Диктатурата конечно го покажа вистинското лице

Лидерот на СДСМ Зоран Заев, на прес-конференција, кажа дека доказите што ги поседува се од службите кои се под контрола на премиерот Никола Груевски, а не од странски разузнавачки служби, како што обвини претходно премиерот.

Заев напомена дека тајните служби на Никола Груевски следеле илјадници граѓани на Македонија, а аргументите и доказите ја докажуваат спрегата на релација МВР-судство-партија.

(ВИДЕО) Заев: Илјадници граѓани биле следени од службите на Груевски



Ова што се случи денес е дрзок обид на власта да го спречи објавувањето на доказите според кој згазен е Уставот и законите од страна на Груевски, рече пред малку во своето обраќање, лидерот на СДСМ Зоран Заев, кој напомена дека нема да биде спречен да ги објави доказите за она што власта го правела.

Заев напомена дека тајните служби на Никола Груевски следеле илјадници граѓани на Македонија нарушувајки ја нивната приватност и професионален ангажман, а аргументите и доказите ја докажуваат спрегата на релација МВР-судство-партија.

Како одговор на обвинувањата од премиерот Груевски и министерката Јанкулоска, дека лидерот на опозицијата, доказите ги добивал од странски служби, Заев изјави:

- Нема никакви странски служби. Нити сум го уценувал, нити сум се заканувал. Сите знаеја кои се петте барања меѓу кои и техничка влада. Тоа не е нешто ново. Доказите се добиени од чесни граѓани и луѓе од службите на Груевски, кои вистински се грижат за иднината на Македонија.

- И затоа една порака и до членовите и симпатизерите и на ВМРО ДПМНЕ. Не брзајте, узурпирана ви е и партијата! Не брзајте, за поединци се работи! И сите вие сте таргет помеѓу илјадниците граѓани, порача Заев до симпатизерите и членовите на ВМРО ДПМНЕ.

Тој ја повика меѓународната заедница, будно и внимателно да го следи целиот процес, и деновите кои претстојат, и да реагира, бидејќи се работи за држава кандидат за Европската Унија.

Во однос на средбите кои ги имал со премиерот Никола Груевски, лидерот на опозицијата Зоран Заев рече дека јасно му укажал дека поседува докази за криминалното владеење и дека никој нема право да ја сокрие вистината од народот.

Тој во својот говор ги повика сите, Македонци, Албанци, Турци, Роми, Власи, Бошњаци и сите други националности, заедно да ја издвојуваат битката за да „се ослободи Македонија од она што и се случува“.

Напомена и дека периодот кој следи ќе биде тежок за земјата, бидејќи доказите „најдоговорно ќе бидат прикажани во јавноста“, бидејќи како што рече Заев, од денеска се испишува нова страница, за да се врати демократијата во земјава

http://novatv.mk/index.php?navig=8&cat=2&vest=19873

Милчин: Последниот тест за опозицијата



Познатиот режисер и директор на Фондацијата Отворено општество Македонија, Владимир Милчин на својот фејсбук профил денеска напиша:

„Ова пучов на Грујо е тест за опозицијата, а најмногу за СДСМ. Ќе сфатат ли најпосле разните надземни и подземни струи со кого имаат работа? Ќе се огласи ли Бранко? И незадоволниците од ова и она? Или ќе си гледаат сеир без да сфатат дека ова веќе не е тест за Заев? Тој го положи. Сега се на тестирање кујните опозициски. Ќе чекаат Заев да биде притворен? За да може одново да се делат картите? Она што ќе им го потфрли Грујо? Безумници! “.

http://plusinfo.mk/vest/13304/milcin-posledniot-test-za-opozicijata

reiter напиша:не не,не оди на добро.Зарем премиерот не е свесен дека еднаш ќе мора да си замине од премиерското столче.Зарем неможе да се присети како заврши Чаушеску или некој друг кој со сила сака да владее.Зар сака таков да го пишува во историјата.Изгледа длабоко е влезен во калта ама треба сам да се ваде а не да повикува членство да пуштат крв помеѓу македонци.Жалосно.

ОМ: Криминалот на Груевски и неговата банда ќе излезе на виделина



Обединети за Македонија одамна сме свесни дека криминалот на Никола Груевски и неговата банда ќе излезе на виделина, бидејќи како што и самиот во една прилика кажа „Вистината е како шило“. Знаеме дека ова измислено кривично дело ќе биде последно за кое некој бил обвинет во Република Македонија. Македонија веќе нема да биде држава во која има политички затвореници, се вели во денешната реакција на Обединети за Македонија.

Од партијата велат:

„Правдата ќе победи, правдата секогаш победува! Ги повикуваме сите, вклучително и членовите на ВМРО ДПМНЕ, да не бидат во заложници на криминалци. Сепак, иднината ни припаѓа на сите! Никој нема право да ни ја одземе!“.

http://plusinfo.mk/vest/13305/om-kriminalot-na-gruevski-i-negovata-banda-kje-izleze-na-videlina

Груевски призна дека опозицијата има докази за противуставно и противзаконското владеење на ВМРО-ДПМНЕ    

Државата се наоѓа во најтешките моменти од нејзиното осамостојување. Граѓаните на Република Македонија се соочуваат со најжестокиот режим на владеење во Европа, предводен од ВМРО-ДПМНЕ и Никола Груевск – велат од НСДП.



– Денешната акција на МВР, по налог на премиерот Груевски, против претседателот на СДСМ Зоран Заев, а вордно и против целата опозиција, претставува класична злоупотреба на власта, демонстрација на сила и очајнички обид да се скрие вистината за корумпираноста, алчноста и недемократското владеење на оваа власт.

Никола Груевски во неговото обраќање, призна дека опозицијата поседува докази за противуставното и противзаконско владеење на ВМРО-ДПМНЕ.

НСДП дава целосна поддршка на лидерот на СДСМ Зоран Заев во  обелоденување на вистината за корумпираната, криминална, алчна, забегана и недемократска власт, како и целосна подршка во битката за враќање на демократските и европски вредности во Република Македонија – стои во соопштението на партијата.

http://libertas.mk/%D0%B3%D1%80%D1%83%D0%B5%D0%B2%D1%81%D0%BA%D0%B8-%D0%BF%D1%80%D0%B8%D0%B7%D0%BD%D0%B0-%D0%B4%D0%B5%D0%BA%D0%B0-%D0%BE%D0%BF%D0%BE%D0%B7%D0%B8%D1%86%D0%B8%D1%98%D0%B0%D1%82%D0%B0-%D0%B8%D0%BC%D0%B0/

Што кога премиерот не негира криминал?

Што мислите, што треба да направиме доколку не можеме да процесираме случај на отворен криминал направен од високи функционери во власта заради тоа што јавниот обвинител и сите судии се или платеници на една поличка партија, или се корумпирани до срж или уплашени до бессвест и, доколку не смееме да побараме одговорност од високите функционери во власта заради сомневање за направени криминални дејствија, заради тоа што веднаш ќе бидеме обвинети за клевета и ставени во затвор?



Што мислите, што треба да направиме во ситуација кога премиерот на државата не негирадека направил криминални дејствија, туку ја оспорува процедурата на собирање докази за направени криминални дејствија?
Што мислите, што ни останува како единствен излез?
Фејсбук статус на Мирјана Најчевска

http://libertas.mk/%D1%88%D1%82%D0%BE-%D0%BA%D0%BE%D0%B3%D0%B0-%D0%BF%D1%80%D0%B5%D0%BC%D0%B8%D0%B5%D1%80%D0%BE%D1%82-%D0%BD%D0%B5-%D0%BD%D0%B5%D0%B3%D0%B8%D1%80%D0%B0-%D0%BA%D1%80%D0%B8%D0%BC%D0%B8%D0%BD%D0%B0%D0%BB/

Спасов: Груевски го најави македонскиот Нирнбершки процес!



Поранешниот македонски министер за правда и амбсадор во Бугарија Ѓорѓи Спасов на својот фејсбук профил напиша дека конечно ќе и се суди на опозицијата за „Палење на рајхстагот„ по што би можело да се очекува таа да биде забранета.

Спасов притоа вели:

Откако на Груевски, покрај бројните најави и квлификации, не му успеа да го уапси Црвенковски, за обид за насилно уривање на уставниот поредок, по протестите на опозицијата на 24 декември, сега еве тоа му успева во случајот со најавената бомба од Заев.

Угледот на Груевски, конечно од нашето судство е прогласен за Уставен поредок кој мора да се заштитува од насилно уривање .
А за насилно уривање на угледот на Груевски (односно на Уставниот поредок) се сметаат 4 разговори на лидерот на опозицијата Заев со него ,на кои Заев наводно предлагал Груевски да го прифати јавното барање на опозицијата за техничка влада која би ги организирала изборите, и притоа наводно се заканил дека, ако тоа барање на опозицијата не биде прифатено, ќе продолжи да објавува документи од видот на оние кои беа објавени за Македонска банка, за Загорац Тумбовски, компанијата Актор и за криминалите направени во реализацијата на проектот Скопје 2014.

Груевски за тие наоди и аргументи не сака да разговара во дебата, на телевизија или на било какво јавно политичко соочување.Тој сака јавен судски процес на кој ќе и се суди на опозицијата и ја повикува јавноста да го следи тоа судење што е веќе подготвено.

Убеден во тоа дека нашето судство и најточните аргументи на опозицијата за негово учество во криминал ,може да ги отфрли и да ги оцени како застарени или како клевета, и може како и до сега во итна постапка да му додели 50 илјади евра за претрпена душевна болка, тој денес е веќе сигурен дека ќе има ново судење и најавува храбро дека е подготвен да се соочи одново на таков суд со лидерот на опозицијата , во судски процес во кој одново Заев ќе биде обвинет а тој само тужител и сведок.

Груевски со овој чин го врати и без уставни промени, во нашиот Уставен поредок кривичното дело Заштита на ликот и делото ( на Диктатотор) и кривичното дело вербален деликт. И тоа е вистнискиот пуч врз уставниот поредок.

Се што судот денес не признава како доказ против Груевски тој истиот суд го уважува како доказ против лица од опозицијата.
Така на пример. Груевски, МВР и Обвинителството тврдат дека имааат докази за некакви (вербални) уцени од Заев , изнесени во неколку лични(приватни- неофицијални) разговори со , Груевски. Тоа значи дека тие разговори од кои произлегува клучното обвинение за уцени се снимени неовластено и без налог од истражен судија.Во спротивно би можеле да бидат измислени тврдења на Груевски.

Судот кај нас, во случајот со Македонска банка, потврди дека кога некој го снима Груевски, тоа е доказ од неовластено снимање кое не може да се користи пред судот. А сега веќе сме сведоци на тврдењата на Груевски , на Јанкуловски па и на обвинителството дека токму неовластеното снимање на Заев е доказ врз основа на кој тие покренале и обвиненија за насилно уривање на Уставниот поредок и за уцени.

Се прашале ли во МВР и обвинителството, кој им гарантира дека снимката која наводно ја поседува Груевски од разговори со Заев не е подметната и дека може би тоа не е гласот на Заев? Или кога нешто тврди Груевски, во тоа никој не смее да се сомена.?

Зад специјалното обраќање на Груевски во врска со овој случај на сите телевизии, се крие секако и една многу суштествена порака.Апсејќи луѓе и покренувајќи обвинение за пуч заради поседување информации кои би можеле сериозно да го дискредитираат премиерот и негови блиски соработници, Груевски само им порачува на медиумите дека секој медиум што ќе објави нешто од бомбата на Заев, ќе се смета за учесник во пучот за кој се оди во затвор. Ова е закана и кон нив и кон секој што ќе ги шири информациите најавени како бомба од Заев. Ова е само уште една закана за замолчување на медиумите.

Ова е срамно подигрување и со правото и со правдата, па и со угледот на Македонија, по кое станува јасно дека под ваква власт, никој не е сигурен.

http://plusinfo.mk/vest/13280/spasov-gruevski-go-najavi-makedonskiot-nirnbershki-proces

ПИВОВАРОВ: КРИВИЧНАТА ПРИЈАВА ЗА ЗАЕВ Е ОБИД ДА СЕ ДА ДЕАКТИВИРА БОМБАТА

Универзитетскиот професор и поранешен разузнавач со оцена за актуелната политичка состојба

Универзитетскиот професор и поранешен разузнавач Владимир Пивоваров, коментира дека според логиката, бидејќи не биле презентирани аргументи, поднесувањето на кривичната пријава против лидерот на СДСМ, Зоран Заев, е  обид да се замолкне опозицијата и да се оневозможи објавувањето на т.н. бомба.

Тој истакнува дека од самиот почеток, уште пред неколку месеци, кога Заев ја најави бомбата, од владејачката гарнитура биле претпазливи, не се огласувале многу со реакции, што според него укажува дека биле свесни за постоењето на информациите, а таман кога се најавило нивното објавување, се случи поднесувањето на кривичната пријава.

-Го проследив обраќањето на премиерот Никола Груевски и морам да оценам дека истото беше многу штуро, бидејќи коректно ќе беше да одговори на прашањата на јавноста, односно секогаш кога обвинувате за нешто треба да се предочат аргументи. Вака, се кажа многу малку, а се премолча многу, поради што и се остави огромен простор за шпекулации, секој да си толкува како што сака, вели Пивоваров.

Тој истакна дека е очигледно дека моментот на поднесувањето на кривичната пријава за Зоран Заев е темпиран.

-Речиси пред СДСМ да ги објави т.н. бомби, се поднесе кривична пријава за Заев. Затоа се заклучува дека терминот внимателно е одбран. Но, повторно ќе кажам дека мораше уште сега да се презентираат аргументи, бидејќи сега ќе се создаде страв за тоа кој ќе одговара доколку сега се објават бомбите, бидејќи нашите закони си ги толкува кој како што сака, а можеби тоа беше и намерата, вели Пивоваров.

Поранешниот разузнавач додава и дека треба точно да се утврди дали некој незаконски го снимал разговорот меѓу двајцата лидери, Груевски и Заев, бидејќи како што го сфатил премиерот од своето обраќање, постоеле снимки за разговорот.

-Треба да се утврди дали некој од нив двајца бил озвучен на средбите и дали незаконски го снимал разговорот, бидејќи како што сфатив овие разговори ќе бидат презентирани. По сево ова очекувам да завладее уште поголем страв меѓу граѓаните, дека секој секого снима или прислушува, што значи ќе завладее период на целосен молк, заклучува Пивоваров.

http://fokus.mk/pivovarov-krivichnata-prijava-za-zaev-e-obid-da-se-da-deaktivira-bombata/

Brussels, 31/01/2015
150131_01_en

STATEMENT

Statement by the Spokesperson on the latest developments in former Yugoslav Republic of Macedonia

We have been informed by the Foreign Ministry in Skopje about details regarding the accusations against four people, including Zoran Zaev, Zoran Verusevski and his wife. Charges reportedly concern espionage and violent threats aimed at Government officials with the goal of undermining the constitutional order.

These are very serious charges and we recall the inalienable right for an independent and transparent investigation in case of any alleged wrongdoing, with full respect of the rights of the defendants in accordance with the law and international standards, including the principle of presumption of innocence.

The EU also reiterates its concern about the deterioration in political dialogue in the country. Political parties must refrain from actions which would further undermine the situation.

FOR FURTHER DETAILS:

Maja Kocijancic +32 498 984 425 - +32 2 298 65 70 - Maja.Kocijancic@ec.europa.eu - @MajaEUspox

Anca Paduraru +32 498 966 430 - Anca.Paduraru@ec.europa.eu

http://www.eeas.europa.eu/statements-eeas/2015/150131_01_en.htm

САД: Загрижено ги следиме обвинувањата за наводен обид за загрозување на уставниот поредок



За случајот „Пуч“ во кој лидерот на опозицијата Зоран Заев е обвинет за закани кон премиерот Груевски се огласи американската амбасада во Скопје.

Во соопштението се вели дека амбасадата на САД со загриженост го следи кривичниот случај против лидерот на опозицијата, Зоран Заев, и апсењето на три други лица за наводен обид за загрозување на уставниот поредок. Ги повикуваме властите да ги задоволат највисоките стандарди на правната држава, транспарентноста, принципиелноста, заштитата на слободата на говорот, како и судската независност во текот на процесот, за да се осигура интегритетот на демократските процеси во Македонија, соопштува американската амбасада.

http://24vesti.mk/sad-zagrizheno-gi-sledime-obvinuvanjata-za-navoden-obid-za-zagrozuvanje-na-ustavniot-poredok

Русија: Да се спроведе темелна истрага за случајот „Пуч” и да се почитува уставот



Полициската акција „Пуч“ во Македонија, предизвика реакција и на Министерството за надворешни работи на Русија.

Во соопштението се вели дека руското министерство за надворешни работи се надева дека во случајот „Пуч“ ќе биде спроведена темелна истрага во инетерес на стабилноста и сигурноста на Македонија.

Се повикуваат сите политички сили да делуваат согласно уставот, проблемите да ги решаваат со дијалог, а руското министерство потенцира дека влошувањето на состојбата во Македонија според Русија може да предзвика опасна ескалација на меѓуетничките судири во земјата.

Претходно со реакција се огласи и европската служба за надворешни работи која посочи дека се работи за сериозни обвиненија, и побара независна и транспарентна истрага, како и почитување на презумпцијата на невиност и правата на обвинетите.

http://24vesti.mk/rusija-da-se-sprovede-temelna-istraga-za-sluchajot-%E2%80%9Epuch%E2%80%9D-i-da-se-pochituva-ustavot

Од кога тврдење дека имаш докази за криминал е удар врз уставниот поредок?!



Го читам соопштението на МВР. За Заев велат дека упатувал закани до премиерот, а од напишаното може единствено да се донесе некаков заклучок дека можеби се работи за евентуално уцена. Со што Заев би му се заканувал на Груевски кому в рака му се сите институции, медиуми и тој е човек-држава? И од кога тврдење дека имаш докази за криминал на функционери е закана и удар врз уставниот поредок?!? Луда држава!

(…”Четвртопријавениот остварил повеќе лични средби и телефонски комуникации со Претседателот на Владата на Република Македонија, на 28.09.2014 година, на 09.10.2014, на 31.10.2014 и на 17.11.2014 година.

На средбите и комуникациите пријавениот на Претседателот на Владата на Република Македонија, јасно и децидно му упатил сериозни закани дека поседува докази од компромитирачки карактер за носители на високи јавни, службени и државнички функции во Република Македонија. Заканата ја конкретизирал со тоа што од него како Претседател на Владата на Република Македонија и на политичката партија ВМРО-ДПМНЕ, побарал да ги прифати неговите барања за формирање на „Техничка Влада“, а потоа да се распишаат предвремени избори за пратеници во Собранието на Република Македонија. За возврат пријавениот ветувал дека нема јавно да ги објави податоците. Ваквите податоци, четвртопријавениот ги добивал од првопријавениот, со кого остварил повеќе тајни средби, со посредство и помош на третопријавениот.“)

Едно е јасно. Груевски пресметал дека бомбата е голема, дека треба прв да тргне во офанзива со што Заев од предолго чекање дојде во позиција на дефанзива. Дополнително, признава дека некои од документите, разговорите се точни и веднаш ги става во кош со некои што биле неточни за да може да манипулира.

Груевски смета на судовите, на институциите, на најголем дел од медиумите и оттука веројатно храброста да истапи, иако практично делуваше исплашено, но неговата девиза е “победи ги или ќе те победат”, па оттука се спремал за битка со сите недозволени средства. Заев в раце има документи кои допрва ќе ги видиме, но дали имал стратегија и тоа ќе треба да се види. Засега делува дека има само документи чија содржина нема да биде веродостојно пренесена на најголем дел од медиумите. Очигледно претстои тешка борба за враќање на слободата и демократијата, а ми се чини дека ако до сега сте се згрозувале од квази-новинарите кои се камарила на Груевски, не сте виделе се уште ништо, тие допрва ќе се покажат во вистинско светло.

Фејсбук статус на новинарката Ида Протугер

http://libertas.mk/%D0%BE%D0%B4-%D0%BA%D0%BE%D0%B3%D0%B0-%D1%82%D0%B2%D1%80%D0%B4%D0%B5%D1%9A%D0%B5-%D0%B4%D0%B5%D0%BA%D0%B0-%D0%B8%D0%BC%D0%B0%D1%88-%D0%B4%D0%BE%D0%BA%D0%B0%D0%B7%D0%B8-%D0%B7%D0%B0-%D0%BA%D1%80%D0%B8/