нема шанса без силен притисок на Бејли и меѓународната заедница Заев да се појави на изборите!? Не сум сигурен. Бидејќи резултатот на овие избори нема да биде пораз на Заев и на СДСМ туку пораз на Бејли и политиката на меѓународната заедница. Затоа Македонија се турка во продлабочена криза. Се прави се, политичката криза која почна поради непризнавање на изборите да не заврши со избори и изборни резултати прифатени од сите. Вреден ли е Бејли, Орав и нивните амбасадоерски и дипломатски кариери да ја туркаат Македонија во таква неизвесност. Кога очекуваат дека рејтингот на Груевски и ВМРО ќе биде доволно низок за да се оди на избори? Ќе мора до тогаш да биде подгревана политичка криза? Заев тука не е битен. Заев ја заврши својата роља за странците. Сега може само да се обидува да ги спои предвремените избори со локалните, за да може како лидер на СДСМ да се пазари за победа во Струмица.

Но Бејли е важен. И Бејли мора да победи на изборите. Ако веќе не може да победи (како што е сега случајот) да ги инвалидизира изборите и да имаме втори избори по ред бојкотирани од опозицијата. Се плашам дека тоа драматично ќе ја хавариса македонската стабилност. И ние ќе добиеме втор „замрзнат“ случај од типот на преговорите со името. Знаете колку малку фалеше Македонија да се согласи со „меѓународното име“ – Република Македонија (г.г.Скопје). Многу малку.

Но колку тој замрзнат случај се одувлекуваше, поради непринципиелната меѓународна политика, сега е просто невозможно да биде решено името без сериозен воен конфликт на Балканот. Дали амбасадорот Бејли и неговата амбасадорска кариера свесно ја туркаат Македонија во нов замрзнат случај и уште подлабока политичка криза. Знаете, глупо е опозицијата после сите преговарања да ги бојкотира изборите – тоа на среден рок ќе предизвика силни проблеми во самата опозиција. Но, да не се лажеме, глупо е да имаме избори каде ВМРО и ДУИ ќе се тркаат сами со себе. Тоа ќе биде драматично инвалидизиирани избори.

Без поактивна улога на Бејли како чадор на Зоран Заев, Заев ни во сон нема да оди на избори. И тука влегуваме во тој македонски круг од кој тешко се наоѓа добар и стабилен политички излез. На крај со вакво однесување на меѓународната заедница ќе бидат сериозно торпедирани и хаварисани сите европски очекувања на македонските граѓани. Од ден на ден кај македонскиот граѓани ќе расте фрустрацијата од непринципиелната меѓународна заедница. И, од ден на ден наместо да расте ќе се намалува поддршката кон странците и нивната политика за решавање на македонската политичка криза.

И што правиме тогаш? Кој ќе биде одговорен? Зошто на Македонија по не знам кој пат и се сервира така оладена супа!?

Мобилизација за да не завршиме како Украина!


Претседателот Ѓорге Иванов донесе политичка одлука државата Македонија да ги ослободи и помилува осудените и обвинетите за сторени кривични дела против истата таа држава. Одлуката е политичка. Според објаснувањето на шефот на државата, за вакво нешто се решил откако увидел дека насоката на движење на државата по двегодишна криза моделирана и управувана од надвор е крајно опасна и ја води земјава и нацијава не кон високо, туку во бездна, бескрајно страдање и уништување. Јас мислам дека ја донесе предоцна, кога македонското државно и национално тело се опасно зафатени од гангренозен процес. Македонија е во криза која не што не се решава, туку се обновува, продлабочува по секоја етапа на американско-европско примешување и припомагање во македонските работи. За тоа се виновни македонските детинести и наивни политичари. Западните странски служби имаат овде инсталирани свои подизведувачи кои дејствуваат циклично или наизменично за да вршат постојан притисок врз Македонците да се согласат на обезименување, односно за бришење од списокот на живите народи на светот. Тие (Верушевски, на пример) за пари и власт, односно, за сопствени добивки ги извршуваат валканите работи за таинствениот работодавач кого како акредитиран амбасадор го претставува Џес Бејли. Иванов во моментов е единствениот функционален политичар во нападнатата Македонија кој во име на нацијата реши да го пресече легендарниот Гордиев јазол за да не се давиме повеќе во бескрајно и бесполезно отплеткување на преѓата која сенекој ја замрсува. Радикална и непопуларна одлука во радикално и крајно опасно време. Таквите одлуки предизвикуваат адреналински реакции. Тоа значи ослободување на огромна чувствена енергија која дејствува експлозивно зашто долго била потиснувана.

Се разбира дека никому, па ни мене, не ми се сака да ги видам квислинзите, барабите, гангстерите, шпионите и слугите на македонските непријатели помилувани. Не ми беше мило ни кога ВМРО-ДПМНЕ ги амнестира учките од извршени дела против хуманоста, а кои дури и не застаруваат. Ниту кога истите тие учки, извршија терористички напад врз државата, а потоа станаа дел од естаблишментот со потписот на четири партиски поглавици под Рамковниот договор. Не ми се сакаше да ја видам државата Македонија како уценета од САД да се согласи на тоа дека нема да ги суди за злостори американските војници. Или да го истражува гангстерското киднапирање на странски државјанин по нарачка на американски амбасадор, па да прифати да не истражува, обвинува, суди и пресудува на криминалци, убијци, терористи кои изведуваат акции на наше тло за целите на чадорот. Но затоа многу сакам оваа агонија низ која минуваме да запре. Сакам да ги видам Вашингтон и Брисел, Лондон, Берлин и Париз како се дават во сопствените дегенерички срања. Сакам да го гледам она мумифицирно трупло Сорос, тој дртав психопат и крвопиец, како испушта смрдливи крици на неуспех над животот. За да го видам тоа, треба да е жива Македонија и нејзиниот народ.

Ѓорге Иванов донесе непопуларна одлука која сите ја дочекавме на нож. Ама кога ќе се помисли здраворазумски и кога ќе се оценува тродимензионално, имајќи го на ум просторот и времето, се добива поинаков заклучок. Неговата одлука не му се допадна на Стејт департментот! Ниту на ЕУ во Брисел! Не му се допадна на Џес Бејли. Не и се допадна на онаа бриселска бирократска багра која во Македонија ја претставува Аиво Орав. А баш тоа ми е доказ дека Хорхе овој пат ја згазнал змијата отровница за опашката откако ја извадил од под камен кај се криела од светло во форма на анонимен чадор. Таман не внесоа со пржинскиот гангстерај во украинска револуционерна фаза и си помислија дека притиснати и разнебитени од внатре, а со мал притисок однадвор, со помош на јужен грчки мигрантски цунами и косовски експанзионистички удар од север, конечно ќе н` столчат, еве кај пак некој ги изненади.

Во процена на квалитетот на оваа одлука секој пред да фати страна, да се определи, би требало да се потсети на резултатите на вакви слични сценарија и режии од Вашингтон и Брисел во Египет, Либија, Ирак, Авганистан, Сирија, Јемен, Грузија, Украина. Kамен на камен не остана од тие некогаш држави. За страдањата на тие народи не може ни да се најдат соодветни зборови. Ова нормално не се однесува на оние безумници што ги контролираат Сорос, Бејли и Заев. Таа квислиншка хорда на психопати и вампири ќе си умре непроменета.

Сега веќе нема назад. Со оваа одлука дејството на драмата се одвива. На една страна е мнозинскиот народ. На другата е македонскиот споулавен украински десен центар, односно домашните фашисти. Заев го објави македонскиот Мајдан. Исходот ни е добро познат. Ќе гори Македонија за конечно да ја снема. Таков му е планот. Оти таква е целта на чадорот. Ете, шерифот Бејли бара средба со Иванов за да го убеди да ја повлече одлуката. Демек, да го врзе пак јазолот кој го пресекол. Будала! Ќе си игра курташак со нас. Не знам кои средства за убедување ќе ги примени, ама сигурна сум дека ќе бидат ненормални закани. Оти шерифчево ,,Рој Бин“ не сака по третпат неговите шефови во Вашингтон да го викнат и да му вртат уши, да му лепат шамари за неуспешно вршење на работите, ем тоа во изборна година и кога американската надворешна политика книжи пораз до пораз на секое парче земја. Влеговме во опасна фаза на играта. Пучот е извршен и легализиран преку пржинските закони. Изборите и натаму се неизвесни. Извршната власт ни е техничка, со исклучок на претседателот. Законодавната е распуштена. Безбедносно зависиме од алтернативен партиски министер и уште еден кој се колне во Џон Мекејн. Во судството е сместено СЈО како змија звечарка, како македонска верзија на Гвантанмо, партиски суд, СС трибунал за политички монтировки. Да не се повторувам веќе, оваа ситуација, сакал – не сакал, ќе ја разреши македонскиот Шумар – народот кој е нападнат и сака и ќе мора да си ја одбрани татковината. Оти тука се раѓа, живее и умира неговиот пород. Оти алтернативата му е да се шутка по кампови на граници, во вагони како анонимен бегалец, емигрант или мигрант.

Се ми се чини дека на Иванов ќе му падне во надлежност да прогласи и вонредна состојба, оти издрогираните хорди на Заев почнаа со палежи, па е реално да се очекува и директен судир со нормалниот народ. Треба да се очекува и повик за општа мобилизација и самоодбрана.

А правната држава ја снема во2001 година. Дај да не се правиме мутави! Да не глумиме сега изненаденост ко божем не сме од тука. Да им го оставиме глупирањето на Заев како ексклузива и на Стејт департментот како негов закрилник кој стори се во Пржино да го ничкоса уставниот и законскиот поредок на оваа земја. Да им оставиме ним и натаму да се глупираат, а ние да се подготвуваме за квалитетна самоодбрана на теренот кој е под наша контрола.

Пишува: Мирка Веиновска за Дневник

- Ја следам оваа ситуација уште од првиот момент од пред една година, и за воља на вистината, уште тогаш ги предвидов контурите на планот на САД за дестабилизација на Македонија уште минатиот март во мојата анализа насловена како „Иднината на Балканот поминува низ Македонија“.
Република Македонија е клучна геостратешка позиција за Русиките и Кинески мултиполарни транснационални инфраструктурни проекти на Балканот, поточно сега суспендираниот Балкански Гасовод и Кинескиот Пат на свилата, официјално брза пруга која има за цел да ја поврзе Грција од пристаништето во Пиреа до Будимпешта, а можно и подалеку до Варшава, Рига и Санкт Петербург. САД сака да ги спречи овие проекти да се изградат бидејќи тие имаат потенцијал да ја ослободат Европа со мултиполарно влијание во иднина, па затоа во Македонија се создаваат проблеми за да се уништат овие планови. Да сумаризирам пошироко, НСА нелегално прислушувала важни личности во Македонија, а потоа монитраните снимки ги предава на нивниот полномошник за спроведување на „Обоена Револуција“ во земјата Зоран Заев, со цел да ја уценува владата.
Кога ова не се оствари, тој селектино почна да објавува снимки, како што агресивно ги нарекуваше „бомби“ со цел да провоцира „Обоена Револуција“ која за прв пат се обидоа да ја реализираат минатиот Мај. Истата беше одвратена од патриотски настроените Македонци кои излегоа на улиците да протестираат против сценариото за насилно менување на власта, а безбедносните сили во исто време за среќа ја сопреа Албанската терористичка ќелија во Куманово од изведување на координирани анти-владини напади. Во политичката разврска, ЕУ и САД гарантираа за договор наречен „Пржински договор“ во кој се предвидуваа предвремени избори, а во согласност со ова, демократски избраниот, легитимен и многу популарен Премиер Никола Груевски даде оставка пред одржувањето на предвремените избори согласно договореното, избори кои подоцна беа презакажани откако „опозицијата“ изјави дека ќе ги бојкотира. Сега, претседателот Иванов ги аболираше сите луѓе поврзани со политичката криза во земјата со цел таа да тргне напред, но тоа се претвори во повод за прерано лансирање на последниот дестабилизирачки акт, кој оригинално беше спремен да започне поблизу до датумот за избори на 5-ти Јуни.
Американскиот амбасадор Џес Бејли е вмешан во сето ова и е осомничен дека извршил притисок врз ТВ канал на кој се емитува емисијата на најпопуларниот Македонски политички водител, Миленко Неделковски, да ја цензурира екс-помошник министерката за внатрешни работи Наталија Ивчева на неговото шоу каде што ги обвинува САД дека стојат зад хаосот за насилна промена на власта.

Она на што целата ситуација се сведува е дека САД сака да го претвори Скопје во Балкански Киев со цел да ги саботира мултиполарните проекти на Русија и Кина во регионот, но фала му на Бога за тоа што Македонскиот народ се собира во поддршка на нивната земја, исто онака како што тоа беше случај минатиот мај за време на најтемните денови за стартување на Хибридна војна против нив. Тие знаат дека ако нивната влада е турната, тогаш преку милион мигранти ќе влезат во нивната земја и ЕУ и дека марионетската влада на Заев ќе ги откаже Руските и Кинески проекти. Кога подобро ќе размислам, морам да се поправам – не е само иднината на Балканот која поминува низ Македонија, туку иднината на Европа!

САД се длабоко загрижени поради објавената одлука на македонскиот претседател Иванов да ги помилува вмешаните во истрагата за скандалот со прислушувањето. Таквата одлука, доколку се спроведе, уште повеќе ќе го наруши владеењето на правото во Македонија, интегритетот на нејзините судски и други институции, како и кредибилитетот на посветеноста на нејзините лидери кон основните вредности на НАТО, ЕУ и ОБСЕ.
Целосното помилување, кое го спречува понатамошниот судски процес, ќе ги заштити политичарите и нивните соработници од понатамошна одговорност и така нема да добијат правда граѓаните на Македонија, кои јасно ја покажаа својата желба за спроведување целосна истрага и гонење за кривичните дела што беа откриени во прислушувањето. Затоа е важно за сите лидери и партии да ја поддржат работата на специјалното јавно обвинителство (СЈО), кое парламентот го формира како дел од пржинскиот договор за да се истражат сериозните обвиненија за престапите на Владата.
Како што беше наведено во Годишниот извештај за човекови права во Македонија на Стејт департментот од 2015 година, постојат загрижувачки извештаи за високо ниво на корупција и дека Владата не успеала целосно да го почитува владеењето на правото. Неодамнешните извештаи од „Фридом хаус“ и од други граѓански организации истакнаа дека постои влошување на демократското владеење, зголемување на пријавени случаи на политички притисоци и закани, како и злоупотреба на државните ресурси во Македонија. Загрижени сме за извештаите во кои се наведени репресалии против граѓанските организации што изразија загриженост за заканите кон гласачите и немањето одвоеност помеѓу државата и партиите. САД ги охрабруваат напорите на граѓанското општество да го поддржи демократскиот развој во Македонија, како и работата на Државната изборна комисија (ДИК) да подготви веродостојни избори. Сепак, одлуката на претседателот Иванов сериозно ја доведува во прашање способноста на државата да одржи веродостојни избори на 5 јуни, кои веќе беа одложени од првичниот датум.
Како пријатели на Македонија, САД упатуваат силен повик до претседателот Иванов да ја преиспита својата одлука да ги помилува оние што беа вмешани во скандалот со прислушувањето и да им дозволи на СЈО и судовите да си ја вршат нивната работа. Истовремено, ги охрабруваме Владата и партиите да продолжат да работат на реформите што ќе ги зајакнат демократските институции и ќе ја вратат Македонија на патот на веродостојните избори и евроатлантската интеграција.

Во изминативе неколку години Русија во повеќе наврати официјално изразуваше загриженост поради состојбите во Македонија, затоа коментарот на МНР на Русија од 14 април годинава, по повод најновото заострување на политичката криза во нашата земја, изгледа сосема логично. Кажете, ве молам, што конкретно го поттикна руското МНР толку сериозно да реагира на настаните во Македонија?
- Русија е неделив дел од „големата Европа“ и ние сме природно заинтересирани за зацврстување на мирот и безбедноста на Балканот, вклучувајќи и во Македонија. Секој обид за дестабилизирање на состојбите во вашата земја, како и во другите држави во регионот, каде што и онака се собрани многу сложени, па дури и „експлозивни“ проблеми на етничка, верска и други основи, е многу опасен и може да доведе до неконтролирана ескалација на тензиите, што секако основано нè загрижува. Важно е исто така да имаме предвид дека Русија е постојан член на Советот за безбедност на ОН и во оваа функција има особена одговорност за одржувањето на мирот и безбедноста во светот.

Некои аналитичари посочуваат дека од текстот на коментарот на МНР наводно следува дека Русија ја поддржа актуелната владејачка гарнитура и на тој начин зазема страна во внатрешен македонски конфликт. Каков би бил вашиот коментар за таквите тврдења?
- Најголемиот интерес на нашата земја во Македонија, кој не го криеме, е зачувување на мирот, стабилноста, суверенитетот и територијалниот интегритет на Република Македонија, нејзин успешен развој во интерес на сите граѓани. Русија е отворена за најтесна соработка со сите партии и политички лидери што ги споделуваат овие цели. Нашата соработка со Република Македонија ја градиме како со земја, со народ, ако сакате. Таквите пријателски односи, кои не зависат од конјунктурата, имаат стратегиски долгорочен карактер. Погрешно е да се смета дека Русија поддржува тука некоја политичка сила. Таквите тврдења не се ништо повеќе од шпекулации. Во реалноста, пак, во нашите односи со Република Македонија ние цврсто се држиме до принципот на заемно почитување и рамноправност, што априори значи почитување на законите на вашата земја, на дејствата и одлуките на нејзиното раководство и законски власти. Да се потсетиме дека резултатите на претходните избори од 2014 година, според кои беа формирани законодавната и извршната власт во Република Македонија, беа признаени, со мали забелешки, од многубројни меѓународни набљудувачи, меѓу кои беа и западни претставници. Во Русија имаат големи симпатии кон народот на Македонија, искрено му посакуваат мир и просперитет. Токму затоа ги повикуваме сите политички сили да се откажат од насилство и од провоцирање на тензиите, на конструктивен и одговорен дијалог за пронаоѓање решение на кризата во рамките на постојната уставноправна рамка на Македонија. Долг на сите политичари е да ги негуваат својата земја и својот народ. Не е дозволиво да се преземаат чекори што ја рушат државата, предизвикуваат антагонизам и поделеност во општеството. За Македонија, со нејзината сложена социјална и етничка структура, тоа е особено опасно.

Една од клучните тези во коментарот на руското МНР е недозволивост на користење на украинското сценарио во Македонија. На што конкретно се мисли во овој случај во контекстот на Македонија?
- Да се потсетиме што сѐ се случуваше во Украина во февруари 2014 година. Радикалните политички сили со силна надворешна поддршка, манипулирајќи со расположение на граѓаните за протести, грубо ги прегазија Уставот на земјата и нејзините закони и тргнаа по патот на т.н. „улична демократија“, со цел насилно уривање на легитимната, законски избрана власт. Оригиналните (и мораме да признаеме праведни) барања за почитување на граѓанските права, борба против корупција, гарантирање на владеење на правото, на слободата на медиумите, под влијание на геополитичката конјунктура и екстремистичкото крило на опозицијата брзо беа заменети со слогани за победа „по секоја цена“, со курс кон конфронтирање со власта, нејзините поддржувачи, безбедносните органи. Беа лансирани „валкани“ информативни технологии, употребени методи на бојкот и уцени, терор, провокации, закани со воведување надворешни санкции против актуелните власти, отворено заплашување и вршење притисок врз неистомисленици. Русија во повеќе наврати ги предупредуваше западните партнери за ваков опасен развој на настаните и деструктивни последици на нивното мешање во внатрешните работи на Украина, повикуваше на спречување на ескалација на ситуацијата, спречување противзаконски акции на политичките радикали што беа контролирани од страна на Запад. За жал, нашите западни партнери ги игнорираа овие предупредувања, што уште повеќе ги поттикна екстремистите на уште побескомпромисни и агресивни дејства. Како заврши сето тоа сите добро знаеме. Таканаречената „револуција на достоинството“, спроведена под мотото за борба за европските вредности, всушност доведе богата земја со 40-милионско население до целосен економски и финансиски банкрот, граѓанска војна со многу илјади жртви. Наместо ветените слободи, општеството се најде во ситуација на голема немаштија, комплетно владеење на корупцијата, правен хаос, а некогаш единствениот народ беше поделен во два непријателски табора. Под знак прашалник беше доведена и државноста на Украина: во суштина, земјата го изгуби суверенитетот и се управува „рачно“ од Вашингтон и Брисел. Сметам дека заклучокот за тоа колку во сегашните настани во Македонија се гледаат елементи на „украинското сценарио“ треба да го направат самите македонски граѓани.

Во коментарот на руското МНР, меѓу другото, се спомнува за сериозно инволвирање на надворешен фактор во нормализирање на внатрешнополитичката ситуација во Македонија. Што мислите за толку активниот ангажман на западните партнери во решавањето на кризата во нашата земја?
- Немаме никакво предубедување. Констатираме дека нашите западни колеги, имено од ЕУ и САД, се активно инволвирани во внатрешнополитичките процеси во вашата земја. Се разбира, Македонија како суверена држава има право сама да си избира партнери за решавање на своите проблеми. Меѓутоа во даденава ситуација сметаме дека е многу битно странските посредници, дури ако се поканети да ја играат таа улога, да не излегуваат надвор од правилата на цивилизираната меѓународна комуникација, својата функција да ја вршат чесно, без двојни стандарди и во никој случај да не се обидуваат да дејствуваат во име на целата меѓународна заедница. Јасно е дека нивната задача е многу конкретна, односно да помогнат за постигнување договор, но не и да им наметнуваат на политичките субјекти во Македонија свои одлуки по кои било прашања. Токму во тоа треба да бидат нивната функција и нивната одговорност како посредници. Но, на крајот на краиштата, правото на решавање судбоносни прашања за Македонија им припаѓа само на македонскиот народ и на неговите законски претставници. Обиди за вршење надворешен притисок, меѓу другото, преку отворено манипулирање со граѓанското движење можат да предизвикаат катастрофални, непредвидливи последици, како што тоа повеќепати веќе се има случено во други земји, вклучувајќи ја и трагедијата во Украина, за која денес веќе говоревме. Не смее да се заборави дека немешањето во внатрешните работи на суверените држави е еден од најзначајните принципи на современото меѓународно право, негово прекршување е неприфатливо и деструктивно. Во таа смисла Македонија не смее да биде исклучок.

Кое решение, според вас, најмногу би одговарало за зацврстување на мирот и стабилноста во Македонија, за завршување на долгата криза во нашата земја?
- Македонија во својата историја повеќепати се имаше соочено со тешки, понекогаш дури драматични искушенија, но секогаш достоинствено ги надминуваше. Не се сомневам дека така ќе биде и сега. Решението мора да биде на самите граѓани на Република Македонија, во рамките на Уставот, законите и на правниот систем на нивната земја и уште еднаш сакам да истакнам - без какво било мешање однадвор. Најважно е тоа решение да биде најдено по мирен пат, во рамките на демократските институти и процедури. Како единствен легитимен излез од настанатата ситуација гледаме што поскоро одржување парламентарни избори, во кои треба да учествуваат сите граѓани и политичките сили што ја чувствуваат одговорноста за својата земја. Да се биде одговорен политичар и вистински демократ значи, пред сѐ, да се почитуваат граѓаните, нивната волја. Само на тој начин политичарите можат не на зборови, туку на дело да ја покажат својата одговорност пред народот, пред своите потомци, но и пред многуте поколенија на предци што со столетија го негувале вековниот сон за сопствена македонска држава. Убеден сум дека токму оваа одговорност ќе им овозможи на граѓаните да направат вистински избор.

Се случило ли во Русија некои политичари што извршиле тешки кривични дела, потоа да бидат аболицирани?
- Да, слични, иако не идентични, случаи на помилување имавме и во Русија. Само за пример, во 1994 година нашиот парламент ги амнестира сите обвинети за обид за државен удар во 1991 и 1993 година. Амнестијата одигра исклучиво позитивна улога за надминување на конфронтацијата во општеството, за обновување на граѓанскиот мир во нашата земја, која тогаш поминуваше низ едно од најтешките искушенија во историјата. Патем, да спомнеме дека слично дејствуваше и првиот „црн“ претседател на Јужна Африка, нобеловецот Нелсон Мандела, кој во 1994 година донесе одлука за прекинување на судското гонење на илјадници учесници на граѓанската војна, што овозможи да се стабилизира ситуацијата во таа земја, да се спроведува политика на национално помирување.