Протести, контрапротести

Шарената револуција го зафати и Министерството за надворешни работи

Демонстрантите кои 12. ден по ред протестираат на скопските улици по одлуката за колективна аболиција, премалку го бојадисаа Министерството за надворешни работи, јавува репортерот на НОВА Влатко Чаловски.

Демонстрантите пред МНР ги пречекаа припадници на единицата за брзо распоредување со спуштени штитови.

ПРОДОЛЖЕН ПРИТВОРОТ ЗА ДЕМОНСТРАНТ ОД ШАРЕНАТА РЕВОЛУЦИЈА



На Борјан Ефтимов, еден од демонстрантите на кои им беше одредена мерка осумдневен домашен притвор од вчера му е одреден 30-дневен притвор, соопшти тој на неговата Фесбук страница.

Здружението „Протестирам„ за денеска нема најавено протест. Поради долгиот продолжен викенд за Велигден и Први мај најверојатно протестите ќе паузираат. Но, Борјан Ефтимов од дома им порачува на тие што останаа на слобода да излезат на улица „за да не бидете Вие следните кои што ќе трпат психичка тортура и ќе бидат угнетувани во лавиринтите на овој режим.“

Неговиот повик го поддржуваат пријателите и негодуваат дека додека “револуционерите“ паузираат, контрареволуционерите ќе апсат и ќе ставаат во притвори.

Здружението „Протестирам“ синоќа го објави Фејсбук статусот на Ефтомов во кој тој објаснува што му се случило:

„После кршењето на канцеларијата на претседателот бев повикан на полициски разговор на кој доброволно се пријавив и соработував со полицијата, односно сакав да го признаам делото. Товарен сум за учество во толпа што ќе стори кривично дело, и ми беше изречена мерка домашен притвор од 8 дена. Обвинителството поднесе жалба и бараше притвор во Шутка кој беше одбиен од страна на судијата. Денес (27.04.2016), ми стигна решение дека домашниот притвор се продолжува за 30 дена поради сомневање дека делото ќе биде повторено, иако протестите од 13.04.2016 се ненасилни. Имено, немам дадено исказ и обвинителство го избегнува тој процес затоа што ако ми го дозволи тоа и го признаам делото, нема да има основа за мерка притвор“, го сподели статусот на Ефтимов официјалната Фејсбук страница на здружението „Протестирам“.

Борјан е студент на Правниот факултет и како што вели се срами штостудира право „во земја во која студенти се тепани, уште од првата архибригада па до денес, и носителите на власта ги кршат сите закони, а истовремено за учество во толпа се изрекуваат енормни притвори, додека пак за криминалци ниту има казна, ниту има постапка или пак притвор, туку има само аболиција.“

„Со изречената мерка притвор за дело кое што не ми дозволуваат да го признаам ми го попречуваат процесот на образование. Да сакаа навистина да ме казнат за делото за кое што ме товарат ќе ми дадеа шанса да дадам изјава“, пишува студентот кому Судот му го продолжи домашниот притвор за 30 дена.

Герила-акција за Петир: Дали во ЕУ аболицирате криминалци?



Активисти- учесници во Шарената револуција денеска пред скопскиот ресторан Пелистер со транспарент ја прашаа eвропратеничката Маријана Петир „Дали во ЕУ аболицирате криминалци?“.

Петир денеска оствари средба со техничкиот премиер Емил Димитриев по што е забележана во скопски ресторан, во ко дискутираше со жени од политичкиот живот во Македонија.

„Денес го засоливме ручекот на евро-пратеничката Маријана Петир која околу пладне во ресторанот Пелистер во Скопје дискутираше со жени од политичкиот живот во Македонија. Ја прашавме: ДАЛИ ВО ЕУ АБОЛИЦИРАТЕ КРИМИНАЛЦИ? Инаку, г-ѓа Петир пред неколку дена изјави дека излезот од кризата во Македонија се избори на 5 јуни, а ние не се согласуваме со тоа!“ стои на страницата #ШаренаРеволуција на Фејсбук.

http://novatv.mk/gerila-aktsija-za-petir-dali-vo-eu-abolitsirate-kriminaltsi/

(ФОТО) Иванов ги предводеше протестите во Струмица

Голем број граѓани кои денеска излегоа на протестот во Струмица маршираа низ улиците на градот и ги повторија веќе познатите барања: оставка од претседателот Ѓорге Иванов и повлекување на аболицијата, како и одложување на изборите закажани за 5 јуни. Но струмичани беа денеска изненадени токму од Иванов, кој вечерва се приклучи на протестот и беше предводник на истиот.



http://reporter.mk/2016/05/06/%D1%84%D0%BE%D1%82%D0%BE-%D0%B8%D0%B2%D0%B0%D0%BD%D0%BE%D0%B2-%D0%B3%D0%B8-%D0%BF%D1%80%D0%B5%D0%B4%D0%B2%D0%BE%D0%B4%D0%B5%D1%88%D0%B5-%D0%BF%D1%80%D0%BE%D1%82%D0%B5%D1%81%D1%82%D0%B8%D1%82%D0%B5/

defo напиша:

Идемо даље.....Нунковиќ оди чекор „понапред“ во однос на Жуѓич....џоа интелектуалци.........Трендо е затоа сум горд што не сум подржувач на ДПМНЕ........ради овие луѓе, со секој кажан збор се поубеден и поубеден сум дека правилно сум одлучил што сум „анти-Груевист“